吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 應該收奶嗎?

母乳餵哺今日: 0|主題: 85706

收藏本版

回覆發帖

返回列表

跳至頁

查看: 2534 | 回覆: 31

應該收奶嗎? [複製鏈接]

armic

別墅

積分: 606

1^#

發表於 09-10-18 21:06 |只看該作者 |倒序瀏覽 |打印

呀b2個星期大
0係醫院既時候, 埋身通常都要埋2個鐘
慢慢食, 食完又要喊, 要醫院補奶
返到屋企, 初初日頭段時間都肯埋身食
雖然食足一個鐘頭
但都唔使補奶
唔知點解夜晚既時候就要補奶
半夜時果餐因為懶同唔想嘈住老公
所以比佢食奶粉(用奶咀)

4日前, 佢開始唔肯埋我身
一埋身就係咁喊, 係咁推開我
攬到我好唔開心, 係咁喊

佢唔肯埋身, 屋企人怕佢肚餓又開奶比佢飲
飲飲下, 佢更加唔埋我身

因為餵唔到佢, 我日日係咁喊
個個都話可以用電泵
但係我就用唔到
泵極都泵唔到
反而用手擠都仲多過佢

但係用手, 都係有限數
每次用個幾鐘都係得2安度 ...
都只不過係夠佢食半餐
今日仲擠到流血出黎
辛辛苦苦2.5安咁就倒哂佢 ......

我個心好灰
因為盡哂能力都好似冇成效
一心諗住佢唔埋身我都可以擠出黎比佢食
諗住擠擠下就會順, 就會多 ....
點知我係做唔到

我好矛盾

0 0 0

私人傳訊回覆引用

honeycali

大宅

積分: 2368

2^#

發表於 09-10-18 22:47 |只看該作者

唯一方法就係唔好再比佢食奶樽.. 奶樽易啜咁多,佢啜慣左就一定唔會肯啜你...
餓佢幾餐佢就肯埋身架喇... 唔肯埋身咪由佢喊一陣囉... 我個仔剛出世都係唔肯啜我... e+6個半月,一直都埋身,唔肯食奶樽添

私人傳訊回覆引用

netbc2001

禁止訪問

積分: 1478

3^#

發表於 09-10-18 23:01 |只看該作者

提示: 作者被禁止或刪除內容自動屏蔽

私人傳訊回覆引用

大蛇小蛇

複式洋房

積分: 117

4^#

發表於 09-10-18 23:18 |只看該作者

唔緊要架, 再試多d埋身, bb 就學會埋身食, 你可以由得佢喊多一陣至埋身, 佢就肯埋身食, 我都係咁樣架, 現在我個仔學會了又埋身, 又可以用奶樽食

不過我試過一路餵奶一路喊, 我諗d 就係人奶媽必經嘅階段

總之你要堅持, 就一定得架 (不過一定要忍心要 bb 喊一陣至得)

私人傳訊回覆引用

nicksonma

侯爵府

積分: 23453

2025勳章蛇年勳章美好大世界2017勳章認識瑞士牛牛第三回認識瑞士牛牛第二回認識瑞士牛牛第一回育兒性格勳章我的育兒心得勳章分享愛夏天玩到顛 hashtag旅遊勳章 DHA勳章 hashtag影視迷勳章大廚勳章叻叻勳章 wyeth冷知識勳章畀面勳章親子達人勳章 BK Milk勳章

5^#

發表於 09-10-19 09:46 |只看該作者

你用邊隻電泵呀? Pxx同Nxx o個D 百零二百蚊ge好唔掂架 ! 用手泵好過呀.Avent 我用左成年,so far 都ok.
頭一個月係辛苦d, 捱到第一個月就無問題啦. 盡量埋身餵會上奶好d. 有咩問題可以去健康院問番姑娘架.

私人傳訊回覆引用

Jojolaw99

大宅

積分: 2982

6^#

發表於 09-10-19 10:21 |只看該作者

佢唔肯埋身就要佢多D埋身. 人地2星期人仔飲奶係要學嫁 ! 俾D心機耐性啦 ! 做奶媽係咁嫁喇 ! 其他唔識人奶既人(包括C6, 99)既意見可以不理.

[url=http://lilypie.com][img]http://lilypie.com/pic/080130/QHJc.jpg[/img

私人傳訊回覆引用

Jojolaw99

大宅

積分: 2982

7^#

發表於 09-10-19 10:21 |只看該作者

佢唔肯埋身就要佢多D埋身. 人地2星期人仔飲奶係要學嫁 ! 俾D心機耐性啦 ! 做奶媽係咁嫁喇 ! 其他唔識人奶既人(包括C6, 99)既意見可以不理.

[url=http://lilypie.com][img]http://lilypie.com/pic/080130/QHJc.jpg[/img

私人傳訊回覆引用

kristinecheng

大宅

積分: 1805

8^#

發表於 09-10-19 15:17 |只看該作者

啱啱生完，情緒係會有好大既波幅，湊b 都已經難，仲要餵人奶，只要去到某一個軟弱啲既moment，都想放棄。

但係，如果你知道，你宜家經歷緊既問題，係呢到每一個成功餵到奶既奶媽都經歷過既呢？又如果你知道，你只要挨過最辛苦既頭個半月，就見曙光，你又想唔想放棄呢？

首先，餵人奶既大忌，係冇信心﹑心情低落同緊張。你要放低包袱，抱住餵得一日得一日，餵得一餐得一餐既心態。多飲水多食飯多俾bb啜多休息，feed on demand唔好泵，就會多奶。bb唔識啜or啜損乳頭，返健康院book人奶姑娘教你正確既位置，一次學唔識，就book到學到識為止。

要知道有啲rule叫best practice（如唔補奶粉﹑黃金一小時俾bb啜），做唔到，唔代表注定失敗。我當初都有補奶粉，唔知feed on demand同埋身食既重要性，不過被健康院既姑娘「迫」，step by step，由一半奶粉一半人奶，到6餐人奶2餐奶粉，到全人奶要求我一半泵一半埋身，到6餐埋身2餐泵，到全埋身。唔知咩叫猛長期，bb一喊，自己獻身做人肉奶咀令佢收聲，過咗個半月，奶量穩定了，過咗猛長期都唔知。當初好辛苦，咩都唔識，都係見步行步，日日喊，以為前路好灰，把心一橫疊埋心水諗住灰就灰啦一直餵，又挨過咗﹗

要相信自己一定餵到，要知道冇解決唔到既問題，餵人奶，最緊要保持信心同開心既心情呀﹗

私人傳訊回覆引用

armic

別墅

積分: 606

9^#

發表於 09-10-22 15:06 |只看該作者

多謝你地呀...

不過我已經好無奈咁作出左一個我都唔想既決定 ....
而家我都好唔捨得

覺得冇盡過母親既責任 .......

呢個機會, 可能我一生人只有一次 ...

雖然表面冇野, 但係我仲係好down

而家睇住呀b食奶粉我就唔鍾意 ...
睇冠佢食到成肚風我覺得好心痛

自己真係好冇用同唔夠堅持!!

私人傳訊回覆引用

stliu

大宅

積分: 2647

10^#

發表於 09-10-22 15:50 |只看該作者

armic,

睇倒你咁樣, 我都唔知講乜好. 首先, 要留意自己心情, 始終你剛生完BB, 情緒係會波動D架. 有咩唔開心就同屋企人講, 唔好自己屈住屈住.

有邊個mami唔想俾最好的BB呢, 但係餵人奶真係一條唔易行的路, 特別係當你遇到餵奶的困難, 屋企人又唔支持時, 真係更難. 你當初肯試已經係好好了. 就算我今胎係第二胎, 初時都一樣唔知係咪可以餵倒. 始終每個BB都唔同, 未必個個都餵倒, 唔好太自責.

雖然奶粉比唔上人奶, 但都提供倒BB所需的, 你唔好太傷心... 倒不如用多出來的時間休息, 同埋陪BB玩. 餵人奶, 只係你對BB的其中一樣"重要貢獻". 你係BBmami, 就算唔餵人奶, 你都係佢生命中最主要的人,知道嘛!

另外, 我都想話, 睇你之前留言, 你都係幾日前先決定唔餵, 有冇諗過再餵返?當然, 想再餵就要排除萬難, 如果你話BB抗拒埋身食, 你可以試下等佢半夢半醒時再餵佢, 通常佢地都會食, 或者再返健康院俾姑娘睇下姿勢... 佢食唔清你先泵啦. 呢度都有講好多餵奶資訊. 如果你有用就去睇睇.
http://www.breastfeeding.org.hk/faq

擠/ 泵奶都唔好太耐, 個幾鐘有2安其實算好好了, 因為你BB初生嘛. 同埋, 你擠倒2安, 唔等如BB就只係食咁少... 如果佢食得ok, 係埋身食多過泵架.

總之都係果句, 點都好, BB需要你, 唔係淨係你D奶... 照顧好自己先有心有力照顧BB. 加油!

原帖由 armic 於 09-10-22 15:06 發表
多謝你地呀...

不過我已經好無奈咁作出左一個我都唔想既決定 ....
而家我都好唔捨得

覺得冇盡過母親既責任 .......

呢個機會, 可能我一生人只有一次 ...

雖然表面冇野, 但係我仲係好down

而家睇住呀b食奶粉我就 ...

私人傳訊回覆引用

kristinecheng

大宅

積分: 1805

11^#

發表於 09-10-22 16:28 |只看該作者

armic：

睇見你的留言，我個心都up up地，畢竟，你現在所走的辛苦路，我都走過，當初我唔識上BK搵幫手，由坐月到返工，遇到好多操手不及既問題，個人灰到好絕望，雖然本身有信仰，自問亦已經是一個幾樂觀的人，不過當時屋企人都好驚我抑鬱，老公亦認定係因為餵人奶令我情緒出現問題唔係好想我繼續餵......其實我都唔記得嗰段日子點過，挨挨吓，又過咗。直至我返工前一個星期，患了一次勁嚴重既乳線炎（姑娘話再拖多一日半日就要入醫院抽膿既程度），心情真係去到谷底，返工後無意中上了BK，看到呢到啲媽咪真係好positive，我因為見到某個媽咪一句「餵得一餐得一餐﹑餵得一日得一日」而得到力量支持落去。自此，我便開始留言，希望自己都可以無意中幫到啲係困境既媽咪。

所以，雖然唔係好想見到你放棄，不過都好明白你做呢個決定係一件好痛苦既事。不如咁，宜家先唔好諗餵人奶既事先，你要令自己開心番啲，有時有人幫手睇住bb既話，落家行吓，放鬆吓自己。你始終係bb既媽咪，除了人奶，你仲有好多方法去俾最好既俾bb（e.g.相處既時間），媽咪唔開心，bb係會知道的﹗你要好好保重身體，為照顧bb將來既起居飲食養足精神呀﹗

至於話想唔想餵番人奶，我覺得可能性係有的，只係如果餵人奶既壓力真的大得你承擔唔起，呢個問題我覺得已經係次要。你要記得，人奶雖然好，不過對bb黎講，開心健康既媽咪對佢更重要﹗

私人傳訊回覆引用

stliu

大宅

積分: 2647

12^#

發表於 09-10-22 17:07 |只看該作者

我記得我第一胎時, 又係唔明點解餵人奶會咁困難. BB食完又唔瞓, 食極都唔飽.果種天昏地暗真係好辛苦...

當時, 我都係上呢度, 見倒大家都好supportive, 係咁樣支撐我行落去架. 果時真係唔瞓覺都要上呢度, 睇下, 攞多D心得. 結果都可以半年全人奶, 本來想餵長D, 不過公司要我去外地training三個禮拜, 先冇再餵.

今胎, 雖然已經係第二次做人奶mami, 但係仍然好需要大家的正能量, 所以都係每日要上來逛逛先心安, 亦都係忍唔住要搭下咀, 雖然自己D建議未必最全面, 但係, 起碼俾大家知道, 行呢條人奶路唔係孤單...

同埋, 捱過左開頭, 就會好好多! 真架真架!

私人傳訊回覆引用

vevenuc

侯爵府

積分: 20453

MommyPanel勳章

13^#

發表於 09-10-27 17:33 |只看該作者

睇完你地既分享, 好感動! 因為我都行緊人奶媽生涯, bb 30/9出世, 當中都有好多辛酸...

私人傳訊回覆引用

bosch

瑪瑙宮

積分: 128545

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

14^#

發表於 09-10-28 05:38 |只看該作者

原帖由 armic 於 09-10-22 15:06 發表
多謝你地呀...

不過我已經好無奈咁作出左一個我都唔想既決定 ....
而家我都好唔捨得

覺得冇盡過母親既責任 .......

呢個機會, 可能我一生人只有一次 ...

雖然表面冇野, 但係我仲係好down

而家睇住呀b食奶粉我就 ...

我覺得又唔駛睇到咁灰. 餵唔到唔代表乜野, 做阿媽唔係餵到人奶就要盡過責任.

不過, 你仲想餵既話, 咪去餵, 冇必要去做一d 自己唔願意既事. 你唔駛迫自己, 順其自然啦, 有時心諗住要bb 健康d 就會有番d 願動力. 我初初冇打算過餵幾耐, 係個仔一出世時病左, 我至堅持去餵佢, 佢好番之後我又冇乜堅持, 但不知不覺都餵左年幾. 初生 bb 個咀唔夠力, 吸奶樽點都易 d, 你仲想餵既話, 要俾時間俾大家.

你呢兩日冇餵既話, 要乘機休息多d, 之後餵唔餵都好, 對自己都好.

私人傳訊回覆引用

mrschoy

大宅

積分: 4166

15^#

發表於 09-10-28 11:23 |只看該作者

無論餵不餵人奶
媽媽對bb來說
始終是最重要的一個人

在肚裡孕育了九個月, 還有分娩的痛
難道可以抹煞妳的努力嗎？

誰都不可以, 知道嗎？

爭取和bb多些相處

奶粉不是毒藥
我自己也是奶粉b啦, 對嗎？

笑下先

當個靚媽咪！

私人傳訊回覆引用

armic

別墅

積分: 606

16^#

發表於 09-10-28 14:56 |只看該作者

真係好多謝你地~~

雖然我未係完全放得低, 但係都好左好多好多!
可能我應該一早上黎睇睇 ^^

我唔明大家相處左10個月, 成日都話bb會記住mami既氣味,心跳同聲音
但係我完全唔覺, 佢好似一d都唔鍾我咁 ....
佢想喊既時候同佢講野, 佢唔理
佢喊緊既時候我抱佢, 佢唔收聲;反而99抱就好快收聲 ...

私人傳訊回覆引用

stliu

大宅

積分: 2647

17^#

發表於 09-10-28 15:22 |只看該作者

armic,

抱BB都講手勢, 你練習多D就得, 最緊要係, 你係佢mami, 佢點會唔鍾意你呢! 反而係, 如果佢一喊, 你就唔敢再抱, 少左練習機會, 咪惡性循環囉.

俾D心機! 用多D時間陪BB囉...

嘿嘿, 有時D老人家會爭住照顧/抱BB, 或者唔覺意令你覺得唔及佢地都唔定架... 我係話有時咋...

果時, 我大仔剛出世, 我又係餵人奶, 餵完,掃完風之後, 擺佢落床仔, 行開一陣, 望下床仔, E, 唔見左BB? 跟住出廳, 我99居然抱住BB, 同我講話要咁樣同佢掃風(做埋掃風動作)... 呀99, 我掃左咯喎; 總之佢響度果日, 就變左百彈齋主!
果時, 我差D俾佢搞到產後抑鬱呀!!!

總之, 生完BB, 要自己小心身體同埋心靈, 除左BB, 唔好太理其他人了!哈哈!

原帖由 armic 於 09-10-28 14:56 發表
真係好多謝你地~~

雖然我未係完全放得低, 但係都好左好多好多!
可能我應該一早上黎睇睇 ^^

我唔明大家相處左10個月, 成日都話bb會記住mami既氣味,心跳同聲音
但係我完全唔覺, 佢好似一d都唔鍾我咁 ....
佢想喊既時 ...

[ 本帖最後由 stliu 於 09-10-28 15:24 編輯 ]

私人傳訊回覆引用

kit1014

大宅

積分: 4786

畀面勳章

18^#

發表於 09-10-28 15:40 |只看該作者

初為人母, 唔懂好多育嬰知識, 有時真係雞半鴨腳. 作為mama, 作為bb, 都要時間去適應, 去配合. 你覺得bb唔鐘意你, 只係你暫時未好明白佢gei需要啫. 只要你用心同bb相處, 慢慢摸索佢gei性情, 多睇d育嬰資料, 你就會了解bb多d la~

私人傳訊回覆引用

紅紅綠燈

大宅

積分: 3630

19^#

發表於 09-10-28 15:47 |只看該作者

因為bb出世頭幾個月視覺仲係好差, 所有嗅覺係非常靈敏, 佢憑嗅覺會分辦到你o既氣味, 你抱佢就喊係因為佢聞到你身上o既奶味又冇得食, 所以會喊, 我睇過幾本bb書都係咁講, 我個b都係如果有少少餓我抱佢就喊, 其他人抱就唔喊架!

原帖由 armic 於 09-10-28 14:56 發表
真係好多謝你地~~

雖然我未係完全放得低, 但係都好左好多好多!
可能我應該一早上黎睇睇 ^^

我唔明大家相處左10個月, 成日都話bb會記住mami既氣味,心跳同聲音
但係我完全唔覺, 佢好似一d都唔鍾我咁 ....
佢想喊既時 ...

[ 本帖最後由紅紅綠燈於 09-10-28 15:50 編輯 ]