吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 成為罪人之旅---未婚篇

婆媳關係今日: 0|主題: 27780

收藏本版

發帖

返回列表

跳至頁

查看: 4089 | 回覆: 26

成為罪人之旅---未婚篇 [複製鏈接]

mimilan

複式洋房

積分: 211

1^#

發表於 12-6-8 19:55 |只看該作者 |倒序瀏覽 |打印

本帖最後由 mimilan 於 12-6-8 20:18 編輯

之前都係在回post時順手呻下...但依家真係好想開個post出0來呻晒我對佢地既所作所為，令我點樣成為一個"罪人"。

在第一次見男家時，我比較少出聲。我個人會較尊重長輩，都笑笑口就算，不會講咁多野，始終自己又唔係邊個，講咁多野做咩?!當時我都見到我老公細佬個女友(依家已結婚)，我都望住佢想對佢笑下，但佢望都冇望過過0來，也算了，沒大不了。後來聽老公講話佢阿媽同佢講，話叫我下次唔洗化咁行妝(佢地冇人會化妝)。當時我化妝只係工作需要，而且唔係full make up，只係少少，但可能唔化妝或唔睇習慣既人會覺得好勁。

好了，上面都是好少事。每到過時過節，兩老生日之類我都會到，而且會買野送比佢地。我覺得佢兩老其實對我都冇咩，但送野比佢地，佢地都唔會有咩反應。反而佢那個細佬的女友咩都冇都冇野，咁即係洗唔洗買都得。但我覺得呢個係我個人心意的事，也沒所謂。有次真係好笑，聖誕節我買左2盒hand cream，各比我地阿媽。之後我同老公講，叫我幫我比佢阿媽(因那期我好忙，唔得閒見佢地)。之後佢問我佢老豆有冇禮物，我話:"下?冇喎..." 坦白講，呢d係我對女性既心意，通常男人都唔會比啦..,聖誕節姐...心意一份，我爸都冇呀。通常都係女人仔收下禮物開心d姐...。佢話佢會私底下比佢阿媽，怕佢老豆唔like...下?!唔係化...都係買野比佢老婆，唔洗公平都佢都要有呀...好奇怪= =

到佢那個細佬結婚前攪左個打邊爐(當日去佢兩老家。我買左個生果籃上去)。到打到一半，我有點暈，老公扶我到房休息下，之後他出去繼續打邊爐。之後我聽到佢家姐講:"係喎!你女友咩都冇買比我既?人地xx都有啦!(佢細佬那個女友)" 我老公就話:"下?!咪有生果籃囉!" 佢話:"車!都唔係比我!!" (佢個家姐係結左婚，唔係0係呢度住的)。我真係唔明我又唔係去佢到，做咩要無啦啦買比佢。又算了‧

之後我發現其實佢細佬個老婆係唔會叫佢d家人，但就成日會抱住佢家姐個仔，自問唔喜歡擦鞋，亦不太喜歡小朋友，我真的沒有這樣做。但最好的是如果有親戚在，佢個好新抱就即時好識做，我自問唔係笑面虎，只要不傷害我，我都不會理。但開始佢個細佬好似唔多妥我..連眼尾都唔會望我。我都覺得怪怪地..咁佢唔望我，我都唔會同佢打招呼啦~

佢個家姐..成日串我老公，我老公係好冇所謂既人，但佢家姐就成日懶串咁，但只會串我老公，因為我老公唔會反駁佢，只係笑笑口就算。但佢那個細佬...佢自問係高等人(教書，教小學。兩公婆都係)，但就聞說佢有病喎...有思覺失調喎...個個就晒佢。

而佢兩老，對住我老公都好老馮。基本上飲茶比錢都係我老公比。當然請父母食飯我覺得係天經地義的事，沒問題。但佢老豆成日同佢呻，又話佢個姐夫唔識做，請都冇請過佢地飲茶，又講呢樣那樣。我老公就成日聽佢呻完就叫佢唔好勞氣。

漸漸我覺得佢那邊d人都好老馮。好似佢那個家姐閒時都唔會打比佢，一到要買野先會搵我老公(其他人都係)。但我親耳都聽過佢點搵我老公買野呢(我老公會有優惠價)，係命令式那種叫我老公幫佢睇價。其實佢地個個有事先會搵我老公，冇事係唔會搵。那時我開始同佢講覺得佢d家人好有問題...覺得佢地蝦佢，佢話唔係，冇問題。

我在新年曾買過一包冬菇和八珍年榚比佢阿媽，誰知一句:"哎呀~呢d冬菇我地都有幾包都未整完..."(我點知呀?!)。好了，因為佢兩老平時對我都冇咩..我就唔想放0係心，但咁樣聽真係好hurt。之後佢家姐0係我面前講:"你女友冇買野比我既?!"(當時我諗:唔係化..我又唔係去你家拜年，咁岩你0係度姐...)。

好了，之後我覺得佢細佬2公婆愈來愈有問題，真係可以當我透明，甚至之後連我老公佢都當透明(本身佢兩兄弟好fd)，我真係唔知發生咩事。我咪同我老公講..之後佢先話我知原來佢唔like我，但冇人知點解。我都好驚訝，我同佢講都冇幾多句野，有咩地方令佢唔滿意?!佢話佢係咁，佢連老豆阿哥(最大的大哥)都試過唔like，佢份人係咁，可以不理。但我覺得我真係冇做錯咩事，點解要受呢d氣。佢話佢d家人有話過佢，佢自己都有問過佢，回應係:"唔洗理我!!"就了事。

後來每次見到面食飯我都比佢地當透明，我完完全全係一個外人。之前佢地結婚，我都比左成千蚊人情佢地，仲請假去佢地既中午自助餐婚禮。我老公仲做阿4，幫佢地搬野之類(但其他人係冇幫手)。佢呢個好新抱好識做，在台上話特別多謝一個人(平時佢都好少出聲)，就係佢家姐，因為佢地初時唔知點攪婚禮，好在佢家姐講手。但這時佢家姐在台下講左句(當時我在她附近):"下?!我只係答左佢一句野咋喎!" 那時我已經知佢地呢個好新抱大約係咩人。我都有同我老公講...其實呢個女人都未叫過我老公一句，我老公都話係，佢係唔叫人，話佢d家人都有點不滿佢冇禮貌，但都廢事出聲而是。

之後我老公買左樓，我地先同居，距離佢地都幾遠。而佢地個個都在家附近住，晚晚回家黏餐食，其實呢d都唔關我事，但就係因為咁...佢地愈來愈fd，就成了日後攻擊我的因素....

我地入伙當日，我媽同佢媽都在，佢媽都有呻話佢個好新抱咩都唔做，食飯係等食，都莫講過洗碗，話洗碗會令皮膚唔好。佢媽都讚我只係久不久去飲下湯都會洗番d碗(有時夜左會去佢地家過夜，佢媽會留湯比我地飲。而且我會幫手。)，呢d係我媽話番比我聽。

但這間屋...之前都有件事...就係樓首期係我老公比的，但因為唔想煩，我老公話會同佢家人講首期係我同佢2個人都有份，咁我又冇蝕底當然冇問題。但之後我老公同我講...話佢媽同家姐叫佢層樓只係寫佢自己一個名，到真係結婚先加番我個名。我即時火起(之前佢話會加我個名上去比安全感我)，我問係咪佢覺得我地買樓係玩玩下，怕我地分手，咁先保障自己個仔先?加上以佢地所知，首期我都有份，點解係寫佢?點解唔可以只係寫我一個人名?!我老公話只係同番我講，佢都係會加我個名上去。但我真係好嬲，點解咁樣佢地都要加把咀?!我唔係貪那50%的樓，只係我覺得佢d家人就係好有問題。

後來都發生上面講過類似的事，我就同我老公講，佢都係叫我唔好理佢地算，但我覺得有d野係要解決先得，但自問真係無力為力，我係外人，可以講咩?!只有每次食完飯都好唔開心....會覺得好委屈，會喊。老公都有安慰我，但根本冇用，因為有心結。

其實我細佬都d性格都係衰，同佢那個細佬一樣都係冇理由下唔like我老公。我都冇同我細佬講野，因為我覺得係我細佬有問題，所以用行為表達我不滿(但我老公冇)。但我媽就會係咁問我細佬做咩，但我細佬唔講。之後我媽都成日同我老公講叫佢唔好理我細佬，我老豆都話我細佬傻的，安慰我老公叫佢唔好介意。但佢d家人係一句都冇同我講過，我都有懷疑過佢d家人係咪唔知咁既事?!但沒可能發現唔到...因為太明顯了。而我家方面，我媽用了好多方法去令我細佬對我老公冇野，最後我細佬可能聽我媽講得多我老公對我點好，而佢自己都見到，咁慢慢真係冇野，依家仲好聽我老公支笛。但佢那邊，冇人會話佢細佬，由佢任性。可能佢地一直都好就佢，我都feel到。

之後那年的新年，佢仲叫我買野比佢家姐同佢細佬(因佢細佬都剛結左婚，叫做有頭家)。我即火起，點解我要買野比佢地，我又唔係去佢地到拜年。佢話廢事佢家姐多野講，我話點解要買野比佢細佬?!佢話因為佢地結左婚!!我真係嬲到爆!!我話冇可能囉!但最後我自己口硬心軟，都係買左3樣野上去佢父母家拜年，結果佢那個細佬唔0係度(之後每年的新年都唔見人，佢只係問完佢老豆拎左利事就走)。咁我都留盒野比佢囉...當然唔會有人多謝你，我都唔在乎那句多謝‧但你退讓根本就係冇用.............

我好多野都忍...但對住我老公我會照講，但佢有時只係話我敏感，係我諗多左，話佢d家人好好，當年佢叫做當中最唔讀得書那個，但佢父母都話供佢讀書，但佢覺得父母好辛苦，佢決定唔讀書，去搵錢幫手養家(冇錢...但可以供其他3個去外國讀書)。我話即使係咁其實好正常....但佢話呢d係恩。我覺得成件事變左係我有問題，雖然佢話唔係我問題...咁但係發生到咁，咁到底係邊個問題??我都好想知......但呢個只係一個序幕，之後愈來愈不知所謂!!!!!!(待續)

0 0 0

私人傳訊

ngbetty01

大宅

積分: 3878

2^#

發表於 12-6-8 20:06 |只看該作者

回覆：成為罪人---未婚篇

過年你買合野比佢家姐都合理，話晒佢大過你，但買比細佬就真係無必要lol:;pppp::;pppp:

私人傳訊

mimilan

複式洋房

積分: 211

3^#

發表於 12-6-8 20:11 |只看該作者

ngbetty01 發表於 12-6-8 20:06
過年你買合野比佢家姐都合理，話晒佢大過你，但買比細佬就真係無必要lol

...

我地當時未結婚，而且又唔係上去佢家，亦唔知佢當時會唔會0係度，我真係覺得唔洗買。但佢叫我買比佢地時...我都話佢家姐0個part我都算(正如你所講的，我都有呢種想法)，但我話佢細佬真係冇可能!!(雖然之後我都心軟買左)。

但之後我會再出post，你就會知道....佢地只係要求我有禮數，但對我係唔需要的!!!當時我都諗都冇諗過!!!係完全冇合理，冇話"應該咁做囉"既事發生0係佢地身上，但對我就有囉!!!唔係點會冇做d咩都成為罪人?!

私人傳訊

美亞

禁止發言

積分: 16954

4^#

發表於 12-6-8 20:37 |只看該作者

提示: 作者被禁止或刪除內容自動屏蔽

私人傳訊

conniebebe

伯爵府

積分: 17266

5^#

發表於 12-6-8 20:48 |只看該作者

回覆：mimilan 的帖子

真係唔明，點解d人可以開口要求禮物..？係咪佢地個代係禁教？但點解我媽咪又無ge？

私人傳訊

jessjesslee

子爵府

積分: 10241

6^#

發表於 12-6-8 20:58 |只看該作者

回覆：成為罪人之旅---未婚篇

做好自己本份就可以
唔好因為哩d事唔開心
支持你

私人傳訊

waiyuktsoi

珍珠宮

積分: 45606

馬年勳章 2026勳章 2025中秋節勳章 2025勳章蛇年勳章母親節2025勳章 2024年龍年勳章熱血勳章 BK Milk勳章畀面勳章環保接龍勳章

7^#

發表於 12-6-8 23:35 |只看該作者

男家d人貪心兼無禮.

我的生命由我主宰.

私人傳訊

jaescheung

大宅

積分: 2100

8^#

發表於 12-6-10 01:06 |只看該作者

支持你

私人傳訊

angieshum

大宅

積分: 2181

9^#

發表於 12-6-10 02:28 |只看該作者

回覆：成為罪人之旅---未婚篇

私人傳訊

奶油B

大宅

積分: 4328

10^#

發表於 12-6-10 07:48 |只看該作者

回覆：成為罪人之旅---未婚篇

加油

私人傳訊

sandy1425

珍珠宮

積分: 41032

好媽媽勳章大廚勳章

11^#

發表於 12-6-10 08:39 |只看該作者

成為罪人之旅---未婚篇

只是睇第一段，我已經Xzy緊，化妝又關佢事？

好明顯吾抵得你靚過佢

點評

panda1985hk

發表於 12-6-11 14:16

QUSTINLING 完全同意

發表於 12-6-10 14:31

私人傳訊

柏架山莊

珊瑚宮

積分: 119442

育兒性格勳章我的育兒心得勳章 hashtag旅遊勳章畀面勳章大廚勳章 BK Milk勳章 hashtag影視迷勳章

12^#

發表於 12-6-10 10:24 |只看該作者

引用：做好自己本份就可以唔好因為哩d事唔開心

原帖由 jessjesslee 於 12-06-08 發表
做好自己本份就可以
唔好因為哩d事唔開心
支持你

私人傳訊

waterlemon

珍珠宮

積分: 37960

wyeth冷知識勳章畀面勳章

13^#

發表於 12-6-10 10:44 |只看該作者

成為罪人之旅---未婚篇

男家d人

私人傳訊

physiowall

大宅

積分: 1861

14^#

發表於 12-6-10 12:14 |只看該作者

回覆：成為罪人之旅---未婚篇

怪獸家長原來早一代已經出現

私人傳訊

QUSTINLING

禁止訪問

積分: 17124

15^#

發表於 12-6-10 14:31 |只看該作者

提示: 作者被禁止或刪除內容自動屏蔽

私人傳訊

mango0811

大宅

積分: 2384

16^#

發表於 12-6-10 18:29 |只看該作者

厚顏無恥+極度自私既人.. 不用理會..
做好基本野..孝順6299都夠啦..
又唔見個細佬買野比你地同個家姐..

私人傳訊

stupidtaz

大宅

積分: 4810

17^#

發表於 12-6-10 19:56 |只看該作者

回覆：成為罪人之旅---未婚篇

聖誕節禮物，我反而覺得可以一人一份，連男友爸爸，家姐，細佬！就算我自己爸爸媽媽，我都會公平，因為我爸爸都介意媽媽有佢冇。

但新年份禮，家姐係長輩，送都應該既，但細佬就可以唔駛！不過，我覺得佢地成家人係喜歡人有我有，唔蝕底！辛苦你喇！

化妝方面，可能佢地只接受基本粉底加唇膏。眼缐，眼影或胭脂，佢地可能已經覺得你個妝濃！

等你Update！