吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 你地接唔接受到...

論盡家傭今日: 0|主題: 134091

收藏本版

發帖

返回列表

跳至頁

查看: 2994 | 回覆: 33

你地接唔接受到... [複製鏈接]

MrsBunBun

大宅

積分: 3458

1^#

發表於 05-11-28 15:01 |只看該作者

你地接唔接受到...

你地接唔接受到你個工人對你黑口黑面,講o野用背脊"得"住你,然後猛話I know, I know, ok! ok! ok!敷衍你呢?
(但佢好錫bb,好緊張佢,不過佢o既態度令你好難受)

私人傳訊

fongmama

複式洋房

積分: 403

2^#

發表於 05-11-28 15:07 |只看該作者

Re: 你地接唔接受到...

你問佢知唔知邊個出糧比佢既??

私人傳訊

wawa

子爵府

積分: 13639

3^#

發表於 05-11-28 15:15 |只看該作者

Re: 你地接唔接受到...

mrs bunbun

我上次初來個Bunbun都係咁. 佢最衰係話都唔聽,終於3星期我就炒咁佢,如果佢剛來都咁勞氣,到2年後都唔知會點,可能拖地個係我.

私人傳訊

sisilui

男爵府

積分: 6421

4^#

發表於 05-11-28 15:38 |只看該作者

Re: 你地接唔接受到...

老實講，我接受唔到。我覺得無理由我俾錢重要受氣。我會同佢講，要佢改。如情況持續惡化，我想我會炒。

私人傳訊

LILY媽咪

珍珠宮

積分: 41995

5^#

發表於 05-11-28 15:40 |只看該作者

Re: 你地接唔接受到...

同我之前個工人一樣,話佢就用背脊同你講野,仲完全無反應,好似同自己講野廿,最後都係改唔到,而自己也忍唔住炒了.

私人傳訊

MrsBunBun

大宅

積分: 3458

6^#

發表於 05-11-28 15:46 |只看該作者

Re: 你地接唔接受到...

等我講今日發生o既事你地知啦!你睇o左就會明白我點解咁激氣!

我正在糾正我個女(10個月,但而家仲要飲夜奶,同晚上起三次身,要人呵,之前跟我工人目訓)o既睡覺習慣,但我工人自把自為,唔同我合作!其實之前我叫佢跟我個指示去做,佢做唔到,我先至湊返阿女目訓覺,而家過o左一個星期,叫做有d成績(touchwood),我亦要調教我個女食o野時間,唔俾佢咁早食o野,而我個女喊,我會等一等,耐少少先餵,但係今朝佢聽到阿女喊,竟然自把自為[size=large]衝入我房抱起我個女餵佢飲奶!

x10000
我覺得佢好唔尊重我,入我房唔敲門(我次次入佢房都敲門),之後同佢講返,佢就發哂脾氣,黑口黑面,話因為阿女喊佢都目訓唔到覺, 所以餵佢.跟住就發爛耍,話好啦,你鐘意幾時餵就幾時餵!(我而家好驚佢連日頭阿女餓到死都唔餵佢,做變態o野)所以我會叫我奶奶早o的o黎睇實佢!
我叫佢follow my instructions 去做,換來佢黑口黑面,又衝入我房,冇禮貌,你話係唔係要炒呢!
我真係覺得真係唔知而家邊個係工人,邊個係主人!!!

之後佢竟然
o係入面唔肯出來,然後三催四請之下佢開門,竟然見到佢喊哂,同埋成地下都係o野!

即係發脾四同發難耍!!!

佢話佢對我個女好,知道佢喊,佢又醒o左,就抱走佢飲奶!
我最嬲係其實我個女而家係under一個sleeping therapy,我係要跟一個原則同指引去做,要訓練我個女,我個planning俾佢破壞哂!佢真係自把自為得好緊要,完全唔將我放o係眼內!

佢其實已經成日對我黑口黑面,但因為佢錫我個女,又檢點,唔偷o野,應未有借錢,做o野又醒目,所以我忍o左佢好耐!自問真係對佢唔差:唔使佢跟我地出街照顧bb;我地放工基本上我地睇返哂bb;食飯唔使佢幫手睇bb,我地照顧番;而家連目訓覺都係我地睇返bb;假期又俾足佢,如果有時迫不得已,我地只係咁耐以o黎俾佢唔得放一兩個星期日o既朝早,但我地會俾番一百至百幾蚊佢;佢生日,我買o左對田崎珍珠耳環俾佢,又同佢慶祝;佢個仔生日,我都有買禮物俾佢;但,佢成日對我黑口黑面,又越來越冇禮貌,今日又發脾氣鎖門(我係唔俾佢鎖門o既,況且間房唔係佢o既),佢一開門,我見到掉到成地都係o野!我真係好嬲!

隔o左個lunch都係好嬲!我今朝打電話俾佢,有o野叫佢準備,佢竟然唔覆我!
我之前已經警告過佢o既態度,雖然佢真係好緊張我個女,但我覺得佢越來越唔放我o係眼內!我真係頂佢唔順!

請問大家,你地話炒唔炒好,但佢對我個女好好喎,但佢對我o既態度越來越衰(你地見到啦!),同埋佢開始對阿sir o既態度差,之前同佢講過格o勒,佢仲係咁!

私人傳訊

Charitymami

侯爵府

積分: 20831

馬年勳章 2025中秋節勳章 2025勳章蛇年勳章牛年勳章 2018復活節勳章開心吸收勳章醒目開學勳章 hashtag影視迷勳章 15週年勳章

7^#

發表於 05-11-28 15:59 |只看該作者

Re: 你地接唔接受到...

接受唔到。

跟佢傾過都唔改善, 唯有炒左佢。

千山我獨行......... 不必相送..........

私人傳訊

wawa

子爵府

積分: 13639

8^#

發表於 05-11-28 16:13 |只看該作者

Re: 你地接唔接受到...

MRS BUNBUN

你問佢係咪唔想做呀, 如果佢話唔係既話,你比一個月通知佢,叫佢改(其實你係呢個月找另一個), 你好在有奶奶係度,你叫佢呢排上來昅住佢,唔好比佢作反,如果真係唔掂你炒佢好過,但係你同你奶奶夾下,佢肯唔肯幫你先. 佢來

私人傳訊

731mon

男爵府

積分: 9822

好媽媽勳章

9^#

發表於 05-11-28 16:13 |只看該作者

Re: 你地接唔接受到...

我工人有時都係咁, 不過佢又湊得亞囝ok, 唯有接受咋!!! 唔太嚴重都ok既!!

私人傳訊

一一B

男爵府

積分: 9355

10^#

發表於 05-11-28 16:15 |只看該作者

Re: 你地接唔接受到...

mrsbunbun,
你工人都好無大無細喎, 講極都唔聽, 我諗都要搵過個lu.

私人傳訊

mymelody2003

男爵府

積分: 8646

11^#

發表於 05-11-28 16:30 |只看該作者

Re: 你地接唔接受到...

1. 唔敲門入你房非常唔專重你, 仲要抱走bb去餵奶?? 點解唔可以問下你先呢?

2. 唔按你schedule做, 搞到囡囡10個月仲要飲夜奶, 我諗你要指定佢某一個時間才可以餵bb, 起初囡囡會唔慣, 但冇辨法要狠心d先可以follow到個schedule.

3. 發脾氣, 鎖門掉野, 呢種咩行為?? 佢有沒有掉爛怎何物件, 一定要佢賠錢, 等佢知驚.

4. 背住僱主答問題, 一定唔ok.

總括來說你個工人做咁多野都係想你炒佢, 你都係開始搵定第二個人啦.

私人傳訊

hinhinmummy

侯爵府

積分: 21395

12^#

發表於 05-11-28 16:42 |只看該作者

Re: 你地接唔接受到...

第一, d 工人好q衰格, 越對佢地好, 就越test你bottom line, 總括我甘多年請工人的經驗, 發現最好的方法係平常心對佢地, 即係對佢地做返做僱主的態度, 要比佢地知道邊個出糧比佢地, 佢生日, 買個birthday cake比佢已ok, 其餘的野, 好似佢個仔生日, 佢daddy媽咪生日, 講得難聽d, 關你鬼事咩

你個仔生日, 你老闆會吾會買gift比佢呀?

由依家開始, 同佢講清楚你要求的野, 同佢講你同佢講野時, 叫佢留意佢的態度, 開始收緊對佢的要求, 亦吾好對佢太好or太差

比佢知道邊個係主邊個係僕, 再吾得, 先考慮換人, 下下換人, 真係要中六合彩

同埋, 我覺得佢對小朋友好係應該, 因為請佢地返黎係湊小朋友, 如果連呢一點都做吾到, 要佢黎做乜, so我吾會因為佢對我個仔好, 而忍受佢的黑面, 態度差

正如我老闆請我返黎係做野, 做好d野係應份, 吾會因為我做到野, 而忍受我d脾氣的道理一樣.

私人傳訊

小霖媽媽

大宅

積分: 1565

13^#

發表於 05-11-28 16:47 |只看該作者

Re: 你地接唔接受到...

MrsBunBun,

唔好為咗工人激氣, 我有同你類似經驗, 結果我係炒咗個黑臉賓賓, 換咗個好聼話但係好蠢嘅賓賓, 佢同我做咗五日便唔做, 我都唔勉強佢, 因為佢好純, 做事唔會轉彎, 有突發事一定唔懂handle, 要佢自己一個人照顧BB仲危險. 叫佢4個鐘餵一次奶, 結果阿B係唔係肚餓都餵, 仲要迫佢食, 結果阿B見到呢個賓賓揸住枝奶便喊, 唔肯比佢餵.

人係無十全十美, 要睇睇你嘅要求同priority, 請個醒目, 一定有attitude問題, 如果對BB影響唔大, 都要隻眼開隻眼閉, 請個純, 你預咗要train, 有時間都可以consider, 好似我呢d 要返工無其他人喺屋企, 你要小心唸清楚.

試下唸唸, 佢可能只係唔想BB吵醒你地瞓覺. 我以前都有話個賓賓點解阿B仲未介夜奶, 佢話阿B瞓得唔好食飽飽會瞓好d, 結果我阿仔做咗大肥仔. 換咗個新賓賓, 阿B半夜喊到我係隔離房都吵醒, 佢仲瞓到隻豬.

你試試叫阿sir同佢出最後warning, 佢地多數怕阿sir.

總之都要唸清楚自己要求一個什麼工人, 唔好話炒便炒. 好工人難搵.

私人傳訊

MrsBunBun

大宅

積分: 3458

14^#

發表於 05-11-28 17:00 |只看該作者

Re: 你地接唔接受到...

多謝大家o既分享同意見,我以後會以平常心對待工人,唔係話俾機會佢,但我會先要阿sir warn佢,我唔會啋佢(以前都會同佢傾下計),但我由呢一刻開始,要俾佢知我嬲同埋我會同佢保持一個good distance.
我以為對工人好,佢就會對我好,我真的受傷了! :-(
我plan o左阿女兩歲就入nursery,以後都唔請工人,只係請鐘點,同搬近d我工作o既地方,雖然係辛苦d,但我唔想再受氣!

私人傳訊

wawa

子爵府

積分: 13639

15^#

發表於 05-11-29 09:02 |只看該作者

Re: 你地接唔接受到...

Mrs BunBun

記得出warning 同時比埋一個月Notice 佢. 要佢係呢個月要有改善, 有改善唔炒. 如果到時真係無改善. 都可以唔洗補一個月佢走.

私人傳訊

一號

民房

積分: 24

16^#

發表於 05-11-29 11:05 |只看該作者

Re: 你地接唔接受到...

After viewing all the post, if I were you I will change the helper.

You always said she treat your kids well, but I have some reservation because she has such bad temper. Maybe she only treat your kids well in front of you.