IRON 寫道:
上月底去左姪仔個婚宴, 作為姑姐既我真係有d心up, 仲up到家陣......哥嫂係傳統既人, 年輕時努力搵錢, 個仔就俾阿嫲湊, 教仔亦唔似而家既親子關係, 自然唔多有親暱行為, 個仔大學畢業後做左幾年野就結婚. 當晚見到姪仔對佢老婆及家人呵護備至, 我都未見過佢同哥嫂試過咁, 最羅命開席前佢老婆致詞話.....多謝阿爸(佢自己阿爸)養到佢咁大咁照顧佢, 而家結婚啦仲住得好近, 多謝阿爸照顧埋我先生(我姪仔)......我地聽到打個突, 家陣好似姪仔"嫁"入人地屋企咁, 哎, 大佬, 係咁諗都唔好大庭廣眾講出黎哇, 我唔係佢阿媽都心痛, 養到個仔咁大咁就俾人卓左去, 第時婆媳點相處?? 我就自問eq差, 如果我仔個老婆係咁我就c囉, 嘿嘿嘿.
455 寫道:
但我又咁睇喎, 自己都係做女, 結婚都係大事, 喺當晚多謝父母養育之恩好平常啫, 點解你會覺得心up?
掉轉頭你個姪仔都可以趁當時多謝佢父母架, 唔可以話你個姪仔無咁的習慣而怪罪於個姪婦!
你企喺你呀哥嗰面唸, 會覺得心up, 但你有無企喺個姪婦的父母度唸呢? 如果個女只係多謝d兄弟姐妹朋友幫手, 而完全無提過屋企人, 咁你又會點唸呢? 如果係你個女咁樣講野, 你又會唔會怪佢多謝你呢? 我唸你笑都笑唔切啦!
怪只怪你姪仔唔識做咩都無講, 點可以怪你姪婦呢? 況且你姪婦都係孝順, 我覺得重要讚添! 至於佢多謝父母照顧埋你姪仔, 咁又有咩唔妥? 佢地都係當你個姪係親人先對佢好, 唔通你想你姪仔外父外母當你個姪仔透明? 唔當佢係屋企人?
我直話直說, 如有得罪請勿見怪!
IRON 寫道:
hi all,
多謝晒各位既回應, 原來同一件事會有咁唔同既睇法, 自然我係知道箇中來龍去脈既人; 個女仔職業係教師, 用詞方面應有某程度既修飾, 我唔係坐主家席所以唔知當時哥嫂有乜反應, 只係事後阿媽話我知阿嫂話真係想上台鬧佢, 我知道婆媳戰已暗地裡開幕! 或者咁睇啦, 女人自然想老公錫晒自己及家人, 老實d講係可以食住個老公, 但宣之於口唔係高手, 要表面係小女人實則大權在握, 老公會覺有體面又死心塌地先係皇上皇. ^_*
發表於 
樓主知道男家既來龍去脈聽落去係會覺得 "銀" 耳d, 但局外人唔清楚既會覺得你姪仔都搵到個好老婆同鍚佢既外父外母, 我都應為個女仔無唔啱, 係你姪仔唔識做應該係咁2都要多謝下自己父母生佢同養佢, 雖然湊大佢既係嫲嫲但都唔可以沒剎左父母既供養 
返回列表
