婆媳關係今日: 0|主題: 27777

收藏本版

發帖

返回列表

跳至頁

查看: 2478 | 回覆: 60

不知所謂的99@飲茶篇 [複製鏈接]

12 3 4

ting11741181

子爵府

積分: 10192

2018復活節勳章 BK Milk勳章

1^#

發表於 12-3-9 20:59 |只看該作者 |倒序瀏覽 |打印

趁住得閒，開返個版先～

話說之前講到結婚之前同結婚期間既事，之後終於結完婚，諗住唔係同９９一齊住，應該可以安安樂樂啦，不過我開心得實左太早……

話說結婚之後無耐，６２生日，諗住同佢飲餐茶，點之咁又出左事啦……

日期：６２生日（星期日）

地點：鴻ｘ酒樓（我地揀呢間酒樓之前，有問過６２９９意見，佢地話無所謂，我地先揀呢間）

背景：６２生日，我同ｃ６都咁岩放假，於是約左６２９９早上十時飲茶

事發經過：
（我同ｃ６已經比約定既時間早左15分鐘到達酒樓）
C6：咦，你地（6299）到左啦？係咪等左好耐呀？
62：哦！我地都係岩岩到啫！
99：咩呀！我地一早就黎左啦，係你地晏之嘛，我地坐係度等左你地好耐啦，茶都飲左幾壺啦，都唔知你地做乜咁晏，明知約左人飲茶，好心就早少少啦……（下刪100字）
我：係呀，唔好意思呀，９９，我地尋晚夜左瞓，今朝晏左少少起身，所以咪遲左囉，唔好意思呀，９９，你睇下想食乜啦。（要兩老等我地，點都係我地唔岩，今次算數，我忍你！）

62：係囉，係囉，唔好講啦，睇下想食乜啦！
99：你地話事啦，我乜都食架！

（我地點左數籠點心，等食物上桌時，９９又有新一輪攻勢）
62：大家食野，趁熱食啦，凍左唔好食架！
99：嘩！乜你地點埋ｄ咁既野呀？我都唔食既！（我整！你頭先又話乜都食既！）

C6：你唔係淨係唔食牛肉既咩？我地已經無點牛肉架啦，我地點個ｄ之前同你飲茶，你都食架！
99：你睇下，ｄ腸粉煎到咁既樣，燒賣都唔靚既，ｄ蝦餃皮咁鬼厚…… （再下刪100字）
（P.S.其實所有食物既外貌都好正常，同其他酒樓無分別！）
C6、62、我：……（無言！）
我：99，你唔食呢ｄ唔緊要啦，點過其他啦！
99：事但啦，乜都好啦，求求其其一餐茶之嘛，你地點啦，我乜都食架！
我：（你又黎呢招！）咁呀，你食唔食ＸＸ呀？
99：下！係度叫呢樣野食，我不如自己整！
我：咁不如點ＸＸ啦！
99：仲有無其他呀？
我：咁不如……（我同99不停地重覆呢個點點心遊戲，直到我問晒成張點心紙為止！）

最後，９９終於都點左數籠點心，到大家都食飽晒，等待埋單之際，９９再黎最後一輪攻擊！

99：呢間酒樓邊個揀架？都唔好食既，個間乜乜酒樓先好食架嘛，個間ｄ點心好食好多……（再次下刪100字）
62：唔係呀，呢間酒樓都幾好食呀，又唔多人，可以靜靜地傾下偈。
99：你識ｄ乜Ｙ，我話個間好食就係個間好食架啦！
C6：咁我地打電話問你想去邊度飲茶個時你又唔講？
99：我以為你地知道架嘛，我都唔知你地揀呢間，如果我知，我一定揀返個間架！
C6：咁我地打電話約你個時，你又唔講？
99：車！我都唔知！（個電話你接架喎，你點會唔知呀？唔好玩啦，９９！）