J&Hsbb 寫道:
我細姑姐成日周圍問人借錢, 仲要問到我, 仲迫佢個大仔打比我講晒大話話屋企唔夠錢交租等等, 我初初都信, 第1次借左5千, 第2次借左1萬, 嘩大佬我都無做野仲問我借, 我都用我自己d錢借比你, 之後仲有第3次, 個次仲要佢同佢大仔一齊黎左我屋企樓下, 打算約我出黎見面借, 好彩我去完游水返黎離遠見到佢2個, 攪到我同老公要兜路返屋企, 之後仲要話我出左街(佢地無講佢地黎左我屋企樓下), 佢先收線, 過2日打黎問我借, 借左2次我已經覺得夠晒皮, 我細姑姐仲衰到攪到佢個仔壓力好大, 哮喘發作入左急症室, 佢仲講大話問我大姑姐借錢, 佢地班女人攪左個標尾會, 我細姑姐無問過我大姑姐標晒佢萬5蚊(仲要係班朋友同我大姑姐講先知咋), 又講大話呃左個朋友十幾萬, 又叫個大仔問佢d同學借錢, 變態架, 前幾日佢又打黎問我借2千, 我話我無, 初頭我都以為佢地好可憐, 但原來唔係, 應該話我d表弟好可憐, 遲早比佢亞媽攪到佢跳樓都似, 因為前幾日我同我大姑姐食dinner, 我大姑丈問我細姑姐有無問我借錢, 先知道原來細姑姐一直以黎講緊大話, 佢背後原來拎晒d錢去賭, d債多到死, 遲早累死佢成家人, 佢仲要cheap到, 見我亞麻依傢年紀大(前幾日入埋醫院, 差d去左), 成日返外家喊到眼腫扮可憐, 仲係問個就黎90歲o既亞媽借錢比佢, 佢依傢日日5-8pm就留係醫院, 我成日覺得佢想我亞麻借晒d錢比佢(佢前年仲不經意地係我大姑姐面前講話嫌棄我亞麻, 嬲到我地死), 我check到佢已經呃左我亞麻6千幾蚊, 我大姑姐唔想我亞麻d錢比細姑姐呃晒, 所以依傢開始逐步地用方法tum我亞麻拎d錢出黎放係我大姑姐keep o既亞公戶口, 同埋我亞麻d戶口係由我同佢聯名, 所以我check到佢有幾錢剩囉,我依傢越諗越嬲呀真係....依傢去醫院探我亞麻, 我成日驚佢問我借錢, 所以我去醫院一係同我亞哥一齊去及走(佢唔敢問我亞哥借),一係同老公一齊, 所以好好多。你話呢d人唔拎去打靶就真係waste左粒子彈。
發表於 
冇得救 ?-( 
返回列表
