甘老太麥少珍昨早由大仔等家人陪同到庭，作供完畢後，在庭內的通道跟緊隨作供的二仔琨禮擦身而過，但兩人「面左左」，全無眼神接觸。甘老太事後告訴記者，原來過去幾年，她和二仔一家雖然住在同一幢大廈，但碰面也不打招呼。「頭先佢（二仔）個女響法庭大聲叫我嫲嫲，做戲之嘛，平日同一部都扮打電話，好似好巴閉」。
五兄妹中（其中兩人已歿），甘老太口中雖說，她和丈夫沒特別痛錫哪個，但她形容大仔孝順又純良，最似先夫：「佢穩重，好負責任，對盤生意緊要過生命。」至於二仔，她說：「讀得書多，口才叻，好勝，小器，欺善怕惡。」訪問過程中，她用「阿仔」來稱呼甘健成，至於二仔，她只說「佢」。
甘老太昨在家中接受訪問時表示，懷念從前一家人吃飯的日子。司徒世華攝
甘老太家中擺放着孫子的畢業照，由左起為次子所出的蕎因、連宏，長子所生的崇轅、崇軒。
她不諱言，丈夫未去世前，二仔也敬愛她，每朝也會找她飲茶，但丈夫去世後，二仔開始變。「佢最近幾年，拖住我嚟鬧，鬧我幫住大哥，我咁大個女未試過俾個仔鬧」。試過有次當二仔知道丈夫留下遺產給她，竟質問她「做乜老竇畀咁多錢你」。甘老太提起便火滾：「我同老竇打江山打番嚟，你哋有人工，但我冇，阿媽咁辛苦搵錢，你咁對我，好絕……老竇錢畀我都好應該啫，使唔使同你交代。」
以前她跟丈夫合力搞鏞記，她負責管貨倉和洗枱布，刻苦經營，終做出成績。她一直有儲私己錢，買樓投資收租，現在持有多個單位，從來不需要攤大手板問丈夫或仔女要錢，二仔的兒子連宏的二百萬首期，也是她送贈，因她很錫這個孫。可是，連宏竟然在員工大會上說大仔是狗。
「呢條仔（連宏）喺我度大，你話佢（大仔）係狗，你都係狗。目無尊長，養大都冇用」。甘老太說，她是在報紙上才得悉，指大仔喜歡將事放在心，一直不肯講這宗官司，她見大仔被後輩欺壓，覺得「好慘好陰功」。她不明白，為何二仔將兒子教成這樣。
她不評論大仔和二仔是否為錢反目，只說不會嬲二仔，忍着淚說：「個個都係自己生，兩兄弟舊時好好...一家人好開心，諗唔到會咁。」但她說，大仔十多歲便入鏞記由低做起，雖然二仔也付出辛勞，但只是後期加入，何況有收人工。她說：「搵錢出面搵，搵屋企人嘅錢就最老襯。」
以前每逢過時過節，一家人也會回這個家吃飯，但現在，大部份時間家中只有她和工人，二仔和女兒美玲多年沒跟她吃飯，她指女兒「連電話線都割埋」。「我年年都俾利是佢（二仔）同孫，但只係俾敏南（員工）俾佢哋」。望着先夫的靈位，甘老太說：「我有叫佢（先夫）出嚟搞掂兩個仔，我搞佢哋唔掂。」 
發表於 
正反骨仔! 阿爸心血都想賣!:;pppp:
返回列表
