興趣嗜好今日: 1|主題: 124529

收藏本版

發帖

返回列表

跳至頁

查看: 742 | 回覆: 2

[寵物] 帶貓貓狗狗去做絕育, 任何人都可以做得到 [複製鏈接]

sotei

大宅

積分: 2409

1^#

發表於 12-4-18 19:26 |只看該作者 |倒序瀏覽 |打印

<轉載>
經常都有人PM問我 : 我工作貨倉有好多放養既狗, 生完一次又一次, 成日都見D狗BB一係比車車死, 一係就唔知去晒邊......點算好? 類似呢D問題, 大家都不知點做好, 或者我比少少意見你地, 以下係我自己的做法, 如果有唔啱或者更加好既方法, 請指教更正 ^^

我家住元朗, 最初搬黎呢條村, 見到所有村民既狗都未做絕育,我都會毎個月續隻帶去獸醫診所做,由於毎次都要千幾蚊, 所以我毎個月只能負擔到做到一隻的費用. 後來知道原來有愛協絕育車呢樣野, 咁我就開始幫村民申請排期,愛協絕育車係會去新界區指定的地點, 電話預約時間, 到有位前一個星期就會叫我入錢, 當日帶埋入數紙同住址証明去就可以, 我幫村民帶狗去做絕育, 有些村民不肯入晶片, 流動車都無問題, 不用強迫你幫隻狗入晶片既.

因為我條村既範圍已經有CCCP義工, 所以愛協唔比我申請成會CCCP義工, 咁我約到我範圍既CCCP義工, 就會請她幫手一齊捉同埋Call車將捉到既貓送到灣仔愛協做絕育, 但係唔想成日麻煩人,同埋最主要係錢既問題, 毎call一次車來會都要六百蚊, 所以我都會選擇用愛協流動車, 毎次約1-2隻, 因為驚約多左位到時捉唔到就唔好,由於這些是流浪貓, 所以我會同職員講, 要剪耳, 因為要放回街上.

愛協流動車收費 :

• 狗隻絕育 (雌性) - 港幣三佰元
• 狗隻絕育 (雄性) - 港幣二佰元
• 貓隻絕育 (雌性) - 港幣二佰元
• 貓隻絕育 (雄性) - 港幣一佰元

因為有地區限制, 大家可以致電愛協詢問2713 9104 查詢有關預約詳情, 參考網址 http://www.spca.org.hk/chi/vet/moclinic.asp

===============================

除左用以上方法, 我亦會申請SAA TNR免費絕育計劃, 我見到養雞場, 村口車場, 貨櫃場, 我會入去勸佢地比我帶佢地既狗去絕育, 只要佢地聽到係"免費", 通常都會應承既, 其實程序好簡單, 我成日都申請, 通常一個月左右就有位比我帶狗去做絕育, 我唔明白點解成日見網上既人講申請唔到 ??

程序如下 :
影低你想帶去既貓狗相片, 連同佢既性別/數量/動物既位置/你既聯絡姓名/電話 , 然後send email去[email protected] 通常幾日後就有人打電話比我, 咁等一個月左右就有位比我.

詳情請睇返SAA網頁 : http://www.facebook.com/photo.ph ... ;type=1&theater

但係如果隻狗有晶片就唔可以申請SAA TNR, 就要申請SPCA流動絕育申.

=================================

以上兩個方法都係我經常會用既, 因為最緊要係"平"!!!! 如果執到狗, 要先絕育然後先比人領養,或者村民既狗, 村內既貓, 咁我就會排流動車. 如果係倉貓狗, 車場貓狗, 雞場貓狗 (無晶片) , 我就會申SAA TNR. 但如果執到有品種又或者趕住要rehome既狗, 我就唯有比千幾蚊去獸醫診所做囉.

==================================

希望我既經驗可以幫到"新手義工"或者想幫你眼見既動物出一分力既朋友啦 ! 其實你地都好容易可以做得到, 唔使搵人黎幫手, 不過要用左你既私人時間, 同埋就無可能免費架啦, 自己點都要出D錢, 例如call 貨Van錢, 愛協絕育費等等.... 但係你少少付出, 就可以幫到好多好多狗, 因為佢地唔駛再生, 唔駛再1隻變8隻, 8隻變64隻....

當你開始帶你工作或住屋附近的貓狗去做絕育之後, 你會發覺你既煩惱會少左好多, 因你唔駛再見到貓B狗B, 既然你又救唔到佢地返屋企, 毎日又在擔心佢地會有不測....點解唔幫佢地一個忙呢 ? (哈哈...好似賣廣告咁)

FACEBOOK: http://www.facebook.com/photo.ph ... -/10150368933719195