吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 點解啲問題都是只有自己去面對

大仔大女媽媽會今日: 0|主題: 177861

收藏本版

發帖

返回列表

跳至頁

查看: 701 | 回覆: 9

[2011年] 點解啲問題都是只有自己去面對 [複製鏈接]

Jenniferwill

複式洋房

積分: 296

1^#

發表於 12-2-16 00:52 |只看該作者 |倒序瀏覽 |打印

昨晚一整夜沒有睡過,到現在也未能睡得着,我沒有吃興奮劑也沒有飲啡，這樣的狀態是由於担心而來,由昨晚BB發燒入院,我的心情未有好過,當醫生告訴我BB是尿道炎的時候，我的担優加大十倍,這難受的感覺一一由我独自面對,面對着BB唔肯飲奶,唔肯食葯。在掛念着家的一刻便透過閉路電視望吓,怎料只看見自己的老公只掛着打遊戲機。他究竟還記得他的老婆和BB仍在醫院,為何還有心情去玩遊戲機!?點解我會冒咁大險幫佢生了一個BB,難道他只覺得BB是一個玩具嗎!?這種心情有誰會知呢!?當媽媽是否就要這樣?

0 0 0

私人傳訊

亞晴

複式洋房

積分: 280

2^#

發表於 12-2-16 10:40 |只看該作者

回覆：點解啲問題都是只有自己去面對

男人永遠都長不大

私人傳訊

Zebrafish

伯爵府

積分: 16757

2018復活節勳章開心吸收勳章夏天玩到顛 hashtag影視迷勳章畀面勳章 BK Milk勳章親子王國15週年勳章

3^#

發表於 12-2-16 11:14 |只看該作者

你老公知道你在閉路電視見到他打機嗎？

我明白你的心情，因為我朋友的丈夫又係成日顧住打機，佢地兩公婆有一排都好唔開心...後尾聚會佢地同我地分享，大家都覺得溝通好緊要！

我bb都試過入醫，仲要係出世四日就要入返醫院照燈同打抗生素，我仲坐緊月但在醫院陪住bb過夜，我過咗第一晚夜頂唔順，第二晚開始就係我老公放工黎陪住bb過夜，就係咁陪咗一星期，呢方面我好多謝老公。

你使唔使返工架？如果要返工，咁試下你同老公輪流陪阿b，佢會上心d。

多d同老公講你的需要同感受，又或者今次你見到佢打機，可能係佢放工返屋企想減下壓啫！

果陣我bb留院，我奶奶黎接我更陪bb(中午至黃昏)，咁我就自己去食個豐富下午茶，其實好擔心bb，但自己都想減下壓...

同老公傾下，可能佢其實好擔心你地，不過唔識表達啫！

私人傳訊

Jenniferwill

複式洋房

積分: 296

4^#

發表於 12-2-16 20:53 |只看該作者

回覆回覆:Zebrafish的帖子

我是請咗大假去照顧BB, 其實我都明白佢的工作是不容易請假, 我都體諒過這點, 但都唔明啲男人心裡打機比任何東西都重要, 也有人同我講他又不是去滾就算他吧!是否做男人的就可以這樣張困難比女人去面對呢!

私人傳訊

Daphene

別墅

積分: 728

5^#

發表於 12-2-17 06:20 |只看該作者

回覆：點解啲問題都是只有自己去面對

其實有時男人唔開心或者緊張並唔會好似我地一樣俾人睇得出，呢d係佢地所謂既專嚴同自專心，並唔代表佢一定唔緊張你地，又可能佢根本未識處理成件事，男人一般都係咁，你唔好擔心咁多，照顧好BB 先，自己都要多休息

私人傳訊

Tora

大宅

積分: 2599

6^#

發表於 12-2-17 11:22 |只看該作者

回覆 Jenniferwill 的帖子

比你揀, 你想係閉路電視見到你老公做d咩?

私人傳訊

marlou

大宅

積分: 2716

7^#

發表於 12-2-17 14:40 |只看該作者

回覆 Jenniferwill 的帖子

完全感受到.... 我老公都係咁的人.... 果個感覺真係好難受, 有時覺得叫佢做, e.g. 開奶, 同bb 沖涼, 好似番工咁... 做左就算, 完全冇諗過有冇做岩... 反而俾佢話有要求...ai....
我有次得自己同bb番屋企, 勁凍, 提早10 分鐘打番去話on my way. 一心諗住佢會出黎接我同bb. 點知落車呆等, 頂唔順雞手鴨腳咁行番去, 一開門, 見到佢坐响度打緊機.... 仲要話我冇叫佢出黎接, 以為只係叫佢同工人講教定水俾bb 沖涼..... 果下真係著晒火...

就算而家, 間唔中都會因為bb, 甚至無聊到自己都唔信的野都嘈....

所以.... 唔好寄望, 雖然係好傷心... 唯有搵朋友傾, 响lee 度打出黎發洩下... 都會好d

私人傳訊

babykennus

大宅

積分: 2104

8^#

發表於 12-2-17 15:56 |只看該作者

以前我都唔明做媽媽的心情, 現在當了媽媽就明白了.. 因為她是在我們肚裏出來, 如果連媽媽都不緊張, 就真係好出奇. 那並不代表話爸爸不緊張. 只是大家會唔會緊張出面, 多數媽媽係會. 和每人用來減壓的方法不同, 我當然希望你老公是用打機來減壓並不是不理你的感受. 就當他打機真的為了解悶, 你試想下, 你已經係醫院, 即係代表BB已有人照顧, 你老公亦很相信你勝任照顧到BB, 咁他在家都無咩好做, 就照做返佢係屋企做既野. 其實有時湊BB 真係一件不易的事, 有事發生了大家都會擔心. 比點空間他舒發一下, 等佢有精神去接你班, 當你都捱不住時. 如你真係同佢講, 你捱唔住, 佢唔理你時, 你才責備他都未遲既. 不過你現在有hard feeling 都可同老公溝通一下既. 就算唔一齊去照顧BB 都可叫他多點致電你, 但就千萬唔好叫佢唔打機, 因為可能係佢心目中打機真係用來減壓. 因為其實1個人擔心同2個人擔心, 甚至4大長老擔心, 結果BB 都係有唔舒服. 比我就令願將擔心放在自己處, 唔想別人過份擔心.

私人傳訊

karenng115

男爵府

積分: 7066

陪月勳章

9^#

發表於 12-2-23 10:28 |只看該作者

Jenniferwill 發表於 12-2-16 00:52
昨晚一整夜沒有睡過,到現在也未能睡得着,我沒有吃興奮劑也沒有飲啡，這樣的狀態是由於担心而來,由昨晚BB發 ...

完全明白.
你應該係覺得佢有時間打機點解唔用果D時間黎幫輕下你.
我老公都係咁. BB出世後佢既生活同出世前一樣. 成日玩電腦, 成日出街...返到黎屋企就話TIRED, 要訓.每日訓10個鐘.10個鐘期間,我已經起身餵左3次奶.我都係要返工.我話佢唔幫手, 掛住玩..佢就話我一個人都做晒, 佢冇野做,咪做返平時既野...我話佢因為你唔幫手我先一個人要做晒....勁辛苦...而家我個個朋友都話我瘦過未有BB前...