論盡家傭今日: 1|主題: 134085

收藏本版

發帖

返回列表

跳至頁

查看: 680 | 回覆: 1

分享下點樣train你地個姊姊湊初生bb? [複製鏈接]

January

大宅

積分: 1738

1^#

發表於 05-12-31 14:39 |只看該作者

分享下點樣train你地個姊姊湊初生bb?

我剛生左, 請左個bunbun湊初生bb, 佢話自己湊過初生bb, 但係吾似lor. 我而家train緊佢跟我果套去分湊bb, 有冇媽咪可以分享下你地點樣train你地個姊姊湊初生bb? 同埋你地個bunbun點湊bb?

我而家叫bunbun bb一哭吾好立刻去抱佢. 如果有少少野做緊攪掂先去睇阿b. 然後check下佢咩事. 肚餓就餵佢. 但係吾可以食飽少過一個鐘又餵. 尿左就換片. 兩個鐘要check一次片. 如果佢勁哭係想人同佢玩或者摟眼訓就抱佢一陣, 安定左之後就放返床. 吾準佢成日抱. 吾準佢用奶咀止住阿b哭.

沖涼我打算自己沖. 夜晚自己湊阿b.
我叫佢見阿b日頭冇訓覺就同阿b玩一陣.
我會安cam睇住阿b.
仲有冇野我要留意?

私人傳訊

carmenyip

大宅

積分: 1128

2^#

發表於 06-1-1 23:40 |只看該作者

Re: 分享下點樣train你地個姊姊湊初生bb?

我而家個菲傭用咗3年幾，佢有4個仔女。佢地湊bb個套同我地唔一樣，正如我地亞媽個年代湊我地同而家我地湊自己個b都唔同，千祈唔好比較。我覺得你叫佢跟你個套做法係啱，因為佢serve你，佢要跟你意思去做。
試過我奶奶見我個仔瘦咗(其實係因為bb初生後縮水，好正常)，即刻去藥材舖買開奶茶，叫我工人溝奶俾個仔飲，又叫我工人平時煲d粥水溝奶俾個仔飲。我放工返到屋企見到工人咁做嚇死我。當時我唔知我奶奶嘅做法啱唔啱，我只係覺得，個仔係我，你(即我奶奶)俾咩佢食，請你同我講聲，我知你唔會害我個仔，但係個工人係我嘅，你係咪應該尊重吓我呢？所以我同我工人講，以後麻麻叫你做乜，你唔駛聽，我係你僱主，你淨係聽我講。
我都有教我工人，唔好bb喊就即刻抱佢，會寵壞佢，但要留意bb d眼淚或沖涼時d水有無流入耳入面，輕則發炎，重則失聰。呢樣我媽咪remind我要提工人，因為我媽咪公司係配助聽器，佢見唔少d小朋友因為咁而聽覺有問題。
我都會放工返黎自己幫bb沖涼，有時夜返會叫老公沖，目的係佢成日對住bb，如果工人虐待bb，當我同佢沖涼時，就會肉帛相見，有乜損傷，我一眼睇晒，呃我唔到。唔通平時無la la除晒個仔d衫驗傷咩？
我叫佢多d留意d被有冇焗親bb，做野時多d出黎望下bb。
其實你已經train得好好。希望你工人幫到你。