心聲留言 今日: 1 | 主題: 17549

積分: 17568

好媽媽勳章

1^#

發表於 05-11-29 09:42 |只看該作者

獨生小朋友

我仔仔就快4歲了, 同老公決定再生的機會好細 , 只想全心照顧仔仔 , 有冇媽媽都係只決定生一個小朋友 , 覺得有什麼好處或不好處 ? 我都明白生兩個小朋友會較好 , 但我只想在此分享獨生小朋友的心得和感受 . Thanks !

私人傳訊

積分: 12472

2^#

發表於 05-11-29 11:17 |只看該作者

Re: 獨生小朋友

Hi iwff

記得我嗎? 你囝返學習慣嗎?
我都唔打算生多個小朋友, 一來教養小朋友要付出無限的精力&愛心, 二來要經濟許可. 所以,我希望把最多的資源給我囡.
但另一方面, 囡囡比較自我, 不喜分享, 你囝會唔會?

私人傳訊

iwff

積分: 17568

好媽媽勳章

3^#

發表於 05-11-29 11:45 |只看該作者

Re: 獨生小朋友

dleelm,

我緊係記得你啦 ! 我仔仔返學很習慣 , 每日都好開心 , 可能佢係大仔所以老師話佢上堂特別多反應 .

冇錯我都係想比最好的仔仔 , 不是物質而是時間同心力 , 因為我返教會的 , 每個星期日的兒童主日學仔仔都有好多朋友仔玩 , 不會很悶 , 平時間中有個大佢5年的表哥同佢玩 , 我仔仔無論大個佢或細個佢的小朋友都會玩得埋的 , 不會怕羞 .

我相信每個小朋友都有不喜歡分享的時候 , 就算有兄弟姊妹一起 , 所以不要太擔心慢慢教 , 可以同囡囡去接觸多些小朋友去學習分享的.

另外題外話 , 我記得你囡囡好似係讀臻美幼稚園的 , 是否可以直升小學 , 我記得我提過我朋友的仔仔係臻美小學讀緊小四 , 但學校的行政混亂及校長有自我的行為. 我只是提出一些意見給你參考 , 希望你囡囡升小學時可以多個選擇 .

私人傳訊

積分: 28065

4^#

發表於 05-11-29 12:20 |只看該作者

Re: 獨生小朋友

我仔仔今年5歲..佢都係獨仔呀,而我地都無再諗住生多個,因為以家日日放工返到屋企要同佢做功課...星期六又要同佢溫書已經無晒時間&精力,以家重要煩埋升小一d野..我已經想死啦,不過其實我覺得生一個既好處係唔駛再掛心多一個,佢想買咩又可以買到比佢,但到左佢大個時就有個問題lor,就係佢要一個人養起對父母...責任好大架

私人傳訊

iwff

積分: 17568

好媽媽勳章

5^#

發表於 05-11-29 12:29 |只看該作者

Re: 獨生小朋友

Ivy124 ,

我完全同意你的講法 , 我朋友有兩個小朋友 , 佢自己工作已有忙 , 仲要分配時間去照顧小朋友的功課 , 真係想死 .

我都有考慮到將來得仔仔一個的問題 , 所以同老公積極儲錢 , 希望將來不用仔仔養我們 , 佢可以自立就得了.

私人傳訊

積分: 28065

6^#

發表於 05-11-29 12:47 |只看該作者

Re: 獨生小朋友

iwff

我地其實都只係諗哩個問題咋,其他既問題..例如佢唔識同人分享...脾氣大呀o個d我地又覺得唔駛睇得咁重要lor,其實就算唔係獨生既小朋友咪一樣脾氣大&唔識同人分享,根本好睇個小朋友自己本身係點既性格,不過可能我仔仔都鍾意同人分享...所以我覺得得一個都無咩問題

私人傳訊

積分: 12472

7^#

發表於 05-11-29 12:56 |只看該作者

Re: 獨生小朋友

iwff,
我比囡囡讀臻美都係貪佢可以直升小學, 不過我會繼續觀察, 多謝你提點, 咁你朋友的仔仔讀成點, 成績如何?

Ivy124
對於”要一個人養起對父母...責任好大架”利果問題, 我會咁諗….我希望自己可以儲蓄足夠錢給退休用, 唔想成為囡囡的負擔, 我希望佢對我關懷, 陪我地兩個老野行下街,食飯, 我地有病時,會關心我.

私人傳訊

flower99

別墅

積分: 602

8^#

發表於 05-11-29 13:04 |只看該作者

Re: 獨生小朋友

我都係得一個女女,剛上了小一,就更加肯定唔會最生了,供書教學和參加d興趣班都係指定既開支,而且我兩公婆同屋企既老人家又好鬼錫佢,老公仲差不多要咩買咩,我驚生多個時,大女又接受唔到會有所轉變,細既我又會覺得對佢唔公平,因家姐細個時代遇好過佢

私人傳訊

C-PA

別墅

積分: 955

9^#

發表於 05-11-29 13:31 |只看該作者

Re: 獨生小朋友

同意, 我地呢代 "老竇養仔兼養老竇" 已經夠受, 唔想下一代都係咁

dleelm 寫道:
對於”要一個人養起對父母...責任好大架”利果問題, 我會咁諗….我希望自己可以儲蓄足夠錢給退休用, 唔想成為囡囡的負擔, 我希望佢對我關懷, 陪我地兩個老野行下街,食飯, 我地有病時,會關心我.

知足知不足, 有為有不為

私人傳訊

mymelody2003

男爵府

積分: 8646

10^#

發表於 05-11-29 14:18 |只看該作者

Re: 獨生小朋友

我就唔會寄望個囝長大後會養我地, 實在太多因數了, 所以如果經濟許可的話生多一個比較好, 2個都可以有商量, 但如果得生一個, 佢長大後做所有事都要一個去面對就好孤獨了.

私人傳訊

iwff

積分: 17568

好媽媽勳章

11^#

發表於 05-11-29 14:18 |只看該作者

Re: 獨生小朋友

dleelm ,

我朋友的仔仔讀書成績一般 , 但英文最弱 , 加上學校沒有太多功課和測驗 , 相對仔仔對做功課比較弱 . 聽講學校開始分英文班同中文型 , 英文班學費很貴 , 亦都形成了分班(按成績)教學 , 即精英班 . 我朋友就覺得好似將學生分了等級. 因為最初佢仔仔入小一時沒有中英文班同精英班分的 , 到現在四年班就轉為有了. 你仲有時間可以問更多現有家長的意見 , 不過我發覺他們的意見好極端的 , 一係好不滿 , 一係好支持 .

?-(

私人傳訊

iwff

積分: 17568

好媽媽勳章

12^#

發表於 05-11-29 14:21 |只看該作者

Re: 獨生小朋友

Ivy124 ,

我同意你的講法 , 就算有兄弟姊妹的小朋友都有可能脾氣大同唔識同人分享 , 所以教導是很重要的 .

私人傳訊

積分: 28065

13^#

發表於 05-11-29 14:24 |只看該作者

Re: 獨生小朋友

dleelm 寫道:
iwff,
Ivy124
對於”要一個人養起對父母...責任好大架”利果問題, 我會咁諗….我希望自己可以儲蓄足夠錢給退休用, 唔想成為囡囡的負擔, 我希望佢對我關懷, 陪我地兩個老野行下街,食飯, 我地有病時,會關心我.

當然個個人既想法都係咁啦,邊個想做仔女既負擔喎,但有時好多野唔到自己控制,就好似有病有痛咁...跟本無人想架ma,所以希望大家都身體健康啦

私人傳訊

積分: 28065

14^#

發表於 05-11-29 14:39 |只看該作者

Re: 獨生小朋友

iwff 寫道:
Ivy124 ,

我同意你的講法 , 就算有兄弟姊妹的小朋友都有可能脾氣大同唔識同人分享 , 所以教導是很重要的 .

係架,有次我同我仔仔去睇玩具時...有個小朋友(細過我個仔架)同佢daddy一膂o係度抽緊d唔知咩玩具啦,咁我個仔走埋去睇...點知佢無啦啦望左我個仔兩眼跟住佢就一巴打落我個仔塊面度,但我仔仔完全無還手...佢個daddy就講左聲sorry就雞咁腳走左,之後我問反我個仔"你會唔會打反佢呀",佢答我"唔會...因為打人係唔o岩"所以話家教好緊要架,我唔係話自己教得好好...但起碼唔會好似o個個細路屋企咁無家教啦

私人傳訊

WWHO

別墅

積分: 759

15^#

發表於 05-11-29 14:47 |只看該作者

Re: 獨生小朋友

讓我也來說說我的經驗和看法...

我自己本身就是一個獨生兒, 没有兄弟姐妹. 因為我的性格是比較好動的, 所以童年時代, 學生時代也有一大堆的朋友, 不覺得寂寞, 不覺得獨生子女是一個問題. 但是人年紀大了, 父母的年事也高了. 就開始感到壓力. 不是來自經濟的, 因為我爸媽可以自己應付生活所需, 不然我兩小口的經濟也可以付擔. 是來自精神的壓力... 好像几年前, 我爸爸的肚子不舒服, 查出來是腎的問題, 然后有一天晚上他突然肚子痛得很辛苦, 我當時真的很擔心, 不知所措, 我媽媽年紀大, 沒有主見, 我覺得就像我自己要擔起一切... 當時立刻送他到醫院, 在去醫院短短的几分鐘車程中, 我想了很多很多...幸好最後爸爸都健健康康...

我老公跟他的兄弟關係是很好的, 大家也很關心對方. 我也是從他們身上學會了兄弟間的親情, 感到很可貴. 我也希望我的bb也可以透過兄弟間的相處去學會分享和分擔. 不錯如果我們把所有的精神, 心血, 時間和金錢花在一個小孩身上是比較好, 但是我相信, 如果給他們一個一同成長, 互相支持, 互相學習的手足, 他們最終得到的應該會更多,更豐盛.

私人傳訊

積分: 12472

16^#

發表於 05-11-29 14:51 |只看該作者

Re: 獨生小朋友

有次問囡囡想唔想有弟弟/妹妹同你玩呀? 佢話唔鍾意, 鍾意同媽咪玩. 有時我豆其他bb玩, 我囡就呷醋. 利d係獨生子女通病?

私人傳訊

積分: 12472

17^#

發表於 05-11-29 15:05 |只看該作者

Re: 獨生小朋友

agree, 利點係想生多個小朋友的原因,可惜環境不許可.

WWHO 寫道:
但是我相信, 如果給他們一個一同成長, 互相支持, 互相學習的手足, 他們最終得到的應該會更多,更豐盛.

私人傳訊

iwff

積分: 17568

好媽媽勳章

18^#

發表於 05-11-29 15:36 |只看該作者

Re: 獨生小朋友

dleelm,

不一定的 , 我仔仔很喜歡bb及細過佢的小朋友 , 他不會呷醋的. 所以佢間中就會叫我生個妹妹同佢玩了.

我自己都有幾兄弟姊妹 , 絕對明白有是開心的 , 但無奈老公不想再生都沒有辦法 , 唯有大家一起努力 .

私人傳訊

bandband