我起聯合醫院睇子宮肌瘤，最初照超聲波9CM左右，醫生建議開刀割，我感覺無乜不適，所以拒絕咗，後來再照已經大到11.5cm，直到近排開始尿頻、腰痛、易累等徵狀出現，試過打電話問仁安醫院可否做微創，佢話咁大可能做唔到，於是同老公去咗養和醫院睇阮邦武醫生，照完超聲波之後，阮醫生都話好大，成五個月BB咁大個，但係都做到微創，果日放下咗心頭大石，於是立即排最快嘅期入院，19日當晚終於做完，足足做咗三個幾鐘頭，因為個肌瘤好大。住咗四日四夜醫院，本來第三日可以出院過冬至，但老公唔想我咁頻頻撲撲，整親個傷口，於是硬要住多一晚隱陣D，做完手術傷口基本上唔痛，但我為隱陣起見，食咗五日止痛藥就無再食。同老公睇返個肌瘤，幾乎嚇呆，事後睇返報告寫，最大個肌瘤有15.5cm，另有兩個細，阮醫生話，能見到的，全部都割清。我已經好得九成左右，不過仲有D累。病假起屋企抖吓。奉勸各位姊妹，病向淺中醫，肌瘤向大的方向發展的話，早D做好D。
其實一開始發現個瘤時已經9cm左右,好徬徨，老公不斷上網幫我search有關資料,呢個平台都係佢無意間揾到,我親身經歷咗,再起度同大家分享。希望幫到大家。我曾經打過去仁安問，佢哋話十幾cm可能做唔到微創喎,咁我老公網上揾到東週刋一篇報導阮醫生成功將一個17cm肌瘤割除，於是拿拿臨去揾阮醫生是否幫到忙。好彩攪掂咗,下星期二返工。如果開大刀，真係唔知幾時先返到工。再次溫馨提示各姊妹，如果個瘤不斵大的話,早D割,因為佢最後大到某一程度的話,一定會影響到日常生活，我最初都無問題喎,但到最後尿頻，一晚去好多次廁所,使到日間無乜精神,大便亦開始有影響,腰又痛,人又累。當然，個瘤唔變大，又或者縮細，無影響到日常生活,梗係唔好做手術啦,貪得意咩。
發表於 
我同老公都多謝阮醫生幫我割咗個巨瘤，唔駛開刀。阮醫生絕對專業啦，無庸置疑。個傷口都唔痛，手勢肯定好啦。
若然,你老公係要出去攪三攪四的話,任何時候都可以啦,手術風險更加預測唔到，正如一出街都無人知返唔返到屋企啦,生死有命,唔好諗咁多喇。
返回列表
