自由講場今日: 174|主題: 1350938

收藏本版

發帖

返回列表

跳至頁

查看: 5747 | 回覆: 98

(轉載)今日去搵李X澤幫個仔改名, 最後令我非常生氣

[複製鏈接]

12 3 4 5

lisalai2

大宅

積分: 3299

畀面勳章 BK Milk勳章

1^#

發表於 12-3-28 21:12 |只看該作者 |倒序瀏覽 |打印

(轉載)今日去搵李X澤幫個仔改名, 最後令我非常生氣

本人從不相信風水名理, 但我阿媽就剛好相反, 個仔出世之前三個月, 因表哥老婆話"李X澤"改名幾好, 所以我阿媽打電話去"李X澤"問關於改名o既事, 佢開價三千, 話等個仔出世再聯絡佢, 雖然我好反對搵人改名, 但阿媽六十幾歲人先可以第一次抱孫, 所以只好就下佢.

阿仔出左世兩日, 阿媽就即刻打電話去"李X澤"個辦公室, 請佢地安排幫我個仔改名o既事, 但佢地居然話改名加左價, 要成三千八, 仲話因為有事要二十日後先可以幫我地改, 因為一些原因, 我地要快d改到名, 阿媽就問佢有乜方法可以快d, 佢話加多一千蚊, 總共四千八蚊, 兩日後就可以改到啦, 我心諗, 二日就可以搞掂, 即係話改名其實對佢黎講係好快o既事啦, 話唔加就要等二十日都唔知係唔係原本就想我地比多d, 但係我阿媽最後都係應承左, 而我都算啦, 雖然真係好肉痛.

如是者, 二日後我地上左佢辦公室, 因為BB剛出世o既關係, 真係好忙, 所以我地都係好急趕住去果度, 最後準時到達, 但係上都去, 佢居然未番黎, 除左佢間房, 出面仲有幾個人幫佢做野, 其間有另外比個地後面O既客人都黎左, 最後等左足足四十分鐘佢先至到, OK算, 入去. 一坐低, 我地開左個錄音機, 而佢就攞左本命理書出黎一輪嘴o係度讀, 本命理書做得好精美, 全部內容唔係手寫而係打字出黎, 老實講, 因為我從未睇過相, 電視上o既風水節目我一見到就會轉台, 所以真係好唔明去講乜野

因為唔想打擾佢講野, 所以唔明我都無問到, 只要我阿媽明就得啦, 其中主要內容係比左好多組合O既第二同第三個字我地選擇, 當佢一口氣講完佢所講o既野, 相信發問時間都到啦, 所以有d問題想問佢, 但我阿媽仲比我先問問題, 因為我表哥老婆之前同我阿媽講, 話佢只會幫BB改個最適合o既名, 只會比三個選擇佢, 而唔係好似而家咁比左幾十個字我地簡, 我阿媽可能覺得混淆, 所以只係問左句, "你會唔會幫我地選個最好O既名架?", 之後佢即刻面色一變, 用非常無禮貌O既態度同我名媽講 "婆婆, 我咪已經講得好清楚囉, 比左咁多字比你選擇, 你咪自己O係裡面簡兩個字囉, 你頭先聽唔明呀, 你聽唔明就番去聽番綠音囉", 我當時覺得佢好串同好無禮貌, 但因為呢個係重要是O既事, 我當時無乜過大O既反應, 我跟住就想問, 究竟係O係咁多組名裡面選擇一組, 定係所有裡面第二同第三個字可以交叉配合, 當我一開口問, 都支講完, 佢即刻閘住唔比我講 "交叉係粗口, 最好唔好講, 你仲唔明架, 頭先咪講得好清楚囉......" 如是者, 佢用更惡劣O既態度足足講多左兩分鐘野, 主要係一D諷刺O既說話, 而中間我地已經無聲出啦, 到最後我真係頂唔住, 我就出聲話 "得... Ok 架啦, 我地走", 走出佢間房, 佢再見都無講, 我之後交錢走人, 佢好趕咁出黎, 叫走另外等佢個客入去.

老實講, 今次我真係嬲到震 (而家打緊字都仲震緊), 坐地起價就算啦, 加附加費都算啦, 等左四十分鐘又算, 但係比左錢, 居然受左咁大O既委屈就真係忍無可忍, 好實講, 果本命理書係唔係真係佢整出黎都成問題, 佢照書讀又唔比人問野算係點呀, 人地聽唔明有乜咁出奇呀, 唔一定O係我地理解差, 同樣有可能係佢表達有問題, 佢做生意當然係因應客人O既接收能力而講野. 唔通下下要人就你? 佢有可能係因為後面有個大客等緊, 所以想我地快D走, 如果係咁, 咁佢就唔好遲大到啦, 想唔到一個就出名O既人會做出咁O既行為, 我可能真係見識少, 好少遇到

今次會係我第一次, 都係最後一次睇風水命理, 下一次阿媽要迫我去, 我只好做一個不考子算啦!