你表姐無非都係想搵個人呻下啫!佢呻完發洩完就無野架喇!再者,你表姐夫都吾係衰吖...養吾到老婆啫,佢都吾想架...咁佢都好過我屋企嗰隻啦!禾嗰隻養吾到老婆不但只,仲要發窮惡(成日姨丈到),仲擺到明用哂老婆d錢至用自己d錢...我有時都激氣到差d想打鑊佢!算啦,兩公婆既野無計既!既然大家又吾係各自有錢,而係兩公婆一齊捱既,只要大家駛既錢都係for屋企,又吾係將d錢用黎玩既,邊個有錢咪一齊駛囉!至緊要大家相處得開心啫! 
talkative 寫道:
原來成年事係咁既>>>>>我表姐夫呢幾年都係開中港車搵食的,但因為佢以前欠落好多咭數,我表姐就覺得既然同佢結婚,都唔想佢"咩"咁多咭數,就幫佢向銀行借左舊錢清哂,而每個月表姐夫都會還錢的,但因為而家開中港車都搵唔到食,咁我表姐夫一來都已沒比家用我表姐,二來個loan都還唔到,加上冇錢時又再次用咭拿錢做生活費了,所以又再次欠咭數,咁當佢收到家人還款時咪諗住將d錢去還咭數先囉,但我表姐話其實呢d野佢一早已知,同埋佢地兩公婆都已傾過,亦都已傾過大家以後要點,但唔知點解一諗到佢係咁,就好唔開心,好心痛,好想同佢離婚喎,於是我又問佢,表姐夫有冇發脾氣丫當大家傾到呢d問題時,表姐又話佢冇喎,佢話唔好以為表姐夫係開車搵食就一定係粗人喎,佢話佢表姐夫都成日話佢都唔想搵唔到錢的,奈何時不與我佢真係冇本事養老婆,佢都好唔開心喎.
既然我表姐都好似幫佢搵藉口咁,點解佢噚晚咁夜都走黎喊哂口話離婚呢 ?-(
咁你咪同佢傾下偈囉!由得佢講哂d野出黎,你只係用平常心同佢傾,如果佢講左咁耐都話要離婚,你咪提醒下佢,佢家下為咗個咁既理由而離婚,第時後悔既一定係佢自己!因為為左隻佬駛左佢d錢而放棄自己個家庭同婚姻,係好無謂亦好白痴(sorry!真係諗吾到其他較好既用詞...),因為真係吾係d咩大件事,直頭呢件係一個吾係問題既問題黎,至緊要大家應付到生活上既基本開支同大家相處得無問題啫..你表姐夫又吾係識左第二個又吾係攞左d錢去玩吾用黎養家,我覺得佢既錯不致於有咁既下場卦... ?-( ?-( ?-(talkative 寫道:
咁我係咪應該由得我表姐自己,等佢啖氣落左之後返屋企就算呢
發表於 
咁如果因為呢個原因而要離婚我又覺得玩大左囉!佢隻佬都係本住'你既咪即係我既'既精神去用左老婆d錢,查實又吾算咩大罪,咪話鬼個c6做咩食錢囉!大家一五一十講清楚,講好d錢點樣用同點擺,隻c6知錯咪算鬼數囉! 
條氣唔順就梗有, 一定要問清楚佢攞左d錢去邊, 若係借曬比朋友的話要佢追番黎, 不過都要同佢約法三章, 再有下次在佢家人面前數臭佢呀 
不過既然中港車搵唔到食佢可以試下楂的士, 搵到幾多得幾多, 咁攞咭d錢使都唔係辦法 
返回列表
