夫婦情感今日: 0|主題: 42799

收藏本版

發帖

返回列表

跳至頁

查看: 1109 | 回覆: 2

你地係我會點開解佢? [複製鏈接]

晴朗

大宅

積分: 2170

1^#

發表於 05-12-27 03:50 |只看該作者

你地係我會點開解佢?

作為佢的朋友又係表姐,唔識點解答佢,佢的問題可能有D複習,請大家比D意見,佢同一個有婦之夫一齊,生了個幾歲的仔仔,幾年裡個男人開始頂唔順佢,因為佢管制個男人的生活,反對佢同家人出街,我發覺個男人只係想為個仔而供養佢地,重同佢地一齊,成日都話個仔大左會自然識揾我....佢好傷心,因為佢堅持生了BB出黎,以為可以留得住男人個心,可惜比佢知,佢輪左...因為個男人工作上算係有成就位既人,受到牧師信任,校長重用,亦受很多同事學生敬仰,但,他背住身份信仰既問題,更唔可比人知出面有個仔,比人知道,成日話,退休會比晒D身家佢,比一錢錢佢,依家佢重要做,重要形象就要咁生活落去,一嘈起交就大佢,我唔做邊有錢比你地,你地等乞食,我都只係想你地生活好,佢對呢種生活厭倦了,經常要忍氣吞聲,經常要CHECK個男人既行踪,一知佢同家人一齊就好反感,明知個男人經常呃佢同屋企人一齊幾開心,個男人本身兩個女都上了大學,佢話只係想做埋呢幾年就退休,盡番一D責任喎,重話有D野係你地既代價,我唸係個男人內疚,話佢揾多幾年錢就退休同佢一齊,但,佢經常對個男人發顛,小小事好敏感,幾日又嘈一次交,個仔對住佢地好無奈,好驚喊,成日聽到個媽鬧個老豆,個男人只會話個女既令個仔情緒不穩,好可憐,每次過時過節都嘈,同我哭訴,佢好想離開好想退出,只係想個男人開心生活落去,因為佢知同佢一齊係唔會有好結果,眾人反對唔接受,個男既話左會避世,但,個仔好跟佢爸爸,好受佢教,好識同佢玩,你地係我會點安慰佢,教佢好快D退出呢種生活,比番個老公同爸爸人地,定話叫佢離開呢個人重新生活,到頭黎個小朋友最可憐

私人傳訊

米妮~~minnie

大宅

積分: 2208

2^#

發表於 05-12-27 09:53 |只看該作者

Re: 你地係我會點開解佢?

講真......離開呢個男人啦~~個男人係為左個細路先同你朋友一齊........其實你個朋友同呢個男人一齊係唔好~~有好多野都無諗清楚先做.........我諗你個朋友好鍾意呢個男人...但呢個男人始終有老婆仔女....個男人唔會放棄佢老婆仔女而同你個朋友一齊(如果個男人係同你朋友一齊話....一早就離婚啦~~仲搞到唔拖唔水個隻......)親細路仲細....好多野都唔知....早d離開
:wink: :wink:

私人傳訊

Japenese

男爵府

積分: 6946

3^#

發表於 05-12-27 09:58 |只看該作者

Re: 你地係我會點開解佢?

這些故事只有一個結論，
女人要選這條路，
就等如不能計較、不見天日地守在男人身邊，
誰也知道男人不是用小朋友來綁的，
她的天真累了自己，
錯了一步，
還要常令男人煩擾，
第二步也錯了，
你勸她，不能走回頭路就安安份份，
男人講的說話，甚麼避世，
也不會與一個情緒化的人一起，
到了今時今日，
都總有女人做了第二還希望自己有一天排第一，
十個都未必有一個達成心願，
趁仲有人肯養個仔，
便好好的做媽媽，
男人....唔駛諗