單親天地 今日: 3 | 主題: 18374

積分: 198

1^#

發表於 12-3-22 14:48 |只看該作者 |倒序瀏覽 |打印

先講自己的情況:依家30歲(結婚5年,無小孩,月入正職萬7,副業5-8千)
再講太太的情況:大我3,4年,婚後無再工作(我建議的)
大家請給我一點意見,因過2天我就要同太太講清楚.
結婚第1年,年少氣盛,大家同是硬頸之人,脾氣大~同太太經常鬥頂,但絕無動手!嘈的不外符小事[本人覺得
例如:
行街既時候,佢好鐘意睇衫經常一間店舖企喺度選2,3個鐘,過程中我係有投入的,但企得太耐就腳痛,同埋開始脾氣不好會好想走(我工作比較體力型的,就算今日既氣溫,都會做到濕哂),跟住就會口角.
食飯既時候,例如一碟點心,3粒燒賣咁計,我食左2粒佢又會大發脾氣黎話我(果種程度係可以黑面咁對我2,3天咁)有時點左菜,等在成30分鐘都末黎,我就會去投訴~跟住我老婆又會黎話我無家教諸如此類,又有時依頭投訴完果經理,跟住佢即刻同我講野(大佬呀我剛剛話完人有咩可能即刻笑笑口同你傾計,起碼你都俾返2,3分鐘我平靜反先啦)就會話我黑口黑面,咁又嬲我1日.
去旅行既時候,有時我會話我想去邊度邊度,跟住太太又會講,依家喺我陪你去唔該你尊重我.之後又會講d比較刻薄既說話,我就會講算啦遲些先睇啦(其實都俾佢話度無哂mood)
性果方面,平時我放工回到家大約7點,跟住可能食下飯整下野,我會等到12點先入房,但佢就係唔肯入,要打機,睇tv,整下電話3,4點先入房(咩都訓哂啦)
有時好幸運咁有機會做,佢要求我用d安全既野(起初大家拍拖無用既)我覺得唔舒服同好難完事(可能我壓力大及平時體力勞動大)我都有同佢傾過,佢話因為大家都有食煙及佢之前有打針如果第1年就有會唔健康,咁我都明白所以大家之後都比較少做
第2年開始到依家直情係無做過(我係想架),但同佢要求佢會講大家感情差唔做(呢4年我都無同其他異性發生過)
有1次大家嘈完佢走左去,我打俾佢又唔聽~咁我就約左個異性朋友見面,佢開解我既時候成個人攬住我,我之後有同佢拖手行街(無發生過sex)曾經亦有想過越軌,但我覺得仲係愛我老婆,所以2天後已同這位異性朋友永不見面.
亦都因為咁,我覺得自己好對唔住老婆,婚姻係亙相信任愛護同要亙相忍諒,咁我既然選懌左娶佢,就要負責任,我決定就哂佢,目的係唔想成日嘈,同埋希望遲d會變好!!
就佢既定義係:
我公司/家人做節食飯,我1定會先問過佢,如果她唔去我亦不出席.
以前我工作要上大陸,但如果她唔去我亦不去,避免誤會啦.
行街食飯,我會講妳楂主意啦,不過唔好行太耐wow.
食野時,每1樣我都會先問你食唔食呀,唔既我食埋架啦.
有時做緊野佢call我,我會即刻好溫柔咁答佢(連身旁既同事都話,1定係老婆打黎啦)
財政方面,我每個月都成份人工俾哂佢處理,每天返工就問佢俾$100我
佢病左我會煲粥佢食,set定半夜起身餵佢食藥
賣樓賺左60萬,全部放佢私人戶口,我從不過問
我從來無問過要做幾多,亦無要求佢點,忍下忍下就1世啦~我只係一心想佢見到我改變,會更加愛惜我,唔好相處唔到輕言講離婚,亦都少d話我.我千真萬確係咁做(可以對燈火發誓)
我老婆係1種好多男性痴住既人,而佢亦都唔會同果D男性劃清關系包括ex
其實呢幾年佢對我已經變成同屋主咁,好冷淡,就算我成曰同佢去旅行(1年3次咁)諗住修補下感情,但佢亦無變過,只是當陪我去玩.
最近呢1個月,佢差不多每星期有3-4晚出左去,晚晚2,3點先返黎,當中我有打俾佢,但永遠無人聽甚志熄埋電話.
喺第1week,我同佢講妳同咩人出去呀,咁夜先返,我放工返黎唔見你會唔開心,打俾你又唔通我會好擔心.
佢答:我咁大個人有咩好擔心,我從來去邊都唔駛同人交代,我出去玩下唔係唔得呀!
喺第2week,又有3晚係咁,我就發訊息俾佢,內容係:
我唔係唔俾你出街,但你都唔好太密丫~或者安排下早上,中午先出去,我咁辛苦搬搬抬抬搵錢返黎咪又係俾妳為個家,1放工就即刻返黎見妳,你就唔知去左邊,咁樣仲點相處呢?
喺第3week,佢又係咁,又有2晚出左去(當時只係星期3),有1日我仲要病左發高燒
我問佢究境當唔當呢個係屋企,仲想唔想1齊,佢只係當我透明~繼續做佢既野.
我唯有再問多次,佢居然話我好X煩,早知就唔返黎跟住佢想換衫走(當時半夜4點)
我果刻真係好嬲,我話你唔駛走,我執野走(過程中佢1眼都無望我)跟住到依家分開了 1星期
我身邊所有人都話佢從來唔尊重我,要控制我,叫我離婚.
我自己就真係唔想咁,始終初初有錯係我,我無得選.
我約左佢過2天講清楚始終要解決,大家可以俾d意見我嗎?

0 0 0

私人傳訊

積分: 196696

畀面勳章環保接龍勳章 BK猜猜猜慶中秋

2^#

發表於 12-3-22 15:00 |只看該作者

sorry..樓主...太大段野冇睇哂...剩係睇左頭同尾...

簡單問句....
有冇第三者, 暴力, 爛賭問題?

應當一無掛慮，只要凡事藉着禱告、祈求和感謝，將你們所要的告訴上帝。
上帝所賜那超越人所能了解的平安(註)，必在基督耶穌裏，保守你們的心懷意念。

私人傳訊

積分: 198

3^#

發表於 12-3-22 15:05 |只看該作者

yfceo 發表於 12-3-22 15:00
sorry..樓主...太大段野冇睇哂...剩係睇左頭同尾...

簡單問句....

對唔住,(5年要寫灑出黎)真係好長
但我好肯定咁講,我無第3者,暴力亦唔存在,賭 1佰幾拾果種係有

私人傳訊

積分: 196696

畀面勳章環保接龍勳章 BK猜猜猜慶中秋

4^#

發表於 12-3-22 15:08 |只看該作者

1+1非2 發表於 12-3-22 15:05
對唔住,(5年要寫灑出黎)真係好長
但我好肯定咁講,我無第3者,暴力亦唔存在,賭 1佰幾拾果種係有
...

咁又吾駛對吾住....

既然係咁...你話兩日後約佢出來傾...係傾咩先 ? 攤牌 ? 定係尋求解決方法 ?

私人傳訊

積分: 198

5^#

發表於 12-3-22 15:13 |只看該作者

yfceo 發表於 12-3-22 15:08
咁又吾駛對吾住....

既然係咁...你話兩日後約佢出來傾...係傾咩先 ? 攤牌 ? 定係尋求解決方法 ?

目的當然係想解決.
但我想睇下大家將心比己,會點處理?給我1點意見吧

私人傳訊

積分: 196696

畀面勳章環保接龍勳章 BK猜猜猜慶中秋

6^#

發表於 12-3-22 15:22 |只看該作者

終於都睇哂你成段野...我諗如果你 post 係夫婦版實大把人撐你叫你離婚啦...駛乜受佢氣...

但你係到問得...自然想有過內人答你嫁啦下話...

睇哂成段野..我剩係睇到你不斷咁數你太太既不是....我並吾係話因為你係c6角色先咁講....到底兩公婆一路以來點相處只係你地自己知....再講..只係聽你片面之詞好難俾到意見...

掉返轉諗....當初你點解娶 lee 個老婆...乜佢一開始就係咁嫁咩...有冇諗過佢點解會變成今日咁先...

私人傳訊

積分: 198

7^#

發表於 12-3-22 16:07 |只看該作者

yfceo 發表於 12-3-22 15:22
終於都睇哂你成段野...我諗如果你 post 係夫婦版實大把人撐你叫你離婚啦...駛乜受佢氣...

但你係到問得... ...

當然係想有過內人答我
我並唔係話數佢(想亦都無想過)
我真係愛先娶佢,我1路相信只要忍就可以捱得過,關系1向唔好我認,佢話我,我都願~但係咪1定要咁對我呢?
ps:我係用手寫板,我唔識打字,每1個字我都係講真話

私人傳訊

積分: 196696

畀面勳章環保接龍勳章 BK猜猜猜慶中秋

8^#

發表於 12-3-22 16:15 |只看該作者

1+1非2 發表於 12-3-22 16:07
當然係想有過內人答我
我並唔係話數佢(想亦都無想過)
我真係愛先娶佢,我1路相信只要忍就可以捱得過,關系1 ...

吾係想數佢就吾會打咁大段野都係佢點對你差...你又點就佢忍佢啦..

不如你諗真 d 你太太有 d 咩優點先啦....

我唯一既意見就係....如果你抱住 lee 個思想..太太點對你吾好..你又點忍佢...咩委屈都係得你一個受哂既話....你搵佢傾咪盞鬧交....再加上你太太以家已經好抗拒....

私人傳訊

積分: 198

9^#

發表於 12-3-22 16:25 |只看該作者

係,明白~多謝妳建議,始終睇既人係有,但答我得妳一個.
都係果句,我只係想講呢5年既相處,我唔覺得係委屈,我願的.

私人傳訊

moon_moon

子爵府

積分: 10926

醒目開學勳章畀面勳章貢獻勳章環保接龍勳章親子達人勳章

10^#

發表於 12-3-22 17:00 |只看該作者

樓主..

我地只睇到你單方面指太太既不是，如認同你既話就對佢唔公平啦..

太太亦可能有難言之忍...我覺得婚姻問題唔會係單方面既..一定雙方都出現問題先唔可以繼續一齊生活落去...

我建議你唔好用攤牌既心態去見太太...咁只會將局面僵化...試下先平伏自己情緒，想想婚姻上出現咩問題，是否自己有做得不足之處，是否大家少去溝通…同太太見面，唔好勞氣，平心情氣..先問太太對呢段婚姻既感覺同是否覺得有問題出現..願唔願意去一齊解決..之後咪講你既感受比佢聽，同建議一齊見婚姻輔導囉...先唔好只將佢對你既不是放在首位…每個人都有做得好與不好既時候...你咁樣只會令婚姻更難挽救..夫妻間確實要好大既包容的，試下先好好同坦誠咁同佢傾下先啦..

希望唔好嚴我多事..

點評

yfceo 同意....希望樓主明白我地講乜啦... 發表於 12-3-22 17:17

私人傳訊

catfitfit

公爵府

積分: 26782

畀面勳章環保接龍勳章大廚勳章

11^#

發表於 12-3-22 17:51 |只看該作者

哼...撇鬼左佢啦....

哈哈...親愛的...

...講到尾你咪又係話你唔捨得...

睇完你上面篇野, 建議你千祈咪兜口兜面同佢傾, 相信樓主係一個直腸直肚嘅人, 兜口兜面講只會令太太更加反感, 萬一一時用詞不當, 衝口而出的快人快語, 其實殺傷力都好驚人架...

提議你寫一封信比佢, 講出你嘅感受, 注意, 只係講你嘅感受, 並不是叫你去表達你嘅不滿, (註: 如果去表達不滿是投訴信, 如果是講感受呢...就係舒情文烙, 聽落舒服好多架....啊啊)...*請你注意修詞用語, 動之以情, 感之以誠*

文章可以分為3段, 第一段以讚美對方為主, 感謝對方多年來對家庭的貢獻, ...第二段可以寫你個人感受, 注意, 並唔係數佢你有幾不滿...第三段, 就可以寫你對這段婚姻嘅擔心及須要佢支持你之類...

等佢睇完你嘅大作, 睇吓有咩反應先, 嘻嘻...斷估佢唔會拍檯走人呱???

(睇完你地咪笑呀, 小fit好用心噤答樓主架)

點評

sailow

發表於 12-3-24 10:05

Heartless819 早D識你咪好囉,比個like你

發表於 12-3-23 02:13

moon_moon fitfit..講得好...樓主，聽下fitfit大人講啦..work ga wor 發表於 12-3-22 17:57

悲歡離合總無情
一任階前點滴到天明

私人傳訊

積分: 196696

畀面勳章環保接龍勳章 BK猜猜猜慶中秋

12^#

發表於 12-3-22 18:15 |只看該作者

引用：哼...撇鬼左佢啦....哈哈...親愛的......講

原帖由 catfitfit 於 12-03-22 發表
哼...撇鬼左佢啦....

哈哈...親愛的...

哈哈哈，我未到你最尾果句已經想reply"俾你笑死囉＂

你真係好人仕嫁姐

私人傳訊

積分: 198

13^#

發表於 12-3-22 18:22 |只看該作者

moon_moon 發表於 12-3-22 17:00
樓主..

我地只睇到你單方面指太太既不是，如認同你既話就對佢唔公平啦..

冰封三尺,非1曰之寒,呢個道理我明.
我跟本平時同佢傾計就絕不勞氣,每天我都想了解佢,....但........又能盡如人意

私人傳訊

moon_moon

子爵府

積分: 10926

醒目開學勳章畀面勳章貢獻勳章環保接龍勳章親子達人勳章

14^#

發表於 12-3-22 18:31 |只看該作者

回覆 1+1非2 的帖子

好多時當局者迷架...先試下聽第三者既意見呀....或者可以比到你d啟示架...

私人傳訊

小小小BB

大宅

積分: 3459

醒目開學勳章

15^#

發表於 12-3-22 18:34 |只看該作者

本帖最後由小小小BB 於 12-3-22 18:35 編輯

http://www.youtube.com/watch?v=y7Ee4TXNvA0

每段戀愛也得經歷的六個階段。看畢影片，你有想起誰嗎？

樓主,
能係人海中相遇, 相識, 相知, 相愛是得來不易, 而且你們都經歷五年, 人生有多少個五年, 多點包容, 多點關心, 多給自己空間, 不要將自己當成機械人一般工作, 回家, 再工作!

私人傳訊