winghw 寫道:
我個醫生從來都冇問過我麻醉的事情。不過我之前都知道我既醫生多數prefer全身麻醉。到我那天入醫院辦手續時，我俾封醫生寫的入院信俾姑娘，個姑娘話我知，原來封信入面早就寫佐係做全身麻醉。雖然我聽過好多人講半身麻醉的好處，不過如果你好像我一樣係超級緊張的人，我覺得都係用全身麻醉好，因為半身麻醉個人係會感覺度醫生做緊D乜，我估太緊張都會影響手術的進行。其實麻醉的時間唔係好長，暫時我都冇感到自己記性差佐哦。
以法國醫院來講，雖然話需要提早4小時入院，其實姑娘要幫你準備的野唔多。入院時，姑娘會先俾你簽一D文件，跟住叫你先生幫你落樓下俾錢（按金），姑娘會叫你入去做一D檢查，都係平時產前檢查時的項目，另外因為開刀的位置其實好低，所以姑娘會幫你剃小小陰毛。之後就可以換自己睡衣休息。手術前約1小時，會有姑娘來幫你插尿喉，我曾經問姑娘可否入佐手術室麻醉後先插，不過姑娘話咁樣會令麻醉的時間延長，我就費事再要求喇。不過講真，插佐尿喉後令我覺得好唔舒服。我手術前後都有全身“打震”的現象，都唔知係我太緊張，定係麻醉藥的影響。不過我見其他開刀的媽媽又冇咁樣。
winghw 寫道:
按金7000，可以用visa。
其實就唔係好痛，可能係我既醫生手勢好，又或者係佢俾足止痛藥我（我知道有D醫生鍾意唔俾止痛藥，等你要求先俾）。
不過開刀真係較順產耐復原。我BB就來滿月喇，我裡面的傷口都仲有D痛。我係醫院的時候，就覺得有個位特別痛，我以為係外面的傷口，點知我第十一日返醫生度檢查傷口，個傷口已經埋晒口。原來一直都係裡面的傷口痛。我後來聽人講，裡面的傷口可能會痛3個月。當然唔係話好痛，不過會令你覺得好像好耐都未好返咁。
我的整體感覺係，開刀最初那兩天最辛苦，唔一定係因為痛，就係好似好病人的感覺。之後就會舒服好多。
發表於 
返回列表
