香港18區媽媽會今日: 0|主題: 156996

收藏本版

發帖

返回列表

跳至頁

查看: 1007 | 回覆: 9

[大埔區] 該轉校嗎? 可以比d意見我嗎? [複製鏈接]

daddykei

大宅

積分: 1125

1^#

發表於 12-4-19 15:36 |只看該作者 |倒序瀏覽 |打印

囝囝在英藝讀緊全日幼兒班, 佢係細仔, 佢番學好開心, 教師都好鍚佢, 不過佢天生好動又敏感, 再加上佢係細仔, 比起班上面嘅大仔明顯幼稚很多. 同老師了解佢上課時況, 老師話佢學嘢算快同好主動, 不過有時會好嗲老師, 想老師氹佢, 好似BB一樣. 而佢做功課都唔可以專心, 成日都掛住講嘢同玩, 要不停督促佢, 不過d 功課佢又全部識做喎, 不過就唔專心囉.

幼兒班就快完啦, 8月份就升低班啦, 我係學校見到升低班嘅書, 真係好深, 仲要開始串字同溫書, 我開始擔心佢可唔可以跟得上, 同佢跟功課時會更勞氣. 我同老師講咗我嘅憂慮, 亦有重讀嘅念頭, 老師話囝囝真係可以完全跟得到, 如果佢見到同學仔都升哂班自己留班佢會好唔開心嫁. 重讀對佢只有害處.

噤我就諗, 好唔好去其他學校升K2, 出年再番英藝讀K2同K3, 不竟我真係幾滿意英藝, 每日上午都有一個鐘英文同半個鐘普通話, 下午全英語, 而且英藝學生好多都成功扣門去到舊墟. 上小學時亦好快可以適應到.

另外我地都打算試下去考出面私立/直資小學, 佢地好多都傾向唔收細仔, 我個仔又係唔成熟果種小朋友, 一同大仔比實唔掂啦. 我朋友叫我今年做大仔會好d喎~ 不過今年in嘅學校全部都on waiting list. 最後都唔知可唔可以入到.

我越諗越煩, 開始覺得自己好白痴, 滿腦子奇怪念頭, 問C6又有咩頭緒, 因為佢一直都好buy英藝, 不過佢都認同囝囝係比較幼稚同唔專心. C6話不如轉番讀半日, 英藝全日要成$5xxx, 仲要年年加價, 如果讀半日可以慳番d錢比囝囝係出面學其他嘢等佢可以學下專心d, 將勤補拙下喎. 但係囝囝d朋友全部都係讀全日班嘅, 如果佢轉咗讀半日, 同班同學唔同哂, 又係學校見到舊同學仔, 噤同重讀嘅情況好似都好相同, 囝囝可能又會唔開心.

我應該點好呢? 其實細仔上小學係咪真係會差d呢? 可唔可以比d意見我呢?
多謝各位!

0 0 0

私人傳訊

coyeeyee

大宅

積分: 4884

2^#

發表於 12-4-20 09:44 |只看該作者

我仔仔細仔都係k2重讀一年, 小朋友好快適應, 好快有班新朋友, 完全冇問題, 就算k2既時候都有一班k3同學一直一齊玩, 只不過要同仔仔溝通和解釋就冇問題, 我到現在都冇選擇錯同佢重讀一年, 真係好左好多, 而仔仔好開心現在有班k3及小一同學仔

私人傳訊

daddykei

大宅

積分: 1125

3^#

發表於 12-4-20 09:52 |只看該作者

Coyeeyee 多謝你嘅回覆！請問你嘅小朋友係願校重讀K2定係轉咗去其他學校重讀？謝謝！

點評

coyeeyee 原校, 冇轉過, 讀得好開心發表於 12-4-20 10:38

私人傳訊

Amyw..

男爵府

積分: 7184

4^#

發表於 12-4-20 11:28 |只看該作者

其實在學業上，如果你仔仔跟得上就跟本無需理會啦！大細仔只是在幼兒時的差距最大，我指一月同十二月的比較，到佢地慢慢上到小學一年級已只是差不多了，到二年級已沒有分別了，到高年級更加無差距，反而如果大人一年的話，會給同學仔笑，因大部份人的生肖相同而得你另類的話，會怪怪地，如果你細人的月份而成績又好的話，反而小朋友有自豪感添！因佢地會知大家的月份生日的。男仔都好些，如果女仔大過人會比同學仔笑的！小朋友幼兒兒時，個個基本上是很難坐到二十分鐘的，最主要考慮是他的頭腦成績是否追得上，明嗎？

發覺只有離開幸福, 才能看清幸福, 但代價總不低, 但是,沒有錯過, 又何嘗會知道什麼是對的.