文章的內容（梁振英的部分）並非官方資料喎！只是「據悉」，即係八卦消息。
同意
樓主post出來的文章第一段第一行係事實:
"商台的牌照明年八月屆滿，行政會議必須在今年八月前決定是否續牌給商台。"
下面呢句係傳聞：
"據悉，梁振英已向董建華建議，不要一如慣例向商台續牌十二年，取而代之只是向商台發出三年牌照，而政府則將在年底全面檢討廣播政策。"
1. 梁振英吾知有無這樣說
2. 假如梁振英真的有建議向商台發出三年牌照，可以係打擊言論自由，亦都可以因為"政府則將在年底全面檢討廣播政策",所以吾批0甘長。
樓主以下一段係一個名為"八方"的評論，不是新聞喔!
梁振英獻計 老董擬電台風雲
2003年06月19日
鄭經翰封咪事件表面係茶杯風波，但官府好緊張，因為呢個「小風波」，可能會破壞佢個電台風雲大計劃。
香港有三個電台，港台係官台，但一直頂心頂肺；商台更加唔畀面，批評政府不遺餘力，所以好多人都想閹呢兩間「人民喉舌」。
咁商台牌照明年到期，於是有人就向董伯獻計，希望將商台牌照期十二年縮短，例如改為三年。咁每次續牌就可以講數，不愁你唔聽話。邊個咁醒？其中一位咪梁振英先生。
聯通分杯羹
阿董一向同商台老闆何佐芝老友，但扼殺不利政府言論咁大件事，老友都冇面畀。碰鄭經翰得罪高永文，班擦鞋仔重唔以為執到寶？呢類高舉正義道德大旗糾眾群攻之伎倆，八方都好清楚係點組織。
至於港台，八方聽聞聯通放聲氣想搞電台，班人就諗計 cut港台兩三條頻道讓予第四個台。先畀個下馬威你，再唔聽話？你知點啦。講起聯通，佢係中國四大電訊商之一，又在港上市，財雄勢大，兼且羅致盧永仁博士，佢咁熟傳媒，要搞電台「依絲執」啦。
呢一幕電台風雲，目前尚在閉門密商，未上行會。唐英年係呢瓣問責局長，你估佢做反派定正派呢？
至於樓主用紅色標示的一段係鄭經翰的看法：
"唐英年梁振英拉鋸
他指出，從行政會議收到的消息，商台續牌已成為第三屆特首熱門人選的角力事件，行政會議成員梁振英首先提出只對商台續牌三年，想「借刀殺人」打擊工商及科技局局長唐英年，但唐英年以其人之道還治其人之身，要將責任全推回給梁振英。 "
因此，樓主引述的文章只能說是某些人的看法，而不能證明甚麼。但是如果梁生真係打算縮短商台年期來打壓商台，就算係打擊言論自由....我們需要更多資料才能下判斷...梁生有無建議縮短商台年期?若有，為甚麼?
[img align=left]C:\my documents\IMG_1427_1_1_1[/img]
[img align=right]C:\my documents\DSCN1156 10-04-2004_1_4_1[/img]
發表於 
返回列表
