吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 食完飯,好想呻下~(好長篇,唔好意思)

自由講場今日: 2373|主題: 1362254

收藏本版

發帖

返回列表

跳至頁

查看: 1792 | 回覆: 41

食完飯,好想呻下~(好長篇,唔好意思) [複製鏈接]

12 3

cindywong_36

別墅

積分: 591

1^#

發表於 12-5-9 00:00 |只看該作者 |倒序瀏覽 |打印

本帖最後由 cindywong_36 於 12-5-9 00:52 編輯

母親節提早慶祝,老公好有心,提議去食自助餐由佢請(有媽咪同細佬同我4歲仔仔)
講下同媽咪關係先,由細到大佢都係偏心細佬(細我一年),
中學時,細佬讀書讀同區每日有$50,而我$3X(要搭車$8一日)
細佬每日都可以同同學去食早餐,而我就食飽每日帶支水,中午果餐慳慳地食學校既公仔面(我係80後)
因發育時期,根本每日都食唔飽
我讀書比細佬叻,但細佬就有媽咪送既一共兩部電話
如我要出街就問細佬借,睇下細佬肯唔肯,唔買電話比我原因係怕我會唔見

大個我就出黎做野,媽咪要我比家用,我都比左人工三份一,節日我又會買野比佢,有香水,金鏈,金介子,現金
金既野係送左冇耐媽咪就賣左
而細佬可以一蚊都唔洗比,仲帶埋女朋友返黎住
如果細佬o係屋企食,媽咪先會煮飯,佢唔返我就自己食,相反我唔返,媽咪仍然會煮比細佬食

到廿幾歲時,識左老公,想結婚,同佢傾,佢話要廿萬,我知佢講得出廿萬就算同佢傾都只會比少一半要十萬
因為媽咪一直想我嫁有錢人,我老公唔係,佢係出身單親家庭既公屋仔(雙方父母離左婚)
我地根本冇可以有咁多錢去結婚,冇幾耐我地咁有左,大住肚結婚,媽咪當然好嬲,但我同老公都好想有自己既家,好想一齊

到小朋友出左世,擺滿月時,叫媽咪黎,佢話同細佬都唔會黎,咁算啦
講返今日,食食下野既時間,老公爸爸打黎,收左線之後,媽咪就問我老公
咁耐以黎你老豆有冇話搵下親家食下飯?其實係我一直都唔佢地見,因為我媽咪一定會攪到不歡而散
而且滿月果日佢冇黎,老公果邊親戚都知道d野,所以冇問過我屋企既野
不過有時大時大節老爺會比我地以我屋企為先,可以同佢地後補食飯
之後媽咪仲同我老公講叫你老豆拎十萬八萬黎,講真佢老豆都大年紀啦,有錢都想佢自己留住
而且而家我地結婚係我地既事,禮金我地比係應該

因為我地只係簽紙,冇擺酒,其實bb出左世之後都洗好多錢,老公由我有bb開始就叫我唔好返工
所以我地冇乜多餘錢,我係想生左bb之後返工,就再同媽咪傾要幾多
之後媽咪就開始話我奶奶上次見面好冇禮貌,點點點....
話你地成家人都冇"家教",老公冇出聲,我知佢好唔開心,但佢好有家教仍然笑笑口

咁我就問媽咪你想要幾多禮金?我可以而家比你,我唔係唔想比,只係小朋友仲係k1,我仲未可以返工
好想可以儲多d錢既時候比or分期(假如冇錢我地係冇人可以借可以幫),但好怕媽咪又話要十萬八萬
佢又話唔洗,要比都係佢老豆比,我話你唔好再咁對我老公啦

曾經諗,都咁耐啦,小朋友點都4歲幾,不如我而家對你好,多d帶仔仔返黎,每月比錢你,唔好當禮金啦,節日陪下你咁,點知佢對禮金呢樣野仍然好執著,又話就算第時細佬結婚一樣比咁多女家,同埋屋企所有野,屋呀,鋪呀全歸細佬,我係冇既,OK,我預左我係一蚊都唔會有
細佬到廿幾歲既時候想讀書,屋企全力金錢資助,我就好細個就出黎候野,讀書時又做M記

老公由細都大父母分開,媽咪另有男朋友,缺乏家庭溫暖,每日公仔面當3餐,佢對我媽咪好好,好想當佢係自己媽咪咁,每次特別日子都叫佢出街食,媽咪有時過黎我地屋企新界區老公第2日要返工好累都車媽咪返屋企港島再返新界,媽咪整親,老公會自己打比佢問情況

點解做咁多野都冇用,係咪比左十萬就冇事?人地嫁女拎左禮金會買野比個女,咁媽咪你又會唔會?
有時諗如果我一出世係個男仔你話幾好?
但係我好肯定咁講我冇嫁錯老公,老公好錫我地,對我身邊任何人都好好
由開始冇錢好努力咁搵錢,直到而家,全都靠自己,如果佢好彩d識到個女仔家庭唔係我咁,或者佢唔洗咁辛苦,人地屋企可能仲會當佢親生仔咁

呻完~

0 0 0

私人傳訊

bng888

男爵府

積分: 6637

畀面勳章

2^#

發表於 12-5-9 00:09 |只看該作者

唉！算啦！呢種阿媽真係.....................！！sorry都要講見錢開眼囉！？建議你地少d見面，咪大家面阻阻咪仲好.............。唉

私人傳訊

KARYKARYKARY

子爵府

積分: 11977

wyeth冷知識勳章

3^#

發表於 12-5-9 00:09 |只看該作者

回覆：cindywong_36 的帖子

咩你媽咁嘎！我最憎父母偏心！其實你都唔話得！比著我真系唔理佢！宜家買女咩！自己生活又唔系過唔去！

點評

bng888 yes！戥樓主可憐

發表於 12-5-9 00:14

私人傳訊

meinatmn

伯爵府

積分: 19371

4^#

發表於 12-5-9 00:18 |只看該作者

而家D人話生女會多個仔，你阿媽都唔識珍惜既......

衰D講句，你阿媽當你係草，如果你細佬娶個港女/B6老婆，到時你阿媽就喊都無謂喇。

你老公好好，珍惜.........

私人傳訊

小倩

王國長老

積分: 144533

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章玩具勳章畀面勳章叻叻勳章有「營」勳章趣教勳章好媽媽勳章醒目開學勳章 2011至尊種植勳章環保接龍勳章大廚勳章 wyeth冷知識勳章睛靈勳章王國長老遊學勳章 BK猜猜猜慶中秋冬日勳章春季勳章炎夏勳章秋日勳章 hashtag影視迷勳章

5^#

發表於 12-5-9 00:20 |只看該作者

有啲人今世, 係要返嚟還債嘅...
你咪當你前世欠佢太多
今世返嚟報恩, 嚟補償

希望到時你細佬結婚
佢俾咗十萬禮金女家
未來弟婦會好好孝順佢
如果唔係, 隨時分咗錢後伯友都係孤單一人

私人傳訊

淚城堡

子爵府

積分: 13126

6^#

發表於 12-5-9 00:29 |只看該作者

引用：+本帖最後由+cindywong_36+於+12-5-9+00:01

原帖由 cindywong_36 於 12-05-09 發表
本帖最後由 cindywong_36 於 12-5-9 00:01 編輯

母親節提早慶祝,老公好有心,提議去食自助餐由佢請(有媽 ...

又係一個偏心的媽媽!點解d人可以咁?都係十月懷胎生的!為何要因性別而偏愛?我呀媽仲衰!當年生女，賣比人tim呀!你同我一樣，冇母緣!我媽媽自小就打到我飛起，在我記憶裏只有出來做嘢，比佢$4千$5千果時對我最好!之後又係因$決烈!我都好恨我呀媽!眼內只有$$$

私人傳訊

Elefant老婆

珍珠宮

積分: 37317

好媽媽勳章醒目開學勳章畀面勳章

7^#

發表於 12-5-9 00:30 |只看該作者

回覆：食完飯,好想呻下~(好長篇,唔好意思)

樓主，如果我有一個女好似你咁孝順，我會好開心。

點評

cindywong_36 多謝你^^ 發表於 12-5-9 00:45

私人傳訊

牛精仔

琥珀宮

積分: 157928

玩具勳章好媽媽勳章醒目開學勳章畀面勳章叻叻勳章 2011精緻種植勳章環保接龍勳章 BK猜猜猜慶中秋 BK Milk勳章

8^#

發表於 12-5-9 00:33 |只看該作者

cindywong_36 發表於 12-5-9 00:00
母親節提早慶祝,老公好有心,提議去食自助餐由佢請(有媽咪同細佬同我4歲仔仔)
講下同媽咪關係先,由細到大佢 ...

mouth: 樓主....你阿媽....真係...好難頂。

港英餘孽生活態度~係咁牛精架喇~點吖

私人傳訊

ladykacha

男爵府

積分: 8797

9^#

發表於 12-5-9 00:37 |只看該作者

回覆：食完飯,好想呻下~(好長篇,唔好意思)

你老公真係好好~
比著我.....唔夾會我唔會見佢囉~
係生你出嚟又點丫~

我都係同我媽唔夾~
一年都唔會見一次~
其實應該係哩廿年見佢嘅次數係~
10隻手指數得出~
我同我亞爸就好好~
係成日會傾電話~
而我C6同佢屋企人又係好梳離~
節日假期對我地嚟講係relax~
我地完全唔洗同人交代~
無需要討好邊個~
你唔like我~
我唔會送上門比你hurt~
我唔care一啲唔在意我嘅人~
我C6喜歡我就得~

我相信你都得嘅~
因為你都有一個好C6~
add oil