轉貼：
有冇街坊叫過呢間野既外賣....
前幾日收到呢間野既外賣紙... 今日就叫黎試下啦，叫左個楊州炒飯，豉椒肉片河同咖喱腸仔魷魚....等左半個鐘，有個呀叔送上黎，得兩盒，話冇咖喱魷魚，咁是但啦，照俾錢，佢一走我即刻開餐啦，一打開，兩盒唔知咩黎既，以為送錯，即刻開門，聽到佢(車立)口講緊電話，即刻叫住佢，唔應，咁我即刻追出去，追到出去冇人，但係架(車立)都未到，個制仲著住燈，再行前Ｄ見到防煙門打開左，再追，聽到佢跑緊樓梯既聲，一路叫，一路走，由於我冇著褲既關係，咁我冇追落去，返入屋即打電話俾佢，個女人聽，我話你送錯野，兩盒唔知咩黎，佢話我問下先，cut我線，過一陣我再打，佢話冇送錯，我話我叫果兩樣唔係呢Ｄ，佢話係，冇錯，你係叫楊州炒飯同豉椒肉片河，河粉賣晒，所以俾左個咖喱海鮮炒飯你，我話咁楊州炒飯呢，佢話有盒咪係囉，我話果兩盒根本唔知咩黎，你叫佢上黎拎返走，佢話我打俾佢問佢走左未先，，過多一陣我再打去問佢，佢話師父走左，一陣送開外賣既先再俾返錢你，我話ok....俾一個鐘時間你，過左半個鐘佢又打俾我話我驚你肚餓，不如你食住先，我一陣送返盒河粉俾你，唔收你錢啦，我話唔駛喇，我係唔會食你果兩盒垃圾既，你俾返錢我拎返兩盒野走得架喇.....收線...之後隔左好耐都冇人上黎，我再打電話俾佢，唔聽...另一個電話，都唔聽....仲飛條線去手提，熄機.....隔左一陣可能因為仲要做生意所以開返機，不過一樣唔聽我電話...我心諗，你呃我55蚊我冇所謂，因為你唔會呃到我第二次，我唔知今日有冇其他街坊同我一樣奶左野，但係我一定唔會俾佢再呃人，於是我決定不停打佢電話，今日，聽日，仲有後日都係，因為我實在太得閒喇，同埋我係唔會咁易放過呢Ｄ人既...同埋要將佢既惡行公諸於世，免得再有人俾佢呃，同埋順手postＤ相俾大家欣賞下....
圖片描述：呢個就係傳說中既楊州炒飯
圖片描述：呢個就係咖喱海鮮炒飯
再補充：因有好多人提出點解無著褲既疑惑，我 copy 埋當事人既答法
(咁人地係屋企沖完涼咪就咁著返件長Tee就算架啦，無諗過要跑樓梯架嘛....
我何止冇著褲呀...我仲冇帶ＸＸ呀....)
, 慘過自己煮 
maymay88 發表於 12-5-11 10:45
前幾日收到呢間野既外賣紙... 今日就叫黎試下啦，叫左個楊州炒飯，豉椒肉片河同咖喱腸仔魷魚....等左半個鐘，有個呀叔送上黎，得兩盒，話冇咖喱魷魚，咁是但啦，照俾錢，佢一走我即刻開餐啦，一打開，兩盒唔知咩黎既，以為送錯，即刻開門，聽到佢(車立)口講緊電話，即刻叫住佢，唔應，咁我即刻追出去，追到出去冇人，但係架(車立)都未到，個制仲著住燈，再行前Ｄ見到防煙門打開左，再追，聽到佢跑緊樓梯既聲，一路叫，一路走，由於我冇著褲既關係，咁我冇追落去， ...
發表於 
mouth:
可能佢都食過係咁, 所以佢好可能都係受害者.
返回列表
