夫婦情感今日: 2|主題: 42793

收藏本版

發帖

返回列表

跳至頁

查看: 1239 | 回覆: 5

突然覺得做人好茅盾 [複製鏈接]

八哥媽咪

洋房

積分: 41

1^#

發表於 06-2-4 14:35 |只看該作者

突然覺得做人好茅盾

之前我post過話我自己好憎我老爺<--因為佢十幾年前因為
女人而離開我老公同我奶奶...依家估唔到事情會發生係我自己屋企人身上...個心好痛..雖然我爸爸無離開媽媽..但......
個心真係好痛..一個好好先生..行錯一步..真係令屋企同仔女受好大傷害...我好鍚我爸爸架..但..呢一次佢既錯..我真係好心痛..但...我唔可以怪佢..我原諒佢..我唔知點好...媽媽亦好似...原諒左佢..希望真係原諒佢一次既做錯..查實咁樣對我黎講真係好大既陰影..亦唔知點去面對佢地兩個咁...爸爸錯左果一刻..佢已經即時知道自己錯左..只係一步..已經令屋企人對佢冷淡無情..我既哥哥姐姐都已經用d唔多友善既眼光去對待佢..而我.....真係好難做人...夾係中間..真係好辛苦..你要我嬲..我又嬲唔落..但..要我同佢講好說話未免有d背住良心..
但..爸爸既眼神..既態度..既行為..比我知道佢已經知道自己好錯...好唔應該..我喊左好耐..同爸爸講..做人..真係好難..
一步行錯..就影響自己之如..亦影響身邊所有人..媽媽因為
呢件事引發左心臟病同情緒病出黎...媽媽比較保守要面子既人...暫時呢幾日都好似已經平靜左..但..我知道佢個心仍然好痛....我怕佢唔知邊一日會突然想起d傻事..我真係好驚...第一個知道件事既係我...所以我特別驚...媽媽情緒失控既時候
對住我笑..........我真係唔知應該點做..我講野比較直...
佢唔係太鐘意令我講野...所以依家我都比較少講說話..費事挑起佢...因為爸爸做錯事..=我自己已經無左半個老豆..
因為將來大家仍然會記得爸爸曾經錯過...媽媽係一個好心軟既人,呢個我知道..所以呢幾日佢地有同爸爸一齊飲茶食飯
或者呢d就叫有得必有失..
現在只可以阿q精神..爸爸錯一次..媽媽可以完完全全成為勝利者..完完全全擁有返個老公..幾十歲人..真係唔好攪呢d野..
睇怕..我同我老公亦引以為監<--唔知有無打錯

幸好既係..媽媽好鍚哥哥..哥哥又就黎做老豆..所以我估媽媽係睇在哥哥份上...希望哥哥照顧多一點佢啦..
而姐姐<--身份上係..感情已經唔係既佢..一定唔會讓步
因為姐姐十幾年前自己離家出走..已經同爸爸同我反左面
佢都幫唔上咩忙...我屋企真係七個禁亂..有時真係好淡...
但..好彩既係老公同奶奶一家人都好鍚我..當係比我既安慰
係另一個家唔需要我再去面對呢d事..得到左平衡..如果唔係..我真係唔知會點..依家大家都心情平復晒..希望呢d事就咁了結.....老爺又係咁老豆又係咁..原來真係好心痛........
以前可以好理直氣壯話我老爺..依家..真係好笑..亦覺得世事無常..估唔到既事..往往會發生係自己身上...真係要珍惜眼前人...難聽d講句..如果今次發生意外..爸爸就成為左千古罪人
....唉..........

ps..我只係想發洩下...