咁每個人吾理佢係女人定係男人,無心機嗰陣自自然然就會情緒化同玩頽廢架喇...!我隻佬有時都係咁架!亞JOHN(大姨丈)黎探佢,佢既徵狀完全係你隻佬既表現,個仔又無做D咩特別曳既野,活潑左少少啫,都可以俾爸爸(我隻佬)鬧到風COME咁,再吾係就GUT頭GUT勢,日日對住個門神我都差D想打鑊佢! 
至於搵工,每個人既諗法吾同既,有D人會覺得份工幾咁吾好做都為左錢而做,覺得係天經地義既事,但係亦有D人覺得錢吾係最重要問題,而係份工適吾適合自己,如果做份工自己又做得吾稱職,一D成功感都無,份工做吾做都罷!我就係後者,如果做一份工我一D成功感都無,仲要搞到連我自己都覺得幫唔到手,無X用,咁我覺得淨係為逗份糧而去捱住番份工都無意思囉! dudu19812002 寫道:
我老公突然又心情唔好,佢成日都係咁!佢一心情唔好,就算啲小朋友做左一啲佢覺得唔順眼既嘢,就鬧佢地...唉~~
我一日做到黑我都未發脾氣,佢雖然依家冇工作做,但佢自己又要求多多,去選擇性搵工!我都唔知道佢想點~佢成日在家睇電視,又話悶~有時我覺得佢自己攞來的話!我病佢都唔幫我手!小朋友有事搵大人幫佢又唔理,我忙到死又要我攪,我都唔知佢做什麼....唉..對住佢咁仲慘過做成日家務..結婚前都唔係咁 :cry:
), 只係男人心煩, 對自己有懷疑(冇收入, 冇工作)時既typical反應啫(你有冇睇過"men are from mars..."果本書?). 係呢個時候, 你切忌關心, 俾意見.....無論用意幾善良, 幾咁出於愛, 都必死無疑. 更加唔好(指望)係呢段時間會得到佢既關心. 佢連自己都搞唔掂, 點關心你呢? 你最好盡量自己搞掂, 過正常生活, 唔好嬲, 當冇事發生, 到佢正常番就冇野. 咪當佢感冒囉, 男人就係咁架啦, 唔好諗住佢冇野做係屋企等於會主動幫你手. 點解我會知? 經驗之談囉.
發表於 
返回列表
