婆媳關係

收藏本版
發帖
返回列表
跳至頁

首頁
1

尾頁
   1
mimilan


複式洋房

積分: 211


1#
發表於 12-6-15 20:01 |只看該作者
結婚當日的事已經令我對呢家人(大部份)已經唔想見也唔想多講，至少我連我阿媽都好似保護唔到，要受呢種氣。加上我9個姊妹係0來幫我的，我自己對佢地都客客氣氣，但別人就當佢地係阿4，連中立的朋友都完全明白佢地呢班人到底係咩事(真係見到就知，初時佢都覺得會唔會係我諗多左)

婚後，我唔想見佢地，我阿媽曾經話我，勸我，鬧我，我都唔聽，我認我硬頸，佢地咁對我家人同朋友，我係咪仲要戴住面具去見佢地演戲?我唔係聰明女人，去到咁既情況，我已經唔識做呢種戲。之後我媽直情對住我喊...話唔想將來佢地呢家人令到我地2個關係差，我好明白媽的話，只係氣問題，但見到佢咁，我都應承佢番去。

番去飲茶只係得佢兩老，咁我都會叫佢地，做番之前會做既野...咁其實都冇咩特別，但佢媽忽然同我老公講話我地既攝影師唔同佢地影相，話要求佢先幫佢地影，所以佢地影左2張就算，唔再影。又話佢細佬結婚時都唔係咁，個攝影師係咁同佢地影相(但其實佢細佬只係中午自助餐，而且少人。我地唔係咁。)其實我就冇聽過有人話攝影師唔影相，我已經搵3個攝影師，覺得應該冇可能，但我都冇出聲，我老公只係話:"係咩?!" 之後佢媽講左3-4次...我真係忍唔住同我老公講，如果佢阿媽再咁講，你要解釋比佢聽你細佬0個次咁少人，個攝影師當然可以慢慢同佢影!!

好了，之後我地先拎相，一睇之下.........佢地有不同組合，有些有我老公(冇我的。但唔緊要)，有些冇(我更加唔洗講)，佢地有不同組合，影左好多相!!反之我媽，只係有基本相，冇呢d多餘既相，事關我媽周圍幫手招呼來賓，所以我好多朋友都有主動同我講我媽好勁，同佢地吹得好開心。我真係唔明點解佢會話影左2張就冇癮再影係咩意思。

之後佢都有問佢家姐點解要咁對我阿媽，佢家姐梗係話冇。咁都係既..我只係得人証冇物証，邊有得講?!已經冇得追究什麼啦!

後來有3次上去佢家食飯，頭2次見到佢家姐佢都好主動咁同我打招呼，之前真係冇試過。基於我相信我媽份人係點，所以我會信我阿媽，我真係不能同一個對我媽差既人say hi，但我已盡力笑來回應佢，當然只係微微一笑而是，我做不到太假了。當然佢阿哥，父母我都有叫。之後我都冇再出聲，只係幫下手拎下?之類，做番基本要做既野。頭2次都係一樣情況，只係我覺得佢老豆對我態度有d唔同....我都諗會唔會係我敏感，我都冇同我老公講。

到第3次，係成家人都0係度，佢細佬兩公婆都好大動作咁打招呼，真係前所未見。我老公都有同佢地say hi，但我真係唔得，對佢家姐我仲可以笑一笑，對住呢2個，我真係只能望一望，我都好想笑，但0即唔出!!!而佢老豆...比我感覺都係怪怪的...我又諗會唔會係我多心?呢件事我只係同我媽講，仲諗會唔會係少番去佢唔高興。

到第4次見，係我老公親戚結婚。我地前往的時候，撞到佢家姐同佢老豆，佢兩位望都冇望我(唔係遠見到，係我老公都有同佢地講野，只係佢地望都唔望。我叫佢老豆佢都唔應)。到酒樓後，我地坐低，見到佢家姐同佢細佬2公婆企在附近講野。我老公話不如行去佢親戚到恭喜下，咁我同佢一齊行過去，經過佢地3個時，佢家姐好突然咁彈出來(真係跳左一步出來)，勁浮誇地揮晒手:"hi~~!xxx(我個名)" 我只係比佢嚇一嚇，同時我真係做唔到咩反應，我老公就拉走左我。之後都有見到佢姐夫，咁我同佢打招呼同講幾句。之後入席了....佢呢家人都坐晒一圍了。我老公旁有2個位，我聽到佢家姐同佢細佬講話留比兩老坐，因為面上台，唔洗睇得咁辛苦。之後佢老公坐在我隔離既隔離，我見佢係咁飲酒，我就同佢講:"62呀，不如你坐那個位啦(我老公旁)，可以望上台唔洗咁辛苦。(咁我覺得佢家姐都講得岩既)"，佢望住我，冇應我，咁我咪講多次，佢都冇應，呢個時候，佢阿媽過來坐在我旁，我就同佢講番同一句話，佢話唔洗，我話:"哦...我怕你地辛苦要轉頭望上台姐~" 佢媽話:"唔洗啦，佢阿哥都坐勒~" 這時我見佢阿哥正預備坐在我老公旁，咁我都冇再講。其間佢阿媽都同我講野，咁我都有同佢傾下，都冇咩~到食野時，佢老公好似發脾氣咁推開放左佢面前既?，只係飲酒，佢地都有問佢咩事，佢老豆冇應。咁呢個時候佢細佬就發揮佢"愛"既本色，幾次試過去佢老豆旁問佢咩事，其間我只聽到佢老豆叫佢走開。佢阿媽都有問佢做咩，佢都冇應。咁有d?我都有幫兩老拎?放到佢地面前，之前佢老婆幫佢拎又推開，我比佢佢亦推開。我老公都有細細聲問佢地佢老豆做咩，但當然冇人講到咩事。最後佢個細佬又走過去關心佢啦...佢老豆就大聲講:"你睇下你地，到底你地有冇溝通呀?!!你地完全冇溝通囉!!!" (其實佢呢家人..我覺得佢地一直都冇咩溝通，各有心病。只係表面上好好。連我老公搵佢兩老飲茶都分別打比佢媽同老豆。但佢地係住在一齊呀喎!) 當然，我明佢講咩，佢意思都係話佢地兄弟攪成咁啦。之後佢老豆繼續飲酒。佢家姐忽然講(坐在我地對面，所以一開聲，全部人都聽到)，:"我知咩事!" 我老公問佢咩，佢又唔講。之後佢媽同我又講野，咁我就同佢傾偈啦...根本冇留意佢地講咩，到講完時，我就聽到佢家姐講緊野，就係:"(佢講到中途時我先聽到。係同我老公講緊。)又唔係咩有仇，你老婆都唔應我地呀!好似我頭先叫佢，佢都唔應我地，咁老豆咪嬲囉!" 我真的呆了..我冇諗過佢會咁講。我老公問我:"你冇應佢咩?" 我冇反應，我已經唔知可以有咩回應。我老公就話我應佢佢睇唔到姐...仲話係唔係唔好0係呢d時候講呢d野!!咁佢家姐冇再講。佢阿媽又同我講野，咁我都回應佢...之後再聽到我老公同佢阿哥0係度講之前發生既事。佢阿哥問佢可唔可以唔好同佢細佬咁薑，我老公話根本就唔係我地問題，一直都係佢細佬黑面，仲同佢阿哥講，呢d都一早同佢地講，但冇人理，點解依家要攪到係我地唔岩。佢阿哥只係話佢細佬講話係我地黑面先，咁佢地都唔知點做。我聽到都真係好嬲...可以歪曲成件事!!我老公都即刻講，之前都有講過，但係佢地信佢講野...仲話佢(細佬)係咩性格，個個都知呀啦，點解要繼續就晒佢?!!我老公一直講之前發生既事，佢阿哥唔回應呢d事，只係話想佢地好番令老豆開心。我老公都表示冇可能，因為佢自己都親眼見到佢黑口黑面，之前佢自己都有同佢打招呼佢唔應，同佢老婆打招呼都係望都唔望(我老公係講緊佢自己都有呢d感受)，仲有我地結婚我老公比野佢，佢一野丟在?上..佢話一切一切根本覺得佢冇得救，依家仲要咁屈我地。

佢地講野我都要靠過去先聽到，佢個細佬走過0來一隻手欄住我們之間，就好激動(但壓住把聲)講:"你地講咩我唔理，但唔好再0係依家講!!" 我地呆左，我忍唔住講:"下?!我地傾偈都唔得呀?!" 佢話:"總之我唔理你地講咩!總之就唔係依家講野!!" 我老公個樣好惡，我都未見過l，就話l:"我地講野都唔得呀?!你咁巴閉呀?!!" 佢細佬比之前更癲，就話:"唔好依家講呀!!比老豆聽到呀!!"(其實冇可能聽到)，我老公就話:"依家係咪講野都要你管呀?!" 佢細佬叫:"咩呀!!!!!!" 我老公更惡:"點呀!!!!!!" 佢細佬就行開繼續做孝順仔。我老公大聲少少同佢阿哥講:"你睇到佢咩態度啦!傾咩呀?同佢冇野好傾!!我真係唔知佢咩態度，仲話教書喎!!!" 佢阿哥就話:"咁佢都係緊張老豆姐.." 我老公就話:"我都緊張老豆呀!!但唔係咁囉..." 之後講左好耐...佢阿哥都有問我，我初時都冇講，之後再問我，我先講左少少個人感受。佢阿哥就話佢細佬有病，所以性格係咁，我話有病唔係大晒，邊個打工仔冇精神壓力?但咁大個人要識分輕重。最後佢地繼續講，我都唔知佢地講咩，我只係行左出去，打比我朋友，呻我剛才發生的事...我只能咁樣，唔通我0係佢地面前爆咩?!我更衰都做唔出....

到走的時候，佢細佬攬住佢老豆行最頭，我地行最尾，我有幾次叫佢睇下佢老豆點，我老公話唔洗。只係同我講，一陣大家分路行時，記得講bye bye。到分開走後一陣，我老公叫我唔好唔開心，唔好理佢地講咩。當時我心情好混亂，我擔心的係我老公，生氣的係比人屈，但也終於知道我老公真係會企0係我呢面，唔會麻目認為佢家人冇野。之後我都唔想佢唔開心，我都冇再講呢件事..一直都冇講，直到他睡覺了，我睡不著...控制唔到不停喊....我覺得佢家姐有心玩野，之前未到酒樓時，見到佢佢唔望我，到酒樓人多了先刻意叫我，難怪之前到兩老家吃飯，佢細佬竟然會同我地say hi，原來一切都係一個局，根本就係想將之前所有野推到我身上...令到d人唔信我。當時我唔係嬲，我係覺得好委屈，忍唔住打比個朋友喊到天光。我覺得既然大家都唔like大家，咁我唔出聲咪算囉...但估唔到別人反咬我一口，我也好肯定佢老豆比佢地落晒毒..仲刻意做呢樣野去"証明"係我唔啋佢地，係我攪事。我冇怪佢老豆咁樣，因為我知佢比人落毒，但我只係唔明...點解之前我老公已經講左佢細佬黑面，佢地只係話佢係咁，唔好理佢地，佢老婆唔叫人又黑面(之後已經唔係，有親戚在就扮好。但就擦佢家姐鞋)，就話人地個女唔通話佢咩...咁就算。

之後起身，我又控制唔到d眼淚係咁流，因為我知道我老公的立場，而且佢係幫我既，所以我都唔想比佢見到，盡量去忍...但都比佢發現左，後來佢同我講左好多佢從來未同我講過既野，例如一d偏心既野...只係佢地始終係父母，佢只想做番仔既責任對佢地好〝唔想計較。亦話知道佢家姐耍咩把戲，仲話佢細佬0係度扮父慈子孝由佢扮，佢性格係點係本係人都知，但佢地成日見，d人自然幫住佢，但可不理‧我問佢點解佢唔睇下佢老豆點，真係第一次聽佢話佢老豆...佢話佢發酒癲，佢好憎人咁樣，有咩事可以傾，但以飲酒0來發癲佢更關心佢老豆都好都唔會即時理佢。佢都明白一直以來我對佢都好，只係睇唔過眼，叫我唔想見就唔好見，但佢自己都唔會再理佢班兄弟姊妹，但父母始終係父母，佢沒法唔理，得閒都會搵下佢地飲下茶‧佢亦都話會搵佢老豆傾番，我都叫佢唔洗講...始終冇得好講，自己仔女同我，佢一定簡信自己仔女。(我覺得佢地都會認為係我令老公變成咁‧如果我老公會比我影響，我就唔會之前成日嘈佢，叫佢睇清楚佢D家人)，所以都唔好再講,...我一直的目的都想我老公去明白咩一回事，唔係我屈佢家人，依家佢比我知道佢係明白咁就OK，其他人...根本係成件事咁睇，就會知問題在哪，而唔會咁樣去怪我。依家佢老豆咁，講0來都冇用。

這件事暫時完結。而我都冇再見佢家人，以後也冇打算見。我都唔想我見到佢地我自己唔開心，佢地見到我又要諗野0來玩野或唔高興。佢地喜歡唱我講我...隨便，我唔介意做衰人，我只介意我老公成日唔出聲，為左唔想嘈而比佢地蝦(我之前覺得佢唔知或習慣左。這事先知佢其實好多野在心裡，就是為了不想父母唔開心先忍)。依家老公都睇清楚晒...對我來說，已經足夠。

不過最後，這好似成了夢魘一樣，久不久就在心中痛...可能我係一個要攪清楚件事的人，也好憎人屈我，依家就會心中會有鬥爭...老公明白已經好好，但另一方面，我真係比人屈。陰影好大。所以我希望借0係呢度講完成件事，當比自己一個了結。真係唔好再諗呢班人，唔好諗佢地點做我，唔好諗.....希望做得到。
(完)
私人傳訊

fungwongphie


珍珠宮

積分: 46799

趣教勳章 畀面勳章 貢獻勳章 大廚勳章 遊學勳章 冬日勳章 春季勳章 BK Milk勳章 hashtag影視迷勳章 月餅勳章 開心吸收勳章


2#
發表於 12-6-15 20:12 |只看該作者

回覆：成為罪人之旅----婚後篇(完)

對自己好D囉。人夾人緣
Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??
私人傳訊

whoami1977


子爵府

積分: 12175


3#
發表於 12-6-15 20:42 |只看該作者

回覆：mimilan 的帖子

唉，係一個死結！

只可以希望時間會沖淡佢地對你嘅傷害。

要學識放開。否則你只會更辛苦。

要愛惜c6多d，保償佢得唔到嘅親情。
私人傳訊

美亞


禁止發言

積分: 16954


4#
發表於 12-6-15 20:44 |只看該作者
提示: 作者被禁止或刪除 內容自動屏蔽
私人傳訊

cottonballball


男爵府

積分: 5755


5#
發表於 12-6-15 21:04 |只看該作者

回覆：成為罪人之旅----婚後篇(完)

明白你點解唔開心，因為你唔知佢地點解會咁對你，好似死得不明不白咁，有時人夾人緣，分分鍾佢地都唔記得點解會咁對你同幾時開始咁，只記得你唔同佢地say hi，下一次見到咪hi囉，個心鍾唔鍾意係一回事，禮數做足好。我成日都對自己講，禮多人不怪同日久見人心！你點諗我無問題，因為我係唔係你所諗咁時間會証明邊個啱同錯
私人傳訊

mimilan


複式洋房

積分: 211


6#
發表於 12-6-15 21:23 |只看該作者
多謝大家。總之4篇文...支持我的，我相信都會明白點解我會咁。批評過我的，我亦明白點解會受到批評，大部份的批評我都認同的，只是我諗係我交代得唔清楚點解我會做一個批評者所說的"公主"，"港女"行為。我自問eq低，也不聰明，好直既人，但我明白做我呢個角色，我最多只能在老公、朋友面前去講，0係佢地面前，我依家會做番一d要做既野，只係到了今時今日地步，我選擇唔見，係我都唔想忍唔到爆佢地，同時我真係扮唔到冇野!!我講得火爆係因為我一諗起，我真係好痛苦，但我唔係黑心，好似佢家姐做呢d野...講真!我真係想鬧番佢，幾百個原因講到佢講唔到都得!!但我都唔想激到佢老豆中風(聽老公講之前佢曾試過)，咁火爆既我都忍了回家最多真係同老公講就算...(好多朋友都話比著佢佢會走。) 我唔係好新抱，但亦唔會做到有心整死你，要落佢毒既人。即使我同老公講0個d野都係真有發生的問題，我只係想我老公知道，想佢明白，等佢唔好只掛住理家人感受而唔理自己感受，但事前就係我做衰人...講出呢d事就會令我好似係話緊佢家人...但唔講又可以點呢?

點都好，批評我的人說的話，我是明白的，比著我見到我寫既野都會有同一感覺，都覺得呢條女自己做到咁話咩人姐?!但原來好多野...自己去受既時候，文字係難以全部表達，感覺氣憤表達到出0來..但心中那鬱結係難以說得清。講出0來係等自己好過，唔係要人撐自己什麼...有些位我都做得唔好，但至少我真係唔可以做到含聲啞氣既人，明明比人恰都扮傻既聰明人...我做唔到。我只知依家呢個年代唔係以前，如果佢地要數臭我，何需用呢d方法?如果佢地覺得我有問題係完全係我問題，我會承認和道歉都得!!之前工作時個主管話我，我會承認過錯，比人話我我都接受，因為真係我做錯左，但有次係個客無故投訴，佢話我，我都即時反駁，因為我有point去証明自己冇錯。

針拮唔到肉唔知痛...我這事只係好小事，相比別人可能更係冇事一樣...但這屬個人感受...我不能與一些比我更慘的人相比。但點都好，我4篇水蛇春...多謝大家花時間去睇，謝謝。這4個post遲d我會刪除，希望等於在我心裡，這件事可以delete了...走出夢魘。
私人傳訊

mimilan


複式洋房

積分: 211


7#
發表於 12-6-15 21:28 |只看該作者
美亞 發表於 12-6-15 20:44
你C6明白你.而不強迫你去見果班"牛鬼蛇神" 已經好幸福.呢度有好多媽咪是逼迫見男家人GA。。。.其實你不用見 ...

之前佢都有叫我見呀....不過呢件事令佢覺得佢地呢班人真係好過份，先至冇再迫我再見佢地。但願受苦的新抱們都加油!
私人傳訊

mimilan


複式洋房

積分: 211


8#
發表於 12-6-15 21:31 |只看該作者
cottonballball 發表於 12-6-15 21:04
明白你點解唔開心，因為你唔知佢地點解會咁對你，好似死得不明不白咁，有時人夾人緣，分分鍾佢地都唔記得點 ...

初初我都有咁諗...但係對某人來說唔work的。佢地唔係同時唔like我，主要講都係佢兩公婆冇啦啦唔like我先...之後係佢地令到d人陸續有野姐...
你講死得不明不白..呢個point好中!!我就係表達唔到呢句野...沒錯!!如果我知點解，相信我會好好多。就係不明不白...先令我好難頂!!
私人傳訊

conniebebe


伯爵府

積分: 17266


9#
發表於 12-6-16 00:59 |只看該作者

回覆：成為罪人之旅----婚後篇(完)

好恐怖呀我都好擔心我c6個邊d姑x會咁.....我好驚我地big day個日佢地玩野 你真係勁，俾我，我會中途離場或者唔去...
私人傳訊

alicemic


翡翠宮

積分: 92598

2025勳章蛇年勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章


10#
發表於 12-6-16 01:43 |只看該作者
你有無聽過，係一班怪人入面既正常人先係怪人？

如果你真係憎佢哋憎到連假笑都笑唔出，就真係唔好返去，咁咪少好多麻煩囉！ 話你臭皮氣硬頸又唔係，因為搞到咁你仲會返去，但係返到去你又硬晒呔，比人入到位玩你，可能你仲後生，慢慢磨鍊下啦！
私人傳訊

waterlemon


珍珠宮

積分: 37960

wyeth冷知識勳章 畀面勳章


11#
發表於 12-6-16 01:43 |只看該作者

成為罪人之旅----婚後篇(完)
私人傳訊

wetwet54


別墅

積分: 638


12#
發表於 12-6-16 04:20 |只看該作者

回覆：成為罪人之旅----婚後篇(完)

好明白你的感受，唔好諗咁多令自己唔開心嘅嘢喇！ 做返自己啦，難得你老公都明白你嘛！ 唔洗見佢哋係開心事嚟呀，唔洗再睇佢哋面色嘛！
私人傳訊

miss_chan_bo_bo


別墅

積分: 778


13#
發表於 12-6-16 09:08 |只看該作者

回覆：成為罪人之旅----婚後篇(完)

係一班怪人入面既正常人先係怪人
＜＜＜＜不能應同更多!!!!!!!
私人傳訊

miumiu21


別墅

積分: 896


14#
發表於 12-6-16 11:19 |只看該作者

回覆：成為罪人之旅----婚後篇(完)

睇晒你四篇，好長！唔啱，大家都有。但應該都係一個誤會開始。如一開始你同佢地笑，佢會否睇唔到？而佢可能有同你笑，而你又miss左，咁就開始！其實細佬同你老公嘅關係變左肯定係因你而起了，可能你有時得罪左都唔知，你知啦，你又唔受得氣，又唔做得戲！佢地態度上唔尊重你有唔啱，至小要比面你老公，唔好搞到咁肉醉。但你同你老公都奇怪，人地想一家和睦，都係少生事端，唔使下下追究好似查案咁。但你老公又會同你講佢屋企人對你不滿，你又會大陣仗咁揾晒證據證明佢地對你老公差！好唔成熟！話你心痛老公唔想佢比人蝦不如話你夾硬挑撥另你老公同你同一陣線！講真佢對屋企人好有咩問題？人地幾十年相處都冇問題，係你認為有問題一定要扭轉你老公思想。其實你咁落力去知道大家對你睇法，去研究邊個對你地唔好最後得到乜？你eq唔高但又要去了解？你出發點係想搞好關係？找出真相？定天下大亂？最後結果未另到自己連一個笑容，一個招呼都冇辦法交貨。講真個個結婚都想一切依從自己喜好，唔使理人地架啦，但真正咁做嘅又有幾個？你想兩個人開心定大家開心？我就覺得大家開心重要d了。必竟中國人，點都有傳統野，父母意見不可不理。你講到咁着緊你老公，咁驚佢受氣，你又為佢做左乜？連難得一見咁一場戲都唔肯屈服，人地仲要已同你打招呼！個d點好都係你老公屋企人，同佢相處幾十年，因為你一個人，要同佢至親面阻，如果你愛佢，唔係一味去放大，惡化件事，而係要熄事靈人，或帮手搞好關係！調返轉，如果你老公成日講你屋企人事非，成日話人唔尊重你，蝦你你會點？就算係真都唔願聽啦！有時我媽都愛係我面前講6299事非，我寧願唔聽，聽得來自己唔舒服，又影響第日相處，點解要聽？冇人有義務要去完全接受一個人，至親也會有茅盾，重點係點樣面對同解決。成熟d啦！
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy