Baby Kingdom - 親子王國 香港 討論區 › 首頁 › 婆媳關係› 到底可以點做？

婆媳關係

收藏本版
發帖
返回列表
跳至頁
到底可以點做？ [複製鏈接]

首頁
123

尾頁
   0
Magnifique


大宅

積分: 1923


1#
發表於 12-4-2 06:07 |只看該作者
琴日同C6一家飲茶，6299竟然又比說話我聽！想爆！

大囡11年8月出世，宜家7個多月大，現正再度懷孕三個月。兩年抱兩，本來我同C6都十分開心（又有少少擔心）！但經過琴日之後，開始越來越唔開心！

生大囡後，同99在湊女意見及其他生活細節上，開始有重大分歧（註：我係全職媽媽）。暫時仍未有正面爭執，但已經有少少口和心不和的態度，及已經傷害我和C6的感情！

今年1-3月（頭3個月），由於身懷六甲，加上自己全職湊大囡（剛剛食粥仔），我真的好疲倦。農曆新年後，甚少出街，頂多只係同C6到街市及超市入貨。每日除了湊囡，便瞓覺休息，根本無精神體力做其他事。

而99喺我心目中，係好錫我囡囡，但係好很煩既人。唔知乜嘢因素，令佢覺得自己可以控制我們仨。

1）由大囡出世到宜家，每日幾個call問c6及大囡既生活、成長！（我已經完全唔聽佢既電話）好似驚死我照顧囡囡不周！煩到嘔！我作為媽媽，當然有責任及樂意去用心照顧我的寶貝！唔使佢擔心！囉唆到暈！
（我的不滿：唔該比返啲空間我們仨，特別係囡囡宜家肥肥白白，健健康康！根本無需要過份關心！我想靜靜的安胎！）
（C6解釋：99出於關心，是善意的！）

2）農曆新年期間，好似要日日陪佢，又要咁又要咁！仲想私自安排佢細妹（C6亞姨）上黎我地新居擺年及參觀！
（不滿：裝修期間已經未經我地同意下，比佢細佬（C6上黎參觀！我都有大把親戚朋友要見的！自把自為！完全無尊重過我同C6！呢間屋係我同C6的，唔該分清楚！）
（C6：已經話咗99嘞。新年已經約哂人！我心諗：話既意思係？因C6非常淋善）

3）最終，新年仍有空間比佢知道我地在家休息（因為朋友探望完已走），我與囡囡瞓覺中，99堅持和姑9上黎探我地（見C6同囡囡）！
（不滿：99那種打不死精神，夠煩！6無我同意下應承比佢地上黎！）
（C6：99只想見下囡囡！註：明明3日前見過！）

4）農曆新年後，我和6到北海道旅行，婆婆到我家住湊囡囡。臨行前，99問我婆婆電話號碼是否一樣沒變。結果，婆婆新年期間轉號碼，我當然可透過妹妹找她。但99超煩，竟然打長途比我，我唔聽及通知C6！
（不滿：有乜事咁緊要，只係想見亞囡，就要煩到我同我媽媽！）
（C6：已通知99下次打比佢。）

5）某日，C6放工前打比我話99想上黎坐，有嘢比亞囡，同想探下亞囡。我話：我好倦，想休息，唔想比人打擾。C6無奈地拒絕99，但和我吵咗幾句。
（不滿：又自把自為，打擾大肚婆休息！）
（C6：應該比面佢喎！）

6）琴日，C6一家拜山，我應承和亞囡同6299、姑9飲茶。一坐低，6299齊聲話亞囡望到佢地眼定定，好似好默生。62好串咁話：成一、兩個月唔見，梗係唔認得啦！
（不滿：我有咗，一句問侯都冇，你點知大肚加湊囡有幾倦呀！加上亞囡呢段時間非常認人！最後，我唯有講：佢乜嘢人都唔認得！）
（C6：講者冇心，聽者有意。）

7）一早已經提醒C6，唔好立亂比佢地抱亞囡，因認人，易喊。食咗一陣，6借意幫我抱亞囡，其後，傳比62、再比99（亞囡已喊）、再比姑9，最終，只肯比C6，唔比我！
(不滿：唔想次次亞囡好似洋娃娃，比人傳黎傳去，仲喊！我最憎人咁做！同埋C6冇即時抱返亞囡，任人魚肉！只滿足6299、姑9的抱囡慾望。）
（C6：諗住亞囡ok，下次不會！）

其實，還有很多很多。所以，我想離開一下，靜靜地安胎。C6知道我任性，叫我唔好亂黎。但每一次見到佢地，我都唔開心，同C6吵鬧，好煩，可以點做？因為C6好似只係幫6299講好話，但實際冇保護我同亞囡。如果小B出咗世，可能煩上加煩！救命！
私人傳訊

Magnifique


大宅

積分: 1923


2#
發表於 12-4-2 06:09 |只看該作者

回覆：到底可以點做？

點解冇哂間行？
私人傳訊

amilaulau


大宅

積分: 4099


3#
發表於 12-4-2 08:09 |只看該作者

回覆：到底可以點做？

睇完成篇野，只係覺得你99想見下阿b啫，你諗下，第時你抱孫，想見下／抱下粒孫好正常卦。可能樓主大肚陀得辛苦，諗野又容易諗埋一邊，唯有睇開啲，加油呀

點評

肥妹心  agree  發表於 12-4-4 00:59
chacha1211  同意  發表於 12-4-3 16:02
daishidoi  同意  發表於 12-4-3 12:23
私人傳訊

sinyeechu


珍珠宮

積分: 32486


4#
發表於 12-4-2 08:15 |只看該作者

引用:睇完成篇野，只係覺得你99想見下阿b啫，你

原帖由 amilaulau 於 12-04-02 發表
睇完成篇野，只係覺得你99想見下阿b啫，你諗下，第時你抱孫，想見下／抱下粒孫好正常卦。可能樓主大肚陀得 ...
argree

私人傳訊

yan826


大宅

積分: 1478


5#
發表於 12-4-2 08:21 |只看該作者

回覆：到底可以點做？

去北海道旅行就唔攰..見佢既親戚就好攰..點都有啲講唔過去喎

開頭有左又要湊女可能係攰啲, 會唔會同老公講再過多一兩個月等你個胎穩定啲先再應酬佢地會好啲呢?

點評

肥妹心  agree  發表於 12-4-4 01:00
daishidoi  講得好  發表於 12-4-3 12:23
wong191  同意  發表於 12-4-2 23:11
leechansandy  agree  發表於 12-4-2 18:43
wongjoetabo  講得好 !  發表於 12-4-2 10:59
私人傳訊

Sammyan


大宅

積分: 4414


6#
發表於 12-4-2 08:27 |只看該作者

回覆：到底可以點做？

好明白樓主，雖然話99錫孫，想見多d ,但都唔係大晒，唔理新抱感受！自己有頭家，但日日被人煩，又叫你呢樣果樣，跟住d人就會話99都係錫佢，睇開d ,但點解d人唔會同99講個新抱已做人阿媽，叫佢唔好理咁多自己休息下呢？

點評

daishidoi  其實樓主6299都唔算野蠻,起碼次次都有問,或者根本係樓主C6問題  發表於 12-4-3 12:24
私人傳訊

Magnifique


大宅

積分: 1923


7#
發表於 12-4-2 10:32 |只看該作者

回覆：yan826 的帖子

因為懷孕最倦既時候係6-14周，去旅行時只是剛剛4周大。加上不用湊囡！

點評

wongjoetabo  甘點解吾用個D時間去見下佢既親戚  發表於 12-4-2 11:00
私人傳訊

Magnifique


大宅

積分: 1923


8#
發表於 12-4-2 10:43 |只看該作者

回覆：Sammyan 的帖子

99就係覺得＂唔放心＂，又或者佢雞蛋裡挑骨頭，（C6和我都其實3張幾！）。但我諗我湊小朋友的經驗一定多過佢好過佢。因為我媽媽由細到大都幫人湊bb，我細細個已經幫手；而C6係佢婆婆湊大的。99根本零經驗，成日煩音作梗！多謝妳明白，一家一主既道理！
私人傳訊

Magnifique


大宅

積分: 1923


9#
發表於 12-4-2 10:56 |只看該作者

回覆：到底可以點做？

淨係見，都冇所謂。最難受既係佢啲湊b經及其他批評說話，只係識得玩我個囡！同考問我或C6，好似佢係媽咪，我係工人。
私人傳訊

阿紫


侯爵府

積分: 22622

牛年勳章 月餅勳章 好媽媽勳章 畀面勳章


10#
發表於 12-4-2 11:30 |只看該作者
如果掉返轉係見你父母咁你又會唔會覺得煩/攰呢?
如果掉轉係你D親戚想抱你又會唔會覺得你個女似洋娃娃呢?
做人既野,過得自己過到人
自己去旅行又得 見老公既親戚唔得?
佢批評你既說話,你哦左咪算囉
至多返到屋企打老公姐

點評

wong191    發表於 12-4-2 23:15
私人傳訊

Magnifique


大宅

積分: 1923


11#
發表於 12-4-2 11:48 |只看該作者

回覆：到底可以點做？

我媽媽唔會日日煩我地，只係團年及初一拜年，而99係認為我地日日應該陪佢（已經團年、初二、初五見過，中間日日都想呢樣個樣），日日追蹤我地行蹤，點都要搵時間上黎或者安排其他見面，有時在家休息好正常，唔通日日朝9晚9，我都有屋企人，點解淨係陪佢，會唔會佢自私多啲！我對得住所有人，亦明白身教的重要性。
私人傳訊

I9528


琥珀宮

積分: 155199

畀面勳章


12#
發表於 12-4-2 11:51 |只看該作者
阿紫 發表於 12-4-2 11:30
如果掉返轉係見你父母咁你又會唔會覺得煩/攰呢?
如果掉轉係你D親戚想抱你又會唔會覺得你個女似洋娃娃呢?
做 ...
agree, 其實好少事
私人傳訊

Magnifique


大宅

積分: 1923


13#
發表於 12-4-2 11:55 |只看該作者

回覆：到底可以點做？

我啲親戚如果整喊個囡，我一定出聲。但C6冇，如果我出聲，一定吵鍋勁，又話我頂撞99！所以應該由C6出聲保護個囡，但佢冇。
私人傳訊

Sammyan


大宅

積分: 4414


14#
發表於 12-4-2 11:56 |只看該作者

回覆：到底可以點做？

因為我99都係咁，bb要著幾多件衫，著咩野衫99都要理，梳咩既髮型都要佢鐘意，究竟個b係99生定係我生呢？因為住得近，日日都有得見，日日都唔願俾bb走，可唔可以留返d時間俾我呢？其實我都覺得佢係好99，佢真係好錫個孫，咩都想幫個孫做，但我呢個媽媽既立場就覺得99想搶bb 。
私人傳訊

sisbro


侯爵府

積分: 22733


15#
發表於 12-4-2 12:00 |只看該作者
好少事jer, 睇開啲la，加油呀!
私人傳訊

yanyan90


子爵府

積分: 12452

畀面勳章


16#
發表於 12-4-2 13:12 |只看該作者
生左出嚟3,4個月又大左肚 其實你有冇plan到呢?
4周未陀穩就去北海道玩 最危險ge時間你又吾安胎?
旅行放底比自己阿媽湊 你又咁捨得同個b分開?
男家d親戚抱吓je 你又咁大反應...
你自己檢討吓你對男家d態度啦
而家係你自己破壞緊夫妻感情呀
吾好咩吾好ge嘢都入哂男家數啦

點評

Sumyeema1  exactly..  發表於 12-4-2 15:15
私人傳訊

Magnifique


大宅

積分: 1923


17#
發表於 12-4-2 13:20 |只看該作者

回覆：到底可以點做？

生bb係比planning中快，有乜問題？大把人係兩年抱兩，三年抱兩。12月已買哂機票酒店火車票，去個時4周根本未知！99要返工，我媽媽退休，緊係比媽媽湊，加上佢經驗豐富。我只是以事論事。男家同99唔係大哂，只想靜靜地安胎。大肚需要人體諒、照顧，唔係要受氣！
私人傳訊

penpenvivi


子爵府

積分: 12798

畀面勳章


18#
發表於 12-4-2 13:33 |只看該作者

回覆：到底可以點做？

我而家都係7個月肚帶大女，比較好係大女3歲，只好勸你放鬆一點，平時99係煩，大肚會覚得仲煩，因為你好支力，但唔好影響2公婆感情，你諗下老公可以點，唔通鬧爆佢。
而我真係頂唔到太累大節我都唔到咖，佢地上我屋企就盡量安排，因為大女點玩都安全d！
私人傳訊

Magnifique


大宅

積分: 1923


19#
發表於 12-4-2 13:33 |只看該作者

回覆：到底可以點做？

如果有乜事，唔開心、抑鬱嗰個係我，仲要好辛苦拕b湊b，佢有乜損失？邊個係bb媽咪？多意見、唔識湊、唔付出，只想玩孫！唔好將自己既快樂建築喺人地既痛苦之上！只係要求leave us alone，一家一主！
私人傳訊

小歪仔


珍珠宮

積分: 40594


20#
發表於 12-4-2 13:55 |只看該作者
其實上面有某幾點都好普通，唔係咩大問題，但可能由於樓主你而家大肚，又有d以前湊b時積落既不滿，所以你特別覺得難受.
我覺得樓主首先要做既，係向你c6"動之以情"，雖然你地2個已經3x，但唔代表夠成熟(我c6都3x，有d方面仍然好幼稚)，單睇你c6點應付你同你99就已經知道，佢唔理解女人拕住bb有幾咁辛苦啦~
你應該多d向你c6灌輸"女人懷孕係非常辛苦"哩個concept，話佢知女人喺果個時候心情會突然大上大落、控制唔到，又或者好敏感，可能會誤解人地既意思，嚴重程度係女人m到既一百倍！
所以為左佢阿媽同你著想，叫佢阿媽唔好成日上黎又或者成日搵你，一黎費事你突然心情唔好，得罪99就唔好啦，二黎大肚婆心情唔好會影響埋肚入面果個架~ 要比面你99果d野，等個b出左世先啦~
同埋你要向你c6解釋清楚，女人一做左人媽媽，就會係子女行先，子女已經成為佢生命中最重要果個，所以你會好著緊個女，但你c6冇份十月懷胎，所以佢唔明都好正常，但佢應該理解下你既心情~
私人傳訊


首頁
123

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見