婆媳關係今日: 0|主題: 27782

收藏本版

發帖

返回列表

跳至頁

查看: 8693 | 回覆: 100

我的汕尾99之結婚篇(6)

[複製鏈接]

12 3 4 5...6

joechan1999

男爵府

積分: 7839

1^#

發表於 12-4-17 14:25 |只看該作者 |倒序瀏覽 |打印

本帖最後由 joechan1999 於 12-4-23 12:20 編輯

終於又搞好晒過大禮既事. 我的肚都差不多有3個月, 可能係第一胎的關係. 都唔係好見到肚. 99C6有時都會同我出去買下屋企野, 為新居添家居用品, 不過好多時都係4人行. 點解會多左個人呢, 呢個係無賴哥當時既女朋友, 我叫佢8姐. 8姐其實年紀俾我細, 不過佢係無賴哥既女友. 所以好多野都好似大嫂甘參加我地結婚上的事務. 比如我地去買金呀, 買家俱呀, 新屋係點佢都會俾意見. 不過坦白講, 我只係見過8姐2/3次. 真係唔熟. 可能係佢太熱情, 我唔係太受落. 而且好多時99同我地買完野, 都會叫我地唔好同8姐講, 因為驚佢知, 而且又唔知佢咩事甘鐘意同埋我地一起去買野. 好多時有8姐去既時候, 我地只會去睇而唔會買. 8姐仲講明要我99俾喜帖佢, 唔係佢唔去. 因為都唔知當佢係咩人. 呢D都係小事黎.

到左上頭個日就真係大件事. 結婚前一晚我老公係屋企上頭. 甘呢好多叔伯都係圍村出左黎幫我老公上頭. 而8姐又唔知咩事又黎埋一份. 甘我地上頭既時間都唔係早. 依稀記得好似係11點甘上下. 可能係太夜的關係, 8姐等唔到甘耐. 叫無賴哥送佢返屋企先. 甘99梗係唔高興啦, 個細佬結婚上頭, 咩事要無賴哥送你走先. 甘99出聲叫8姐自己返屋企先. 因為無賴哥都有野做嫁. 點知8姐一聲不響當住所有呀叔面發脾氣奪門而出. 甘無賴哥因為驚99唔高興就冇追出去. 只係不停打電話叫8姐唔好嬲.

到左結婚當日, 過大禮時俾左一個好似鑊仔既銀色護心鏡我, 要我出門帶到回門. 而且又一定要我2公婆帶埋新郎/新娘既襟花. 因為襟花有一支針纏左D紅繩話有驅邪既作用. 要成日都要帶住. 接新娘都冇事. 一出到男家呢.......真係好嬲.

我一落車就有個圍村婆婆用一個好似個D農父落田個D帽 (即係竹織成, 中空甘頭頂可以伸出黎個種)一邊行一邊用呢頭野仆我頭. 帽上面有紅棗呀, 蓮子呀好多野啦. 所以佢一下一下甘仆係我頭上真係幾痛. 又用鄉下話唸D唔知咩. 我一邊行一邊問C6, 幾時先仆完同埋講D咩. C6話佢都唔知嫁. 不過好似話呀婆婆講D野類似叫我唔好帶D衰氣入男家, 我係牛鬼蛇神, 衰野留係女家, 嫁左入去就旺丁旺才. 聽到個下我真係火都黎. 而家嫁人渣係唔係呀. 要唔要講D甘既野呀. 好彩行多5分鐘到就到左我男家既家門, 因為係圍村,

個D地方好大一幢屋企甘款既屋. 不過仲未入得去嫁. 因為呀圍村婆要我用對腳踏爆太約有5塊 (每塊2吋厚)既瓦片. 我問C6咩事要甘做. 婆婆話呢個行動係要我同女家斷左關係, 從今以後以男家為中心, 正所謂生係佢既人, 死係佢既鬼. 不得再有女家既心. 嘩......聽到之後好似而家我冇得選擇同埋好似要我同女家斷左關係. 我唔明, 心有不忿. 我同C6講叫我踏斷D瓦片係冇可能既事. 而家我又左BB, 又點可以甘做呢. 最後係C6幫我整斷左先. 我再輕輕一腳踏上去, 甘就完成左. 再之後呢, 就係檻火盤. 到呢一刻我真係好累, 搞左成個鐘, 終於都入到門. 當我入到屋既時侯, 竟然係冇人, 燈又冇開. 好似鬼屋一間. 婆婆叫我入左一間房, 而房係咩都冇, 係房中間有一張櫈, 婆婆叫我一個坐係個張櫈, 而所有人要出去, 而當時正值9月. 房係冇風扇, WINDOW又冇開. 我個心真係沉一沉, 好似我去左招魂而唔係結婚囉.

當伴娘都出埋去門又關埋既時候, 樓上好似有萬馬奔騰甘, 由樓上衝落黎. 佢地係呢個時間係大廳到開壇作法, 我就係房到納悶左成45分鐘. 如果再叫我等多15分鐘, 我估我真係會暈左. 當一切準備好, 門一打開, 我真係好驚呀, 成30幾人係屋度, 仲未計我地既兄弟姐妹, 90%既人都要敬茶. 個下真係暈左. 而且我99竟然係著左一套平時去街市去買餸既衫.

唔理甘多, 先敬茶先. C6麻麻先飲啦. 之後到我62/99, 敬茶個刻我99對我講, 我要以老公為中心, 要旺夫益子. 唔好有異心. 可能個時我比較細, 聽到呢D野我好唔舒服. 再之後斟茶我真係咩都聽唔入耳. 只係記得斟左好耐茶就食飯. 食飯係食盤菜. 不過個時天氣再加上心情, 真係咩都食唔落. 仲有D見頭暈. 我就坐左係花園到抖下. 之後仲要放左2串大炮仗先可以回門.

返到自己屋企呢, 真係好累, 好想喊. 可惜冇時間俾我去喊, 因為抖左一陣就出發去酒樓做好準備.

如果想再睇埋落去, 請留個言作為支持父. THANKS!