Baby Kingdom - 親子王國 香港 討論區 › 首頁 › 少年成長› 讓定唔讓?

少年成長

收藏本版
發帖
返回列表
跳至頁
讓定唔讓? [複製鏈接]

首頁
1

尾頁
   0
靖嵐


子爵府

積分: 11973

好媽媽勳章


1#
發表於 06-2-21 00:10 |只看該作者

讓定唔讓?

我個女算聽話, 同小朋友玩同佢講明細個佢記得要讓, 因為人o地未識, 佢一定讓..
同同齡小朋友玩, 爭起上黎同佢講, 不如試o下讓人啦, 大多數情況佢都會讓, 有時亦會主動禮讓...

但今日個情況係....
去朋友屋企玩, 準備食飯, 小朋友通常鍾意用細table細seat, 咁個個都坐好一張seat, 唯獨我女同一個兩歲未坐, 咁我個女大個d腳長d梗係行得快少少, 但兩歲小朋友一行到埋去就話"我架, 我架!", 咁我就同我女講, 不如讓o下妹妹, 但我女講, 妹妹行開o左, 冇人佢就可以坐, 意思就好似街玩騎木馬o個d, 唔可以霸... 我都未再繼續同我個女講時, 個妹妹就打o左我個女幾o下, 點知側面d朋友見唔到個情況就繼續叫我個女讓比個妹妹, 於是我個女就好唔開心喊起上黎, 我個女同我講, 次次去姨姨度都得佢讓小朋友坐細seat, 次次佢都係坐sofa屈住個身食... 最後姨姨唯有叫哂所有小朋友上大table食, 我個女先叫好d...

其實o係"讓"o既情況, 我個女以前都有話過:"點解次次都要我讓人, 人o地讓我一次就唔得, 點解小朋友d呀媽唔教?"

比你o地會點做?
我想要9999呀...
私人傳訊

該用戶已被刪除

2#
發表於 06-2-21 08:46 |只看該作者

Re: 讓定唔讓?

提示: 作者被禁止或刪除 內容自動屏蔽
私人傳訊

袁太


大宅

積分: 1397


3#
發表於 06-2-21 11:00 |只看該作者

Re: 讓定唔讓?

我覺得問題係唔夠凳俾小朋友坐，咁唔夠分實有得爭，係大人安排欠妥，如果可以就安排多張凳仔，唔係就讚你女大個又識禮讓所以邀請佢同大人一齊坐。俾我如果有朋友的小朋友打我女我一定出聲叫個小朋友唔好打人的，一出聲D家長就會處理，咁亦可以教個女打人係唔 arm 的，我唔讚成樣樣咁讓人，咁會令小朋友好唔開心。
私人傳訊

甜芋


男爵府

積分: 6994


4#
發表於 06-2-21 11:11 |只看該作者

Re: 讓定唔讓?

哈囉 ! 靖嵐媽媽. 就你呢件事0黎睇.換咗係我,我會俾小朋友自己會處理.

首先,你教導靖嵐謙讓的美德.是正面的.但從小朋友的角度來講,靖嵐覺得自己很委曲,以致於傷心的哭了.----這里,我覺得沒有必要讓自己的孩子吃虧.

我的大兒子今年5月就5歲了.對於小朋友來講,我覺得謙讓,適可而止就可以了.靖嵐長大了,可以表達出:點解次次都要我讓人, 人o地讓我一次就唔得, 點解小朋友d呀媽唔教.但是性格較文靜或被動的小朋友可能就此會一路開始謙讓.長久下去,會不會因此變得懦弱.

我覺得你朋友做得啱.叫晒小朋友去大枱度食.安撫咗靖嵐.

以上係我個人觀點.因為我都遇過同樣0既問題.不如,今晚瞓覺前,你同靖嵐傾吓解.贊吓佢乖女又叻女.係你心中肯定咗靖嵐先.跟住再講吓0固d小朋友同佢地0既父母,有邊d要改.你地講時,就好似朋友傾解咁.

快樂的甜芋快樂的甜芋
私人傳訊

kikimon


別墅

積分: 943


5#
發表於 06-2-21 11:13 |只看該作者

Re: 讓定唔讓?

靖嵐 寫道:
我個女算聽話, 同小朋友玩同佢講明細個佢記得要讓, 因為人o地未識, 佢一定讓..

我個女同我講, 次次去姨姨度都得佢讓小朋友坐細seat, 次次佢都係坐sofa屈住個身食...


我覺得靖嵐今次好有道理, 點解次次都去gathering, 次次都唔夠位坐, 又唔係一次半次, 次次都要佢讓, 真係有d唔公平, 除非去聚會之前已經事先聲明靖嵐係最大果個小朋友, 唔夠位坐要讓俾細既坐先, 甘又另計.....

我甘講好似我企晒係靖嵐果邊, 其實我覺得平時靖嵐已經係好乖巧懂事既小孩子, 但今次事件我就覺得同懂事乖巧無關, 我反而欣賞靖嵐佢據理力爭既精神同勇氣......如果下次又聚會, 可否叫所有小朋友一起數一下坐位是否足夠, 如果不足夠就請小朋友一起討論研究如何安排坐位最佳大歡喜.....又或者事先同靖嵐討論一下, 因為靖嵐係最大最懂事果個小朋友, 一會兒坐位不足, 又會請最懂事果個小朋友讓坐, 到時你會唔會介意呀, 如果介意又可以點樣處理呀之類...


私人傳訊

yuenwa


男爵府

積分: 5774


6#
發表於 06-2-21 12:55 |只看該作者

Re: 讓定唔讓?

換轉是我, 我會對亞囡說, 有甚麼大不了, 張seat又不是你的, 誰坐都沒關係, 不如和媽咪一齊坐, 重有好多好
私人傳訊

靖嵐


子爵府

積分: 11973

好媽媽勳章


7#
發表於 06-2-21 14:04 |只看該作者

Re: 讓定唔讓?

多謝大家回應~

其實在於我自己黎睇, 我自己覺得兩個都冇錯, 因為兩歲正處於似懂非懂o既階段, 妹妹仲未明話"離開o左第二個人就有權坐o既道理", 而當時我都講過冇其他人見到發生咩事(包括妹妹媽媽, 當然事後我有講返比朋友聽佢女打我女)... 其實係夠細seat, 而我囡囡當時又想讓又想爭取自己想要o既o野, 但比個妹妹打後就變o左人o地唔o岩點解自己仲要讓步? 仲要有人好似"推波助瀾"? 唔記得講, 發生妹妹依件事前佢已經讓o左其他小朋友坐公仔seat....

sophie&sara, 甜芋,
我個女好明白依個係好行為, 所以平日佢都會讓/主動讓, 不過我有時都諗, 讓讓o下會唔會變o左唔止謙讓? 唔再去爭取就變成懦弱? 淨係因為有人讚先咁做?(但我相信唔會係因為讚)... 所以我覺得佢自己要爭取時又唔係冇道理的話, 我就應該更加要support.
我個女問過, 依個世界得佢一個好係冇用, 其他人壞成個世界都會係壞, 佢可能仲會受到傷害.. 仲有, 佢覺得唔讓其實係唔係一個壞行為呢?

kikimom,
其實都唔算唔公平, 因我個女算聽話, 平時問佢肯唔肯讓, 佢通常好快答應就冇謂搬哂所有seat出黎, 同可能平時只有2-3個小朋友, 大人小朋友都坐一table.. 但琴日就7個小朋友, 如果得佢坐sofa/跟大人坐就變佢係小數, 邊個小朋友唔想跟返小朋友一齊呢?
講真, 除o左個妹妹, 我女係最細...

yuenwa,
可能你囡囡仲細, 未話好enjoy同其他小朋友一齊, 你o個d招數我女細個就用到.. 倒返轉頭你會唔會自己坐落話不投機o既table食飯而唔去同朋友一齊坐低傾計食飯?
其實未趕得切同我女傾話有冇更加好方法時, 朋友已經即刻叫所有小朋友上大table食... 咁我都好認同依個方法...
我想要9999呀...
私人傳訊

甜芋


男爵府

積分: 6994


8#
發表於 06-2-21 14:56 |只看該作者

Re: 讓定唔讓?

你好呀!靖嵐媽媽.我個人認為,教導孩子禮讓已經可以.像靖嵐這般年紀的小朋友,讓他們自己把握吧.當然,2歲左右的孩子,自控能力有限.尚需要引導.根據當時環境,換了是我,可能會和Oma商量一下,讓他想個辦法安排.

"我個女問過, 依個世界得佢一個好係冇用, 其他人壞成個世界都會係壞, 佢可能仲會受到傷害.. 仲有, 佢覺得唔讓其實係唔係一個壞行為呢?"-------------現實生活中.比如我們坐長途巴士.兩個小時的車程.你會不會讓位子給別人坐呢?我覺得,可能因人而異了.讓位子的人,會得到在坐人的尊重,是一種美德.但沒讓的話,可能會有固中的原因.畢竟人性都有自私的一面.你覺得呢?

我覺得,我們為人父母的.只要用正確的心態和行為去面對同引導.是非可以等孩子慢慢去体會,分析及處理.
快樂的甜芋快樂的甜芋
私人傳訊

靖嵐


子爵府

積分: 11973

好媽媽勳章


9#
發表於 06-2-21 15:16 |只看該作者

Re: 讓定唔讓?

甜芋,
所以之前佢同其他同齡小朋友點分配有公仔o既seat我唔理, 佢自動做到禮讓, 我自己已經覺得驕傲 :mrgreen:... 但對於兩歲小朋友就真係有d尷尬... 好彩我女係樂觀o既小朋友, 食完飯之後都繼續同妹妹玩...
你舉個例, 靖嵐一定會做, 因為佢對自己好高要求, 所以佢"希望"佢身邊o既朋友都可以係咁.... 以前o係火車有人食o野, 返學有同學唔乖, 小巴有人唔帶安全帶佢會好嬲好勞氣, 經過我同老師不停講不停勸, 已經好o左好多...
我想要9999呀...
私人傳訊

Sindy


珍珠宮

積分: 34108

好媽媽勳章


10#
發表於 06-2-21 15:37 |只看該作者

Re: 讓定唔讓?

靖嵐 寫道:

其實o係"讓"o既情況, 我個女以前都有話過:"點解次次都要我讓人, 人o地讓我一次就唔得, 點解小朋友d呀媽唔教?"

比你o地會點做?


我比較留意佢有d咁既說話.....老實講...到時情況我先知係點,但你女講得出呢d說話,你要好好了解佢先好,佢理解力好高,似足我細女呀....
私人傳訊

靖嵐


子爵府

積分: 11973

好媽媽勳章


11#
發表於 06-2-21 18:11 |只看該作者

Re: 讓定唔讓?

sindy,
哈哈~ 唔知你記唔記得我o係第二個topic講過, 我好欣賞你o既留言, 因為我成日有留意, 覺得靖嵐真係有d似你個女...
唔知你個女有冇講過依句說話? 你又點答? 我女當時講我話人o地都有教, 只不過小朋友未學識.. 咁佢又答, 幾時先學識, 我話有d快有d慢... 佢就話佢自己都可以做到, 大家都係x歲, 返o左學都成年, 點解佢自己會咁叻? 所以有時正面讚賞對於佢黎講已經唔算太有用, 因為佢自己要求高通常會做到... 佢亦問我比人讚有咩用? 我話開心... 佢話咁開心完呢? 佢自己做好多o野都可以好開心, 但佢都鍾意人讚美佢
我想要9999呀...
私人傳訊

Sindy


珍珠宮

積分: 34108

好媽媽勳章


12#
發表於 06-2-21 23:32 |只看該作者

Re: 讓定唔讓?

靖嵐 寫道:
sindy,
哈哈~ 唔知你記唔記得我o係第二個topic講過, 我好欣賞你o既留言, 因為我成日有留意, 覺得靖嵐真係有d似你個女...
唔知你個女有冇講過依句說話? 你又點答? 我女當時講我話人o地都有教, 只不過小朋友未學識.. 咁佢又答, 幾時先學識, 我話有d快有d慢... 佢就話佢自己都可以做到, 大家都係x歲, 返o左學都成年, 點解佢自己會咁叻? 所以有時正面讚賞對於佢黎講已經唔算太有用, 因為佢自己要求高通常會做到... 佢亦問我比人讚有咩用? 我話開心... 佢話咁開心完呢? 佢自己做好多o野都可以好開心, 但佢都鍾意人讚美佢


我女成日都會講,我權威咁話:唔好理人地,人地去搶野,唔通你又去啦喎,唔通人地曳，你又曳咩，要有自己諗野既能力，唔係乜都跟人既．．．．．唔知我咁講有無用�啱唔啱，但咁佢又無得答，我好著意佢自己有自己主見，當佢講既野係啱時，我都會接納．．．．不過我都要好小心，因為佢有好多歪理．．．．．
私人傳訊

靖嵐


子爵府

積分: 11973

好媽媽勳章


13#
發表於 06-2-22 13:09 |只看該作者

Re: 讓定唔讓?

sindy,
哈哈~ 我個女自己都識好似你咁講, 所以佢"希望"佢d朋友都可以乖囉...
我想要9999呀...
私人傳訊

Sindy


珍珠宮

積分: 34108

好媽媽勳章


14#
發表於 06-2-22 13:23 |只看該作者

Re: 讓定唔讓?

靖嵐 寫道:
sindy,
哈哈~ 我個女自己都識好似你咁講, 所以佢"希望"佢d朋友都可以乖囉...


所以我而家分析能力都高左,因為遇著佢地答/問野,似是而非,要分析得好清楚,用好大耐心同佢講..........所以我都好倦架
私人傳訊

kikimon


別墅

積分: 943


15#
發表於 06-2-23 12:41 |只看該作者

Re: 讓定唔讓?

靖嵐 寫道:
我個女問過, 依個世界得佢一個好係冇用, 其他人壞成個世界都會係壞, 佢可能仲會受到傷害.. 仲有, 佢覺得唔讓其實係唔係一個壞行為呢?


靖嵐甘細個人仔就唸野甘深入, 又表達清晰, 真係一D都唔簡單.......我覺得其實讓定唔讓都無錯對之分, 視乎價值觀及當時情況, 如果因為出發點係靖嵐乖及聽話就要被要求讓坐, 而不是佢想體諒別人而讓坐, 我始終有一份不公平既感覺, (我相信體貼又懂事既乖孩子有時都想放縱任性一下), 不過身為第三者我既感覺毫不相干, 最重要係當時人既感覺, 我相信靖嵐心裡已經有答案, 否則佢不會嘗試據理力爭及心有不甘而哭, 當然照表面睇讓俾一個兩歲甘細既妹妹係理所當然既事, 俾著我都會叫囡囡讓坐俾妹妹, 但我覺得靖嵐講得出次次都要讓, 以及有以上既提問, 就唔係個別事件甘簡單, 到底做好人有咩樂趣, 壞人是否有更多權益更多樂趣呢, 做好人定壞人好呢, 除左"不讓及"相讓”, 有無其他解決辦法呢, 真的要多d空間去思考答案……而且一班小朋友玩耍時可以開開心心高高興興, 遇上有問題時何不借機會學習相親相愛一起想辦法去解決難題…以靖嵐既聰明及口才, 我覺得佢可以順便訓練發揮一下影響力及領導能力都未定, 用小生命影響小生命都未必不可能呀…


私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見