我係一個超迷信嘅人。喺新年後大約2月尾我經媽媽朋友介紹識咗個風水師傅。因聽阿媽講朋友話他好準，所以就約他上嚟睇樓。第一次上嚟，他話我屋企無正副財位，又話阿囡間房有嘢，又話間屋唔利阿囡，又話有嘢跟咗我好耐等等。最後當然我同c6都信到他十足，聽他話賣咗間屋。之後我哋仲跟他學氣公工夫風水等，他係上我屋企教，慢慢就發現唔對路。他食飯從不俾錢，開頭都會話求其食咩都得，後嚟又借啲依話食嗰日本嘢泰國嘢之類，有時約我老公去啲廟呀道館拜神就話約早啲去食個飯先，當然從不付出啦，又要我老公車出車入。到跟他學風水，就發現問題多，成日講嘢前言不對後語，最初睇樓又話呢間屋點好，咁我哋咪租咗，每次上嚟，總有啲嘢，例如廳燈帶blue color 話唔好，又要我搵師傅上嚟整，但他最初見到啲燈仲話好靚話好，仲有好多好多。最近我決定除哂他叫我哋帶嘅嘢，但係擺嗰啲風水嘢就無拎走到，依㗎就係想搵可靠同可信嘅師傅幫幫手，最好道行高，因我怕他會害我哋。唔知有無jm有道行高又可信可靠嘅師傅介紹？
發表於 
返回列表
