論盡家傭今日: 0|主題: 134081

收藏本版

發帖

返回列表

跳至頁

查看: 1160 | 回覆: 8

懷疑受agent欺騙個案分享，請小心！ [複製鏈接]

wendy_ho

子爵府

積分: 11765

好媽媽勳章

1^#

發表於 10-8-31 15:09 |只看該作者 |倒序瀏覽 |打印

本人是一個在職媽媽，沒有太多時間去agent公司找工人，於是，便在網上找了一間igooXlinX的公司搵overseas工人，心想，反正都是隔山買牛，沒有想過會被欺騙
事情發生在本年７月中，我從網上見到這間公司可以網上選傭，於是，便在網上選了一個菲傭，公司負責人上了老公公司簽文件，當中有一份他自訂的條款，內容如下：
１．　客戶支付活ｘ之服務費恕不設退款及不設轉讓（ｏｋ，如果我真的能請到我想請的工人，我無打算要退款）
２．　外傭中途退出申請或因外傭個人理由而未能到港履職，恕不設退款及不設轉讓，ｘ聯將協助辦理另一名外傭（從活ｘ海外申請者中揀選）由海外到香港之手續，而不另收費（ｏｋ，我心諗，個人工除非過唔到體檢，如果唔係，應該唔會話來做又唔來，就算真係，大不了選過另一個，無可能一個唔得，２個３個都唔得！）

好啦，錢就比完，差不多兩個星期之後，個AGENT打比我，話個工人體檢無問題，不過，佢老公唔比佢出國做！大佬呀，佢又唔係第一次出國，點會話唔比呀？算啦，唯有再揀，不過，其實已經再揀唔落手，等了又等，到了８月，我終於又揀了一個合心水既，點知，第二日已經比其他AGENT請咗！我好無奈，唯有再揀啦，好啦，揀第３個等了一個星期，佢又E-mail話聯絡唔到個工人，叫我再揀，唯有又再揀啦，點個，第４個我半夜send e-mail比佢，叫佢幫我mark，第二朝一早打比個AGENT同佢再講一次，點知，個男人居然同我講“我地唔係地舖，無優勢可以mark住個工人”類似既廢話，我真係火都黎！再等了幾日，都係無消息，我就要求退款，因為，而家係你比唔到工人我，唔係我唔肯揀！佢當然唔肯啦，仲話一定無得退，因為“合同”寫明！

後來，我諗下諗下，我第一個揀既工人可能根本就唔係自己唔想黎，而係一早已經比其他AGENT mark咗，不過，佢為咗唔想賠錢，就用合同上第二點話係個工人自己唔履行出國，佢就可以“食”咗我ｄAGENT FEE！

輾轉間又過了幾日，佢最後只肯賠一半AGENT FEE及保險費全數，佢袋了我$700！唔係錢既問題，係條氣既問題，時間浪費了，得不到我要的工人，好彩我ｂｂ未出世，如果唔係，我點返工？

我今日分享到呢度，希望如果有好似我不幸經歷既媽媽，都可以花多些時間，將AGENT既惡行POST出來，等以後既爸媽作為參考，唔好再上當及被AGENT浪費不必要的寶貴時間！