婆媳關係今日: 0|主題: 27776

收藏本版

發帖

返回列表

跳至頁

查看: 873 | 回覆: 6

今次講c6舅父,麻煩大家評下理!! [複製鏈接]

jasonicky

大宅

積分: 1772

1^#

發表於 12-6-17 18:01 |只看該作者 |倒序瀏覽 |打印

本帖最後由 jasonicky 於 12-6-17 18:01 編輯

c6舅母早幾年無啦啦同返佢舊情人一齊,c6舅父冇即刻同佢離婚,反而搬左去我c6屋企住,(個陣我地未結婚,62又一早過左身)本來話短住2-3個月,之後因為99太好服侍,有飯食有湯飲,有人幫佢洗衫,每日放工返黎就訓係梳化睇電視,睇到訓著,開晒冷氣,又風扇,又燈,開天光,c6,99日日都係食完飯就入房,完全比佢霸占晒個廳都係每個月比2000大元(自己就拎晒的錢過大海,初初都有win,後尾更係輸,仲輸晒之前存個的),就係咁一住就住左成年先走,咁佢又終於諗清楚同佢老婆離婚,佢返左自己到住,佢老婆就帶埋個女跟左個男人走!!
個刻我c6簡直開香檳慶祝,以為真係可以趕走佢,點知,個女人用晒的錢,問佢舅父拎膽養費,佢層樓係只係比左首期,賣左,比左10萬蚊個女人,又返去我c6家住,仲愈黎愈過份,當正我99係亞四,(不過我99又真係唔抵幫,因為佢細佬對佢點唔好,佢都唔會出聲,只係識同我c6講,人地唔岩又搵我c6出氣,到我而家嫁左比c6佢都只係會發我地2個脾氣明明好多時係佢細佬唔岩,一陣會講,所以我之前個篇都有寫我同c6結婚3個月已經搬左返自己屋企,因為佢有時真係唔記得我地先係佢至親,我岩岩有bb辛苦到點,佢睇到,都要求我一定要做家務,煮飯,唔通我嗅到飯味頂唔順要嘔都要煮? c6幫手解釋都要比人鬧,當我地係咩,成日話緊張個仔,比佢細佬講一講又係我地唔岩)

好啦,今次又住左幾個月,因為我同c6要結婚所以佢一定要搬走,咁佢就去左佢阿哥度住(佢阿哥都因為佢既行為頂佢唔順),但佢阿哥好好彩,因為政府話佢而家得返1個人要求佢搬去1人單位,所以佢地住埋一齊一個月後就分開啦!!

之後佢就租左我地樓下一個單位,惡夢又黎啦,成日上黎痴餐唔駛講(而家仲要唔係度住一毫子都唔駛比),電視壞左開頭一星期都上黎睇(佢之前申請左有線係我地度冇拎,上黎睇波)仲要諗住唔買日日上黎睇,比佢阿哥鬧完先買,之後佢租個度部洗衣機壞左,唔買,一星期自出自入幾次上黎洗衫,我99返工,個陣我做part time有時會見到佢,我同c6講咁唔方便佢自己有鎖匙成日自出自入,以前我唔係度住就話者,叫佢阿媽同佢講,佢阿媽又唔肯同佢講,我叫c6同佢大父同佢講,佢話唔買,而家咁幾好,仲同我99講話我話佢,本來我同99只係唔多溝通,比佢講一講又差左,都唔知咩人黎架!!
遲的等我生完坐完月,我會搵工之後搬出去住,肯定佢又搬返去,唉!! 題外話,事原我同c6擺酒個晚我地都好忙,要不停同人影相,條友仔見我c6唔得閒,死都跟住佢狂問佢,問你地今晚都唔睇電視,我上黎睇波,我c6火都黎,佢個晚同第2晚都有上黎,仲睇到訓著,成半夜2點先返落去!!