婆媳關係 今日: 0 | 主題: 27780

積分: 211

1^#

發表於 12-6-11 18:52 |只看該作者 |倒序瀏覽 |打印

剛發完之前的一篇，大家都認為我好唔岩，我都唔係要各位認同當然的做法，不過在回應時我都講左點解我會咁做。但點都好，當時佢兩老都唔知咁多野，對我都冇咩，我見到佢地都係會做番我要做既野，一樣叫人，幫手拎碗碟(其他人都唔會幫手，除了我老公)，一樣人到禮到之類。

到結婚當日，因為我之前那晚只係瞓左1小時(有野要整)，我個人已經吽吽地....我只知當晚我既親戚係冇每家在台上拍照，係到送客的時候先可以同我那邊的親戚影到相(在送客位草草影完就算)。最衰係我忘了整影相list，咁在台上我老公就叫mc叫邊家人來拍照，但我老公又好好笑，係全家人名咁叫(即係a舅父，a舅母，a表哥、a表妹咁叫...)我在旁都叫佢可不可以只係叫a舅父一家就好，mc又聽唔係好到佢叫咁多人名而叫人，令到時間都拖慢了。我都同我老公講左好多次佢先識一叫就叫全家人，但整過拍照過程，係叫左a家人上來，佢地先慢慢行上來，其他人都坐0係度...叫b，b先上來..每一家都係咁，叫c先準備下個到呢家人，但c見b都未影完，c唔會出定0來先。而我親戚們都排晒出0來等，其間他的尊貴親戚慢慢起身打算上來時，我都叫等了很久的親戚影左一張先，但佢地都示意唔好，等佢地影左先。佢那邊親戚，還不同組合咁影左好耐....最後係因我伴娘識做，同酒樓堅持一定影到我父母兩的大合照先開始(那時已超晒時好耐)。

以我所知的就是這麼多，到完了成件事，回到家，老公同我講:"你媽唔比我家姐坐接待處喎.."(佢安排佢家姐坐接待，而我安排了我姊妹坐)。

我話一定冇可能，因為我媽唔似我咁唔識做，佢係好好的。我覺得佢唔會咁做。第2日，我問番我伴娘發生咩事，佢話佢都係聽回來，之後我都有問番知情的姊妹發生咩事，最後先問番我媽(初初佢都唔講，係我迫佢先講)先知件事係點。

事源係我地切cake，兄弟姊妹一齊上台拍照，咁我伴娘同我媽講，叫佢搵我細佬睇住個接待處先。之後我細佬就睇住個檔先。但我媽唔放心，就0係附近徘徊。之後佢家姐同佢堂妹到左，因為我細佬好肥，阻住佢入去，佢就同我媽講:"喂!我要坐入去喎!!"我媽唔知佢係邊個，就話l:"下?你要坐?" 佢家姐:"係呀!阿x(我老公)叫我坐呀!" 咁我媽事先不知佢安排佢家姐坐的，但都feel到咩事，就叫我細佬行開比佢地入去，我媽就話:"佢地d姊妹上晒去，咪搵我細佬坐住先.,.,唔好意思呀.." 佢家姐仲係少少面面話:"阿x叫我坐咋喎!" 咁我媽都唔出聲了。到之後姊妹回位，我媽就同佢家姐講:"佢地攪掂勒,..咁唔阻你招呼親朋好友勒~"就走開左(呢句我幾個本身不相識的姊妹都聽到，我問佢地我媽d態度係點，佢話我媽係笑笑口講的)，之後佢家姐就即刻搵我老公，姊妹只見佢指手劃腳一番...佢地估佢係講緊我阿媽。(咁事實上老公當晚真係同我講呢件事)。佢咁對我阿媽，我真係好嬲!!我同番一d當日先識我媽既姊妹講呢件事，佢地都即時話:"冇可能呀喎...你阿媽好玩得好講得笑，我唔信佢會咁做!" 係每一個姊妹不約而同都係咁講。我亦問晒當日見到呢件事而佢地當日先識既姊妹，大家講既野係一樣的。我唔想屈人，如果我媽d態度差，我都唔會幫佢，當係誤會。但我都信我媽唔係呢d人，之前我媽都有話我唔好咁衰，所以我都唔信佢會咁。但佢家姐係冇叫過我媽，講野仲要態度惡劣，我媽都唔計較，之後仲要咁屈佢，我真係好嬲。即使真係我媽有問題，我老公日忙到咁，係咪真係需要即時投訴?

另外，有個姊妹一直保持中立，但我婚後，佢都話佢那邊的人..真係好恐怖，話佢男家d人(連親戚)看起上來係有點奇怪，但我女家那邊是好開心的。有個不知情的姊妹在事後有問過我老公係咪執回來。係每個姊妹，即使平時唔多出聲既都同我講番當日佢對呢班人既睇法。點解佢地有呢d睇法?如下....

---伴娘一直在我身邊，每次我出去，佢就見到佢細佬個老婆係"超"住我....佢話本身都冇留意，佢本身都估係佢家姐，但之後講番先知係那個女人。

---a和b負責周圍搵來賓拍片，a總覺得有點怪...之後先見到原來又是那個女的"超"住佢地...，佢冇理，之後又係有點怪怪的，點知又係眼見那個女的'超住佢"(之前我冇同佢講之前的事)

---c出名好口，也對我地既事不知情。佢拎阿襟花比佢細佬，佢細佬只係同佢家姐個b玩，問佢:"請問你係咪新郎既親兄弟呀?"佢細佬唔理佢，問多次都唔理，佢大哥聽到，就話"人地同你講野呀!" 佢一手搶左個花。c再問:"咁你有冇伴侶呀?比個手花佢。"佢冇應，走左。

---中立的d見我地影相0個part好趕時間，就問佢媽:"唔好意思呀~請問你有邊個親戚係要影相，我可以幫你安排。"佢媽唔應。d再問，佢望都冇望d，講左一句:"得啦!要先叫你!" 佢話之後都受左d氣，佢頂唔順同我媽講，我媽就安慰佢，叫佢忍下...好快就完。

---c幫佢媽整個襟花，佢媽只係冷冷一句:"你小心整到我呀!"

---中途e派cupcake(回禮禮物)，我地都叫佢比左來賓先再比親人。忽然佢聽到佢家姐講l:"喂!呢度冇呀!!"

仲有其他人都受左氣，但話唔想提，怕我唔開心。

c其實係我表妹，佢話我舅母(佢阿媽)問佢知唔知xx係個，我表妹話唔知。事後知就係佢細佬個老婆。話大家打對行時，佢一直打量我舅母，眼神仲係好有問題，唔知佢想點。c都見到。

之後我也聽伴郎講(我問佢那晚有冇d咩唔開心事發生)，佢同我講:"都係佢細佬啦.." 佢地之前都叫做識，但唔算熟。佢話打算吹下水，但佢話:"妖!以為自己咩高知識分子姐!!教小學咋,....扮晒野!!" 我問佢細佬講咩，佢話唔好提了，係講佢阿哥是非(我老公)，係我老公結婚當晚對住我老公個fd講我老公不是...真係好野!!佢再同我講:"我咪對住佢講囉...x!咁唔x鍾意咪0來囉!!" 佢話佢都忍唔住爆粗!!

之前我聽我d姊妹講番d事，我都有同老公講，佢都唔出聲，有d就話係唔係誤會。最後就話呢d都係我的朋友講，佢話佢自己冇聽佢d朋友講。所以見到佢伴郎，我先問下..到底係我 d fd敏感定係事實?! 我再同佢講，其實你的朋友都有講，但關於你家人，你估你朋友會同你講咩?!

最後，都發現佢細佬係冇比人情。我唔知需唔需要比，但我覺得心意上都會有，而且都已婚。好似我細佬，佢都買左金介指比我老公。我唔洗佢買野比我，只係買件禮物比我老公都好正常姐..但都冇。只係全程黑面。但呢件事我同好多人講，佢地都話咁都唔比人情真係唔得!!

之後發生左件事...係我老公同佢阿哥發脾氣，講番佢覺得一切有咩問題。我老公先爆左樣野出0來，那時我先知。老公話佢親手比野佢細佬，佢細佬係一野丟在桌子上。佢話呢d係親眼見到，係親身經歷，如果佢真係冇野(佢細佬話佢自己冇野，係一直我地對佢有野)，點解要咁?!件事唔係佢細佬講到自己咁無辜!(其實佢婚禮自己都睇到好多野，只係唔同我講。所以佢之後都冇同佢細佬講野，對佢家姐都冷淡)

0 0 0

私人傳訊

小寶貝兒

珍珠宮

積分: 30295

2^#

發表於 12-6-11 19:06 |只看該作者

留個腳印先慢慢睇~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

shannnb

水晶宮

積分: 59166

3^#

發表於 12-6-11 19:33 |只看該作者

佢細佬係天生黑面定係因為見工時間果件事而黑面？

私人傳訊

mandysio

公爵府

積分: 25625

4^#

發表於 12-6-11 19:44 |只看該作者

回覆：成為罪人之旅---結婚當日

唔係大佬先係見工咩？

私人傳訊

happyyee

男爵府

積分: 8440

5^#

發表於 12-6-11 20:33 |只看該作者

回覆回覆:mandysio的帖子

好長呀

私人傳訊

WTM

積分: 4745

畀面勳章

6^#

發表於 12-6-11 20:41 |只看該作者

回覆：成為罪人之旅---結婚當日

唉…以後少見為妙，睇到我有啲

真係想問句，你c6係咪執返嚟

點評

c.hutchson 我都係, 睇到嬲

發表於 12-6-12 15:25

私人傳訊

積分: 211

7^#

發表於 12-6-11 20:46 |只看該作者

shannnb 發表於 12-6-11 19:33
佢細佬係天生黑面定係因為見工時間果件事而黑面？

係佢第二定第三次見我時巳黑面，冇人知點解，老公只話佢性格係咁，佢試過好憎其他家人，幾時有野冇嘢佢話哂事。一直佢係當我透明，曾經我想退一歩等件事好d,打算同佢打招呼，但一樣比人當透明。新年買嘢比佢，一樣被當透明。不過之前篇文我係受太多冷眼和我太替老公不值，屈在心氣難舒而寫出，比人覺得我好公主。我明大家對我之前批評，但有些受屈感覺係難以形容。當見到佢地既咀臉，就知道拮到肉是很痛的！

點評

c.hutchson 佢係咪有心理病呀? 認真發表於 12-6-12 15:26

私人傳訊

shannnb

水晶宮

積分: 59166

8^#

發表於 12-6-11 20:51 |只看該作者

mimilan 發表於 12-6-11 20:46
係佢第二定第三次見我時巳黑面，冇人知點解，老公只話佢性格係咁，佢試過好憎其他家人，幾時有野冇嘢佢話哂 ...

不能照樣當佢透明嗎？

私人傳訊

積分: 211

9^#

發表於 12-6-11 21:07 |只看該作者

WTM 發表於 12-6-11 20:41
唉…以後少見為妙，睇到我有啲真係想問句，你c6係咪執返嚟

...

之後發生左件事係連我老公都頂吾順要出聲，呢件事令我決定吾會再見佢地。c6要番佢自己一個番！

私人傳訊

積分: 211

10^#

發表於 12-6-11 21:17 |只看該作者

shannnb 發表於 12-6-11 20:51
不能照樣當佢透明嗎？

可能我冇用，我不能當睇吾到。一大班食飯，c6要聽佢老豆呻其他仔女有咩不满（但仍會縱容，吾會話佢地），佢地講既係show off既野（但我吾明有咩好show)，之後冇咩講。所以如果只係同佢媽飲茶我先說話。我吾會加入到佢地話題，我係外人一個。嬲之前那種感覺係難受。我都吾想攪成咁，雖我可當佢透明，但內心仍然難受的。

私人傳訊

shannnb

水晶宮

積分: 59166

11^#

發表於 12-6-11 21:20 |只看該作者

引用：Quote:shannnb+發表於+12-6-11+20:51+不能

原帖由 mimilan 於 12-06-11 發表
可能我冇用，我不能當睇吾到。一大班食飯，c6要聽佢老豆呻其他仔女有咩不满（但仍會縱容，吾會話佢地），佢 ...

盡量當睇唔到啦！對自己，對老公都好d！避免嗌交搞到關係太錯！

私人傳訊

papa2011

珍珠宮

積分: 47280

12^#

發表於 12-6-11 21:31 |只看該作者

私人傳訊

crazygal

積分: 4937

13^#

發表於 12-6-11 21:34 |只看該作者

回覆：成為罪人之旅---結婚當日

你老公一家的確好有問題，但可能問題一半是出於佢地本身性格，另一半則出於佢地跟本吾like你。其實你同你老公結咗婚已經可以自己一家一主la. 其他人唔夾大可以少d來往。人夾人緣呢d野好難講。不用所有事都太上心。

私人傳訊

WTM

積分: 4745

畀面勳章

14^#

發表於 12-6-11 21:38 |只看該作者

引用：Quote:WTM+發表於+12-6-11+20:41+唉…以後

原帖由 mimilan 於 12-06-11 發表
之後發生左件事係連我老公都頂吾順要出聲，呢件事令我決定吾會再見佢地。c6要番佢自己一個番！ ...

發生咩事？介意講嗎？

私人傳訊

flyingrabbit

積分: 2390

15^#

發表於 12-6-11 22:19 |只看該作者

回覆：成為罪人之旅---結婚當日

連續睇晒三個，真係...唉！如果係我一定係咁小爛佢！介唔介意講佢兩公婆係邊樹教書，我唔想我啲仔女比佢教到:;pppp:

私人傳訊

melun