母乳餵哺

收藏本版
回覆 發帖
返回列表
跳至頁

首頁
123

尾頁
   0
tautaub


男爵府

積分: 6264


1#
發表於 05-11-12 13:31 |只看該作者

可否聽聽我的心事?我好番啦!!!

終於都找到一個機會比我傾下心事啦!

我的bb 6月27日出世, 出世即餵人奶, 因為bb咀型唔好, 我自己一開始唔忍心逼他去改, 所以一直都唔算餵得好好, 每次食完左邊乳頭都係扁哂.

7月27日, BB滿月, 晚上我發現左胸上半部全部硬哂, 發冷, 發燒, 谷奶又泵唔出, 好辛苦!! 第二日立即就去健康院搵醫生, 醫生同姑娘話要我努力俾bb食同埋按摩. 於是接住1個月我努力比bb埋身食同埋去健康院比醫生同姑娘幫手放奶出來, 塊硬塊慢慢縮小, 直至剩下雞蛋咁大便停滯不前.

8月25日, 雞蛋咁大的硬塊開始發紅同甩皮, 我都不以為意.

8月26日下午3時返去健康院覆診, 醫生同我講 “粒瘡(奶瘡)熟左啦, 沒有辦法, 一定要去急証室介左去放膿, 好小事, 即日都可以出院”. 於是我唯有吩咐印印一個人帶BB回家(這是印印第一次一個人帶BB回家), 跟住自己帶住健康院醫生的轉介信搭的士去急証室. 在急証室等左個幾鐘, 醫生話要安排我上病房同埋盡快做手術. 晚上6點幾, 我剛上到病房, 老公已經放工趕到, 外科醫生問完病歷後便安排我即晚做手術. 一心以為可以即晚出院, 點知醫生話唔得…..第一次同bb分開….好唔開心又擔心…唯有吩咐老公回家照顧bb, 同埋安排bb食冰奶存貨. 晚上10點幾, 做完手術抽左膿出來(傷口是4cm長鵝蛋型, 3cm深, 上闊下窄, 打開沒有縫合的, 像一個雪糕筒,), 成晚掛住bb….. 傷口痛加谷奶痛……好痛好痛…成晚都沒有睡….

第2朝等到老公拎奶泵來立刻泵奶, 因為醫生話右邊的奶bb都可以照飲…..跟住4日在醫院, 每日痛苦地洗2次傷口(洗前打止痛針,但係都一路洗一路痛到喊), 隻手打抗生素打到腫哂….仍然堅持定時泵奶…..泵後耍麻煩人擺在雪櫃等屋企人來帶返比老公帶返屋企餵bb (仲比醫院阿嬸笑泵得咁少, 不如倒左去)… …..到左第4日, 所有冰奶存貨飲哂, bb第一次食奶粉….好擔心他食得唔好(他本是全人奶bb), 自己又唔開心..

8月29晚出院…..第二朝立即埋身餵右邊, 跟住一個月,埋身餵右邊, 左邊泵出來倒左去(我驚唔泵左邊會停奶), 每日去健康院洗傷口¸ 醫生話要每日傷口, 直至ok便可以安排縫合

直至9月22日醫生話傷口ok可以 ”聯” 番埋去….於是安排入院再次做全身痳醉手術 ”聯” 埋去…一心以為好啦可以有機會比bb做番全人奶bb…. 點知4日後傷口發炎…..要將”聯”埋左的傷口拆番開…..再由頭開始洗傷口生涯…
如是者直至10月13日醫生再次話傷口ok可以再次”聯” 番埋去….入院再做手術 ”聯” 埋去……. 點知4日後…..傷口再次發炎…..要再次將”聯”番埋的傷口拆開…..住了4 日醫院…..再由頭開始洗傷口… 醫生話因為我唔肯停奶, 所以傷口咁容易發炎…..

其實醫生一直都有問我想幾時停奶, 在外科醫生的立場, 他們覺得繼續餵奶對傷口有很大的影響, 傷口可能要好耐好耐好耐都唔好……為怕再次縫合傷口會引起發炎影響進度, 醫生現在已經決定唔再縫合傷口, 等傷口自己生肉出來埋口.

我自己都諗左好多次係唔係應該放棄做BF媽媽(我是要上班的, 公司己經有些不滿, 因為我經常請病假)….身邊所有人都勸我停手…唔好咁固執………但一諗到停一輪後可能餵唔番．．．便繼續堅持到現在…..當然其間有好多次想放棄(由做手術起計, 到現在已經有兩個多三個月, 傷口現時是3cm長鵝蛋型2cm深的洞, 醫生估計起碼仲有起碼個半月先有機會全癒).

你地會唔會覺得我傻傻地, 仲咁堅持做BF媽媽…..

(可能講得有些混亂, 不過希望你們睇得明啦, 我打了幾個鐘啦, 我打中文是超高高高高高高高高速的)

豆豆媽媽
私人傳訊回覆 引用

chiuchristan


男爵府

積分: 7768


2#
發表於 05-11-12 13:54 |只看該作者

Re: 可否聽聽我的心事?

My dear Tau Tau mom,

I am proud of you because of your BRAVE, LOVE, HOPE and TRUST to give the best food---Mama milk to Tau Tau. Tau Tau is so lucky and fortuate to have such a great great and great mom!!
As you know, I am now tears, because I do feel the power of love in your story!! :-( :-( :-(
You suffer a lot on the breastfeeding road. No Fear, but Love your baby unconditional.
Give a great credit to Husband as well. With his concern, care and support, you are more able to go forwards.
Take good care and get well soon!!
We surely do support you and walk with you on the breastfeeding road. Let us come and support each other.

Hayes mama
Hayes had been breastfeeding for almost 3 years, then naturally weaned by himself！

Wish Hayes with Love, Peace & Joy！！
私人傳訊回覆 引用

Glad


版主

積分: 16354

版主 好媽媽勳章 醒目開學勳章


3#
發表於 05-11-12 14:00 |只看該作者

Re: 可否聽聽我的心事?

豆豆媽媽,

看了, 我好想痛哭一場! 無奈要上班!
好心痛啊! 邊看邊在想像你的狀況, 你的堅毅、忍耐、對寶寶的愛......教我難忘~~~~~~你所做的是超棒啊!
......又認識多一位勇敢又不屈不撓的母乳媽媽!

在別人眼中, 對你的決定都會有不同的見解和感受......
作為一個母親, 尤其是剛生產後, 對子女的情是特別濃烈的, 這份感覺到今天我還好記得, 就因為那種不能言喻的母愛, 我感受到你為何在如此艱辛、如此折騰身心的情況下, 仍選擇捨己地哺育寶寶......因為就是相信肉體的苦痛是會過去的, 寶寶的一切就是永恆的......我們願意為了寶寶, 甘願承受大大小小的苦痛......就在滿是信望愛裡努力......

補重身體啊! 按著自己的身體實況和能力而行吧. 你的任何決定, 我都會是支持你!

願意繼續細聽你的心底話~~~~~~
願 【母乳餵哺資料庫】 保 守 著 大 家 的 母 乳 路 ! 無 論 順 逆 , 願 大 家 都 以 喜 樂 和 盼 望 的 心 迎 接 喜 與 憂 ! 加 油 啊 ! 因 為 我 們 在 這 裡 耕 耘 的 路 上 , 有 的 是 扶 持 和 關 顧 啊 ! 願 【母乳餵哺區】 是 母 乳 家 庭 的 加 油 站 !
私人傳訊回覆 引用

yuenwa


男爵府

積分: 5774


4#
發表於 05-11-12 14:18 |只看該作者

Re: 可否聽聽我的心事?

豆豆媽媽,

你一點也不傻, 你是很堅毅, 你的堅毅給bb作了一個很好的榜樣, 他日長大一定會是一個很有項貢獻的人

你是否仍然餵人奶? 有的話, 我會繼續為你打氣。但大前提, 你一定要好好保養自己的身體, 你要有健康的身體, 才能好好的照顧bb。

私人傳訊回覆 引用

CindyMak


大宅

積分: 2529


5#
發表於 05-11-12 22:29 |只看該作者

Re: 可否聽聽我的心事?

豆豆媽媽
你好偉大！BB有你這個媽媽真是幸福！

其實可唔可以只靠一邊餵奶呢？LET DOWN時會唔會影響另一邊呢？定係，至多都係大細胸。
皓霖BB小天地 Tiffany的小世界
私人傳訊回覆 引用

Kammy


大宅

積分: 1628


6#
發表於 05-11-12 22:55 |只看該作者

Re: 可否聽聽我的心事?

Thank for your sharing! Great Great TauTau Ma!!!
:-( :-( :-(


私人傳訊回覆 引用

Carmen2004


大宅

積分: 4750


7#
發表於 05-11-12 23:05 |只看該作者

Re: 可否聽聽我的心事?

豆豆媽媽,

You are such a great mother!! No matter what you have to take care yourself. We will support you!!
愛 是 恆 久 忍 耐 、 又 有 恩 慈 ． 愛 是 不 嫉 妒 ． 愛 是 不 自 誇 ． 不 張 狂 ．  不 作 害 羞 的 事 ． 不 求 自 己 的 益 處 ． 不 輕 易 發 怒 ． 不 計 算 人 的 惡 ．  不 喜 歡 不 義 ． 只 喜 歡 真 理 ．  凡 事 包 容 ． 凡 事 相 信 ． 凡 事 盼 望 ． 凡 事 忍 耐 。   愛 是 永 不 止 息 ...
私人傳訊回覆 引用

ShatinMaMa


大宅

積分: 3650


8#
發表於 05-11-12 23:10 |只看該作者

Re: 可否聽聽我的心事?

You are a SUPERMOM. Get well soon.
私人傳訊回覆 引用

雲師奶 該用戶已被刪除

9#
發表於 05-11-12 23:50 |只看該作者

Re: 可否聽聽我的心事?

提示: 作者被禁止或刪除 內容自動屏蔽
私人傳訊回覆 引用

YEAH-YEAH


大宅

積分: 1775


10#
發表於 05-11-13 02:12 |只看該作者

Re: 可否聽聽我的心事?

愛本來都係盲目嘅,母愛更加係.

我佩服你嘅勇氣,無論你嘅決定係點都會尊重,不過最緊要快d好番,bb需要一個健康嘅媽咪來照顧佢.
私人傳訊回覆 引用

mocha-mocha


複式洋房

積分: 251


11#
發表於 05-11-13 05:49 |只看該作者

Re: 可否聽聽我的心事?

其實你要考慮自己的生理同心理狀況 如果你會因為放棄餵人奶而抱憾 那你繼續餵吧 如果放棄唔會令你太唔開心 那就放棄吧 你要做一個自己唔會後悔同痛苦的決定

無論你做咩決定 我一定會支持你
私人傳訊回覆 引用

Hellocandy


男爵府

積分: 6628


12#
發表於 05-11-13 16:25 |只看該作者

Re: 可否聽聽我的心事?

雲的孩子都在跳舞 寫道:
抱歉，我想說的是，你傻，而且不大理智，有沒有聽過愚孝？我搵唔到第二種形容詞形容這個盲目感覺！

外面好多人都話我地ｄ母乳媽媽有什麼「大母乳主義」，某程度我是認同的，人奶是好，但是也要顧及媽媽既身體狀況；為什麼是盲目？最初ｂｂ不懂吸啜，你也由他錯，需知道餵人奶係長期鬥爭，點可以因為愛鍚而不去抖正呢？如果開初醫生告訴我是小手術，我也會堅持泵奶，等傷口好番再去餵哺，但是一次又一次發炎而且明顯是因為餵人奶而出現的問題你還是堅持的話，就是盲目得盲目的做法。

ｂｂ吃人奶是最好的，但不吃也不代表會怎樣，也即是說孝順是好事也是天經地義的事，但是盲目去做的話就變成壞事；你堅持給ｂｂ最好的，但你有沒有考慮你老公，你們是三人世界耶！不能只顧及ｂｂ成長裡的吃這個問題，的確，ｂｂ的成長不只是吃人奶，還有教育、養育、還有你和你老公給他一個健康快樂的成長環境；如果因為餵人奶而導致常進出醫院或身體不好，那裡有精神教育？如果因為經常請病假或要泵奶而不能好好工作，怎養育？如果因為健康問題而令你老公擔心或之間意見有不同，怎會有快樂的環境？又，現在是細菌繁多的日子，萬一傷口感染了怎辦？！斷估你老公不會願意以你的健康來換取ｂｂ的健康吧！

當局者迷，以上的問題，只要你把母乳放開一旁你必定想得明白。如果你現在還是餵母乳的話，請放棄，好好到醫院吃回奶藥及聯合傷口，ｂｂ的成長的其他部份還等著你這個堅毅得來有點傻的健康媽媽哦！請努力及珍惜你自己的身體！

再一次說聲抱歉，我知你想得到支持，但是我卻沒有，不過我覺得你真的付出了很多對你的ｂｂ。


完全同意以上發表, 今次唔得, 仲有下次嘛, 但整壞咗你個身體就講咩都冇用, 試想一下, 長此下去, 你個B咪食住醫院嘅人奶囉(因為你長期出入醫院), 你話係咪好事呢?

點都好, 我真的很敬佩你呀, 要對自己好啲喇
私人傳訊回覆 引用

雲師奶 該用戶已被刪除

13#
發表於 05-11-13 21:36 |只看該作者

Re: 可否聽聽我的心事?

提示: 作者被禁止或刪除 內容自動屏蔽
私人傳訊回覆 引用

tautaub


男爵府

積分: 6264


14#
發表於 05-11-13 21:56 |只看該作者

Re: 可否聽聽我的心事?

各位媽媽，我很開心能夠獲得你們的支持，我想這裡是唯一我能夠吐這件心事的地方呢，你們的支持對我真是很保貴! 希望能夠與你們繼續分享我這ＢＦ路的點點滴滴。

Yuenwa:
我現在仍然有餵人奶，不過只係夠豆豆飲半日的份量，其餘時間豆豆要飲奶粉。

CindyMak:
其實我都唔算只靠右邊(正常)餵奶， 左邊(有事那一邊)都有泵出來的，所以都有LET DOWN。　不過當然奶量有很大分別啦，左邊我只係想唔斷奶，所以每次都係泵至１－２ｏｚ便停，以免有過多的奶影響傷口服原，因此我係有明顯的大細胸。

mocha-mocha：
你所講的便是我的心底話：　我會因為放棄餵人奶而抱憾，放棄會令我唔開心，所以我唔想自己後悔而繼續餵奶。

HelloCandy，雲的孩子都在跳舞:
我認我自己有錯，最初ｂｂ不懂吸啜，我因為愛鍚他而不去抖正，但是我希望你能諒解我這個新手媽媽的無知，我有去積極找健康院的幫忙，我有努力過用唔同姿勢去解決問題，但是最後只是可以減輕問題而不能解決問題，我自己都唔想，健康院姑娘話BB是一個固執BB呢？

另一方面，　我希望你們明白我怎樣作出堅持繼續餵哺的決定：

第一次發炎後，我曾經很清楚的問過醫生關於繼續或停止餵哺對服原的影響，醫生話每人的情況唔同，有病人繼續餵哺都沒有影響傷口服原，有病人停止餵哺才能使傷口服原，所以當時我決定繼續餵哺。

做第二次縫合手術前，我問過醫生我繼續餵哺會唔會好似上一次咁會傷口發炎，醫生話雖然傷口仍有很微量的菌，但是應該不會再發炎，所以我才決定接受第二次縫合手術及繼續餵哺。

第二次傷口發炎後我本來決定停止餵哺，如果醫生認為停止餵哺可以令傷口快速全瘉，我會放手，但是醫生只可以肯定停止餵哺可以令傷口加速全瘉，不過幫助有幾多呢便因人而異．．．．我根本不能預測幫助有幾多，但我知停奶是不能回頭的決定．．．所以我決定繼續餵哺。

雖然你們都唔支持我，但我明白你們都是為我的健康。

我很清楚自己身體的情況，如果我精神及體能唔能夠支持我繼續餵奶我一定會停的，我唔會做一個盲目而沒有理志的BF媽媽（不過可能你們覺得我現在已經是一個盲目而沒有理志的BF媽媽）。

豆豆媽媽
:-(
私人傳訊回覆 引用

雲師奶 該用戶已被刪除

15#
發表於 05-11-13 22:26 |只看該作者

Re: 可否聽聽我的心事?

提示: 作者被禁止或刪除 內容自動屏蔽
私人傳訊回覆 引用

mrs_e.c


大宅

積分: 2297


16#
發表於 05-11-13 22:39 |只看該作者

Re: 可否聽聽我的心事?

雖然人奶好,但亦不等如奶粉不好........而且,真的,除了食,BB還需要其他的,食不是BB的全部.............
你為BB好,但而家帶來係單輸(其實亦係雙輸,係入左院照顧不到BB),有堅持係好,但錯誤既堅持就兩敗俱傷.
ANYWAY,我感受到你係好媽媽,可以堅持多一刻就一刻,到適當時便學習放手.
一切以平常心面對吧~保重身體,BB需要你照顧的~
怎樣也支持你~~
私人傳訊回覆 引用

yiubb


子爵府

積分: 13158


17#
發表於 05-11-13 23:11 |只看該作者

Re: 可否聽聽我的心事?

tautaub,

真係好佩服你嘅堅持, 我諗都唔會有太多媽咪有你呢份能耐, 而我對你嘅執著都有些明白, 因為回想最初餵bb時, 又係餵得不理想, 攪到自己又發炎又焗奶, 情緒又唔好, 四周d人都唔想我再餵, 但我都唔理一再堅持, 果時真係咬緊牙關去餵奶, 不過同你相比, 當然係蚊肶同牛肶啦....但我都認為, 食奶唔係bb嘅全部, 因為bb真係好需要一個健康嘅媽咪去照顧, 量力而為啦, 我都會支持你嘅決定!

雲的孩子都在跳舞,

好鍾意你果份率直, 你嘅見解其實我都好同意, 不過所有初為人母, 都會有份對bb不同程度嘅傻勁同執著, 不過點都好, 我相信你係一個好真嘅人, 大家應該唔會對你擇臭雞蛋


私人傳訊回覆 引用

monmantong


男爵府

積分: 7995


18#
發表於 05-11-13 23:26 |只看該作者

Re: 可否聽聽我的心事?

tautaub,

You already did the very best to your baby, when he grows up, he will understand what his mom did for him, and and he will learn it from your experience, he will know how to insist , work hard to get what he want..


you have done more than everything, you should be proud of yourself.
re 傷口- will be fine very soon!! God will help a good mom like you !

God Bless you.
私人傳訊回覆 引用

doristsang


大宅

積分: 1942


19#
發表於 05-11-14 01:27 |只看該作者

Re: 可否聽聽我的心事?

tautaub,

我最少的bb都已參不多三歲了, 兩個都是全人奶, 今天無意間走入來這個已事不關已的題目, 但想不到會看到你的心聲。

好幾段文字不能說了解你有多少, 但由於我都是 BFmama, 而老二是個大食仔, 都曾搞到我發炎, 入急症室, 所以我明白你的痛苦和心情。

我同意有媽咪說及, 食奶不是bb是全部, 他更需要你在他身邊, 他需要一個健康的媽媽陪伴成長, 我覺得現在你bb已經參不多五個月了, 他開始懂得去認人, 開始想同身邊的人建立關係, 所以我覺得你的專注力是否應多些放在bb的心理成長方面呢, 而不要再老是想著自己無法讓他有全人奶呢?

其實當我細bb食全人奶到六個月時, 我已因為發炎而無法再堅持, 那時我放棄了, 但有時看到bb食不夠, 自己又痛到死死下時, 與其繼續心力交瘁, 不如看開些, 放開些吧,

正如半杯水, 你會看成是half empty 定係half full呢? 我寧願是看成half full

等如你不斷告訴自己, bb不是全人奶, 不如正面地告訴自己, 我bb已食了幾個月人奶了, 這不是更開心嗎?

學懂放開自己, 不要再固執了, 亦無謂只因喂奶而令bb失去更多。

再說一句, 放開些, 不喂人奶只是一件沒什麼大不了的事。
私人傳訊回覆 引用

webjen


珍珠宮

積分: 45514


20#
發表於 05-11-14 10:58 |只看該作者

Re: 可否聽聽我的心事?

豆豆媽媽,
為你鼓掌 為你o既毅力
但係自己o既身體都好重要,阿雲講得啱,母乳媽媽總有份傻勁,總有份堅持,如果呢份堅持,係令自己痛苦,咁值唔值得呢!!當然你會覺得bb有最好o既食物係值得!!但係如果係餵得好痛苦,bb係知道媽媽好痛苦!!如果繼續餵哺真係令傷口惡化,你真係要做決定....
我係一個因為有病已經停餵o既媽媽,每次想起囡囡以後都唔可以再有媽媽奶食,我個心都總是戚戚然,但係我知道我做了應該做o既事,無論係堅持餵哺了一年,同選擇停餵,都係正確!!
你繼續我會為你加油,你停餵我都會為你打氣,無論係點都係一個好媽媽!!

雲,
好讚同你o既說話 我就係有個份傻勁,不過我清醒左啦!!
你講得好啱,我地選擇做母親,我地做o既就係份內o既事,無話偉唔偉大,係做母親o既天職,我地只係盡我地o既責任!!
我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!
私人傳訊回覆 引用


首頁
123

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見