吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 吵大鑊...誰是誰非??

夫婦情感今日: 14|主題: 42783

收藏本版

發帖

返回列表

跳至頁

查看: 4485 | 回覆: 52

吵大鑊...誰是誰非?? [複製鏈接]

12 3

媽媽可人

子爵府

積分: 10097

1^#

發表於 06-2-4 01:21 |只看該作者

吵大鑊...誰是誰非??

話說在bb擺滿月酒上...bb和他的媽媽(我)沒有位子坐...........主家席.....是怎樣厘定的??他老爸..他老媽..他弟弟...他妹妹...妹妹男友...老媽契仔...甚麼表舅母...甚麼細舅母和他兩個子女....他表弟...表弟老婆...一個非常普通的朋友...............................這裡已經13人........ 請問我坐在那裡???????????????工人呢?????????那麼我的媽媽和妹妹呢???????????? 於是我媽媽說..........「為什麼我女沒有位子...她要坐這裡...不能坐在別處喎..........我唔坐唔緊要.....」對著佢講........你這樣洽個老婆....位都無得坐............ 誰不知......佢個妹竟然說..........說我媽不知所謂............真無譜..........跟住佢阿媽...即係我奶奶.....係度喊....話...我唔食啦...我走啦....

之後果幾晚...晚晚都嘈到拆天...佢猛話我阿媽唔啱...係咁多人面前話佢...佢好無面...咁我話洗唔洗我叫佢同你跪地道歉呀???跟住我打俾我阿媽...當時已是凌晨三點...佢話過來...點知個99又話來...講數咁....最後佢地三仔乸喊晒...(我話佢地扮野...扮懺悔)話以後唔會再提這件事....

但..........我老公年初一要返工...我原本好高興...可以等佢放左工先入去99度...但佢話...佢阿媽話唔想佢咁辛苦...大年初一過來我地屋企...真攪笑...我都未聽過個99年初一去個新抱度拜年...跟住佢話放假...湊我bb返佢度玩幾日....on 9....我俾左個仔佢...我年初二抱咩去我阿媽度拜年...我緊係話唔得啦... 佢同佢阿媽講既理由係....個仔咁細個喎....我話佢都癲既... 我老公從來無提過年初二去我阿媽度...

跟住佢就發癲...話唔洗去佢度...仲好!!!!我老公年初四放假....咁我地咪抱埋bb去佢度拜年囉....點知..............

去到我99唔係度...62一見到我就話我年初一唔打電話俾99...佢嬲....佢話係基本禮貌....我都廢是采佢...我都唔興妮家野....跟住又話男擺酒果晚我阿媽嘈佢地....都過左咁耐啦...又係佢地話唔提...而家又講...不知所謂....

我99返來見到我地係度...又鬧...做咩入來...都叫你地唔好來....我走啦...得個講字...咪又係無度嘈冤巴閉....

跟住佢話我...兩母女都變態架...我嬲到震...原本我餵緊bb食奶...我即刻唔俾佢食...揹手袋...再攞住個bb袋走囉...隻死狗又係度狂吠...出左門口係架lift度又你推我撞...咁究竟係邊個變態姐.... 利是都無一封...bb餓足兩個鐘...依然無扭計....俾個叻佢...

我講過我唔會再去見佢地...同埋我都唔想我bb見佢地...

到今日....佢依然覺得佢屋企人無做錯...就算bb滿月我無位坐...佢都唔覺得自己屋企有問題....仍然講我阿媽唔啱...因為在咁多人面前鬧佢...落佢面喎...

成家人都賤格...

私人傳訊

小香香

禁止訪問

積分: 12931

2^#

發表於 06-2-4 01:27 |只看該作者

Re: 吵大鑊...誰是誰非??

提示: 作者被禁止或刪除內容自動屏蔽

私人傳訊

Sadness

男爵府

積分: 9546

3^#

發表於 06-2-4 01:58 |只看該作者

Re: 吵大鑊...誰是誰非??

你老公成家人都變態的！不知所謂！你老公應該明白一樣野：面係人地比的，假就自己掉的！講真，佢都唔比面你同你媽咪，咁仲駛咩比面呢d人？！

真係火滾~~~

淡而無味

私人傳訊

oscarling

複式洋房

積分: 327

4^#

發表於 06-2-4 02:11 |只看該作者

Re: 吵大鑊...誰是誰非??

痴孖根 -_- 主角都冇位坐 -_-?
你老公又係有d問題 -_-
你奶奶都發花癲 -_- 持老賣老 -_-
比我都抱個baby走人 -_-
過一期先再見面 -_- 廢事又嘈 -_-

私人傳訊

patchan2046

洋房

積分: 218

5^#

發表於 06-2-4 02:30 |只看該作者

Re: 吵大鑊...誰是誰非??

嘩..佢果家人係未痴線架.

擺滿月主角都冇位坐

99真係顛架,

私人傳訊

媽媽可人

子爵府

積分: 10097

6^#

發表於 06-2-4 08:02 |只看該作者

Re: 吵大鑊...誰是誰非??

patchan2046 寫道:
嘩..佢果家人係未痴線架.

擺滿月主角都冇位坐

99真係顛架,

patchan...

個死62初四果日仲話我....我有叫係坐架....
我心諗...坐邊呀??坐大'俾'呀??
我無得佢...抱住bb走囉....

私人傳訊

媽媽可人

子爵府

積分: 10097

7^#

發表於 06-2-4 08:03 |只看該作者

Re: 吵大鑊...誰是誰非??

sadness...

你都話

...

有無覺得你夫家的人已經好好啦.... :-(

私人傳訊

stkyo

象牙宮

積分: 206249

牛年勳章 HiPP勳章(1) 2018復活節勳章 15週年勳章親子王國15週年勳章玩具勳章畀面勳章環保接龍勳章大廚勳章親子達人勳章 wyeth冷知識勳章 BK Milk勳章 hashtag影視迷勳章育兒性格勳章認識瑞士牛牛第一回認識瑞士牛牛第二回最關心BB問題熱投勳章開心吸收勳章

8^#

發表於 06-2-4 09:02 |只看該作者

Re: 吵大鑊...誰是誰非??

嘩！咁既人都有架，如果係我，我一早鬧左你個姨仔先，無大無細，咁又係，有個咁既阿媽，好難教好下一代既...你老公仲離譜，如果係我，我諗我無辦法再忍受D咁既人... :lol:

個陣同我老公結婚擺酒，本來預計擺26圍，點知擺左30圍出黎，我奶奶夠膽死叫我老公問我，叫我問我阿媽係咪請多左人，因為佢只係包我阿媽5圍酒席，我即時拍抬鬧我老公『駛唔駛數人頭呀？』

我老公先話，問下之嘛！駛唔駛咁嬲，唔嬲就假，咁即係話我阿媽呃你酒席同禮金錢啦！

後尾返到屋企，我奶奶先話原來係佢個邊多左人黎，佢寫請柬個陣就寫明"先生夫人"，但係預人地一個人黎喎...佢話估唔到D人咁比面，一家人黎齊哂喎！你話屎唔屎

私人傳訊

李吳知道

男爵府

積分: 5206

9^#

發表於 06-2-4 09:10 |只看該作者

Re: 吵大鑊...誰是誰非??

你都算係EQ高, 如果唔算, 我EQ絕對係低至極點!!!!

滿月果晚見到咁o既環境, 我會唔洗阿媽出聲, 我已搶先講：『阿99, 你地食完就打包比我啦, 屋企寬敞d呀!』轉身就撇啦!

拜年??? 佢要主動過黎就過黎, 但佢唔係屋主, 唔好同我阿支阿左! 至於過佢屋企拜年??? 咁難相處, 唔洗旨意我會去!

年初一打電話比99拜年??? 叫老公打返去先, 由佢同佢阿媽講話交個電話比我同佢老人家拜年, 佢阿媽唔想同我講就仲好, 慳番!!

以後當唔識啦!!!

睇到眼火爆!

私人傳訊

大眼肥妹

禁止訪問

積分: 8013

10^#

發表於 06-2-4 09:28 |只看該作者

Re: 吵大鑊...誰是誰非??

提示: 作者被禁止或刪除內容自動屏蔽

私人傳訊

ringoivy

翡翠宮

積分: 76971

11^#

發表於 06-2-4 09:29 |只看該作者

Re: 吵大鑊...誰是誰非??

死啦你咁講我突然醒起我個仔擺滿月時得個幾圍酒都無分主家唔主家, 但我同老公都係分開坐, 因為唔夠位開多枱又意頭唔好, 所以bb同我跟媽咪坐無同62 99坐唔知男家有無人講過話我應該去同62 99坐呢

因為我抱住bb去左媽咪個圍坐好似變相個位係主家咁添 :cry:

不過我見有d人擺滿月係有分男女主家兩圍都係用紅布的, 倘若當晚你係有兩圍用紅布的話我覺得就無謂噪囉, 但得一圍用紅布的話, 咁你老公係同你一樣無位坐主家? 定係你一個同媽咪無先

若果得個一圍主家席你同老公bb都無份坐的話我都唔會出聲, 同媽咪坐開去話知佢地, 你估人地真係無眼同無心肝知道件事邊個著, 邊個唔著咩

只不過個d係佢既親戚唔好意思得罪佢之嘛, 因為佢老人家咁誠意拳拳叫佢地d無謂人坐主家幾有面呀 :-x 所以坐主家席既人邊個敢出聲呀

除非佢係一個好識做既人又唔賣你99帳啦, 不過照咁睇個d人都係賣你99帳的, 都係個d同流合污人 (是非精)

我都明你媽咪見你好似比人恰咁所以幫你出頭, 但幾時都係邊個挑起個頭鬧起先或打起先都比人有唔啱既感覺, 因為佢地班人老土, 你亞媽咁樣一噪d焦點就會落曬去你媽咪身上, 在喜慶場合上破壞左個氣氛 :cry: 只於你62比說話你聽, 話年初一應該打電話同99拜年, 我會即時回應佢一句, 若要人地尊重你地d老人家都要d老人家學懂尊重下人先, 佢都唔尊重人放人在眼裡, 當日我都係主人家之一竟然無主家席坐, 咁佢即係無當過我係自己人, 咁你又教我點去尊重佢呀

私人傳訊

joanthony

禁止訪問

積分: 6443

12^#

發表於 06-2-4 09:34 |只看該作者

Re: 吵大鑊...誰是誰非??

提示: 作者被禁止或刪除內容自動屏蔽

私人傳訊

ringoivy

翡翠宮

積分: 76971

13^#

發表於 06-2-4 09:41 |只看該作者

Re: 吵大鑊...誰是誰非??

都係架, 你地d人點解會有婆媳就係因為平時都唔出聲唔反應對自己既不利, 攪到谷谷埋埋氣c自己之餘, d人只會得寸進尺咁去攻擊你, 所以適當既反抗係有必要的.

我就係擺到明起 kong 既人黎, 但人不犯我, 我不犯人

私人傳訊

cool_BB

大宅

積分: 3831

14^#

發表於 06-2-4 09:57 |只看該作者

Re: 吵大鑊...誰是誰非??

其實我覺得吵大鑊時

無話誰是誰非，因為緊係各執一詞，公說公有理，婆說婆有理，覺得自己啱先至會吵大鑊啦！

如果覺得自己啱又駛乜同佢哋講咁多喎！

不過我都覺得你好犀利！

有個咁?-(嘅奶奶、老爺、老公……真係佩服得

，其實我真係唔係好明

，當初點解你會同佢結婚？？
如果我係你，我諗我已經同我老公離咗婚九年…或者日日都同佢

私人傳訊

BonnieKam

水晶宮

積分: 65650

畀面勳章

15^#

發表於 06-2-4 10:07 |只看該作者

Re: 吵大鑊...誰是誰非??

媽媽可人

每次睇到你講你c6 & 99 d post 都睇到火滾, 你c6家人全家都不知所謂, 都唔知係咩人種嚟架. 我覺得你依家只有兩條路, 一係離婚 (當然我唔主張啦, 除非你同你c6 真係連感情都無埋), 一係就以後"少見為妙", 無謂成日令自已唔開心 !

你c6要見佢自已老母咪由得佢自已去囉, 但你一定要同你c6表明立場, 你同佢講"我同你老母全家已勢成水火, 積怨實在太深, 無可能喺短時間內能化解, 如果你想我地呢段婚姻可以繼續維持落去, 個仔可以在快樂環境下成長, 同埋唔想再有"六國大封相"嘅場面出現, 唔該你以後唔好再勉強我要我返你老母度" !!

私人傳訊

李吳知道

男爵府

積分: 5206

16^#

發表於 06-2-4 10:17 |只看該作者

Re: 吵大鑊...誰是誰非??

joanthony 寫道:
p.s. 我都唔明點解你會同你c6結婚, 距又唔係對你好 (你講到), 99成家直情生番, 不過如果老公幫你錫你都無計... 但又唔係... 重要公一份婆一份tim,衰過做女果陣點解要嫁呢 ? 生埋仔都唔對你好d ...... 做人都係想開心姐..... 其實你知唔知距地因乜野噤唔中意你, 對你噤差既 ?? 有無諗過 ??

Agreed.....

私人傳訊

joeyma

男爵府

積分: 8773

17^#

發表於 06-2-4 11:04 |只看該作者

Re: 吵大鑊...誰是誰非??

BonnieKam 寫道:
媽媽可人

每次睇到你講你c6 & 99 d post 都睇到火滾, 你c6家人全家都不知所謂, 都唔知係咩人種嚟架. 我覺得你依家只有兩條路, 一係離婚 (當然我唔主張啦, 除非你同你c6 真係連感情都無埋), 一係就以後"少見為妙", 無謂成日令自已唔開心 !

你c6要見佢自已老母咪由得佢自已去囉, 但你一定要同你c6表明立場, 你同佢講"我同你老母全家已勢成水火, 積怨實在太深, 無可能喺短時間內能化解, 如果你想我地呢段婚姻可以繼續維持落去, 個仔可以在快樂環境下成長, 同埋唔想再有"六國大封相"嘅場面出現, 唔該你以後唔好再勉強我要我返你老母度" !!

我係極認同BONNIEKAM既說話，同你老公都CALM DOWN時，同佢講：「62 99咁對我，我唔會再去見佢地，除非你想因佢而搞到我地離婚啦！但為佐頭家，我係唔想離婚架！」

我果時都係成年冇見我99，大家不相往來。直至佢屋企人話我就黎生，點都去見見佢，咁我同我老公咪上去一次囉，果时我99變得幾客氣啊！佢地真係犯賤架！！你試下對佢地既客氣又冷淡下啦！！不過，呢一段時間都係唔好見啦！！