少年成長 今日: 1 | 主題: 16046

積分: 15667

1^#

發表於 12-8-11 15:29 |只看該作者 |倒序瀏覽 |打印

我仔仔7周大，由出細一個禮拜後開始，阿仔唔會喊好多，但係日頭一餐奶與另一餐奶之間可以NON-STOP咁不停撐手撐腳，直到肚餓先會喊下一餐，連食奶既時候都唔會乖乖地食，會撐手撐腳我要質佢個頭埋我乳頭佢先食，食到佢眼瞓先會停。
請問呢啲會唔會同ADHD有啲關連？因為我阿媽話我同我阿哥細個都冇咁樣既情況，我奶奶話我老公都冇，所以有啲擔心，請有經驗既媽媽解答下我好嗎？

我第一次媽媽，可能過份緊張，請見諒。

0 0 0

2011/10/31 6W2D 閃閃
2012/06/20 39W4D 出世
全人奶媽努力中！

私人傳訊

積分: 49228

2^#

發表於 12-8-11 22:30 |只看該作者

初頭見你話bb得7 weeks,都覺得你有點緊張!但擔心自己仔女,無話錯嘅!也相信你很想有人能明白你的擔憂!
我個仔,由bb開始也一樣係撐手撐腳,連瞓覺都唔易瞓著,不停旭來旭去,點會容易瞓得著,我要用力將佢d手脚按著,才會慢慢瞓得著,一直長大,佢精力過人,4個月坐起身,5個月學爬....14個月會跑(佢唔識乜叫做行),18個月離手上落樓梯,兩歲已不用午睡.....
佢有好明顯的優點,體能比同齡強好多,3歲跑得快過5歲小朋友(係真的比賽過),我身邊個個人都話佢係天生運動家,將來會是運動員,將來比賽一定會攞獎!
我講咁多,唔係想show off 個仔,而係想你正面去想,每個人都有強項,發掘你bb嘅強項就係你!
最後我回應你的問題,我個仔事實而家等緊做ADHD評估.未知結果!但我並不擔心結果,其實我已經當佢係有ADHD,咁又點!可能呢個就係佢強項,非比斯都係ADHD啦!
不過我唔係話你囝囝有咁嘅機會,仲咁細,真係無人會知架!
重要係了解你囝囝成長的需要,好好養育佢!唔好因為呢D擔心影響你做一個開心的母親!

點評

pyjess

發表於 12-8-13 23:05

私人傳訊

積分: 15667

3^#

發表於 12-8-11 23:17 |只看該作者

引用：初頭見你話bb得7+weeks,都覺得你有點緊張!

原帖由 wan_sosin 於 12-08-11 發表
初頭見你話bb得7 weeks,都覺得你有點緊張!但擔心自己仔女,無話錯嘅!也相信你很想有人能明白你的擔憂!
我個 ...

多謝你~
即使個仔係咁，我都會好錫佢，好好發掘佢既才能。

2011/10/31 6W2D 閃閃
2012/06/20 39W4D 出世
全人奶媽努力中！

私人傳訊

積分: 15667

4^#

發表於 12-8-11 23:19 |只看該作者

回覆：請教ADHD既媽咪

同埋點解我會有咁既憂慮，係佢7日大人仔已經靠對腳同個頭撐到自己側咗身，唔係咁＂正常＂

2011/10/31 6W2D 閃閃
2012/06/20 39W4D 出世
全人奶媽努力中！

私人傳訊

積分: 49228

5^#

發表於 12-8-11 23:54 |只看該作者

回覆 kyobi 的帖子

唔好話個囝"唔係咁正常",你可以話佢比較特別!
而家就算你去問醫生,都唔會答到你嘅疑問!
不過也可以好好觀察你囝囝嘅成長情況!如果佢比其他小朋友快的話,你也要早些去配合佢!
同樣也要小心一點!
我囝囝剛好3個月大時,我真沒想過佢會轉身轉得咁快,我放佢係我張大人床,都唔係放得好邊架!點知我一轉頭佢就反身跌落床!好在無事.
4個月時,我因為要開燈,所以一手去開燈,一手抱佢,點知佢兩腳大力一"登",成個反身頭向地向下掉,還好我手快,捉到佢件衫,否則唔知會點!

mouth:
我放佢係high chair,要用兩條安全帶扣住佢!佢發生嘅危險,數之不盡!
所以,要盡量小心!不過唔係要阻止佢嘅發展,樣樣都唔比佢做,而係要給bb一個安全環境,等佢可以安全地發展.
有時間大家可以多d交流,加油啊!還有唔好比身邊嘅人影響你,實有好多人同你講唔同嘅嘢!
不過可能你bb又會慢慢同其他bb相若,唔知架!bb仔變數好大,就住佢情況作打算吧!

私人傳訊

積分: 15667

6^#

發表於 12-8-12 00:43 |只看該作者

引用：回覆+kyobi+的帖子唔好話個囝"唔係咁正常

原帖由 wan_sosin 於 12-08-11 發表
回覆 kyobi 的帖子

唔好話個囝"唔係咁正常",你可以話佢比較特別!

好多謝你既回覆呀~我自從佢7日大轉身開始就好警剔，基本上唔會放佢喺視線見唔到既地方，只係佢5周大嗰陣台風，我同佢老豆le咁 hea整漏水，點知佢喺梳化tun下tun下跌咗出去，好咗隔離放咗張比梳化矮5cm左右既膠櫈，佢個頭跌咗落去比張膠櫈「浪」住咗喺度大喊先知，好彩冇事。而家放佢喺梳化一定會三邊放咕臣做barrier,等佢就算轉身都唔會碌落去。
不過佢係下肢發展快啲，而家佢抬頭都唔係好穩，條頸都未識直。

2011/10/31 6W2D 閃閃
2012/06/20 39W4D 出世
全人奶媽努力中！

私人傳訊

積分: 49228

7^#

發表於 12-8-12 17:24 |只看該作者

回覆 kyobi 的帖子

你有無試過比佢"I"住嘢坐直?如果你想佢條頸夠力,可以試下,我囝囝2個月可以"I"住咕臣坐係到,用兩個咕臣V型夾佢係中間,就可以坐得好,或者,如果有L型梳化,放佢係L位個角位就可以,咁佢就要支撐頭部,我囝囝未足3個月已可以打直抱,個頭可以自己支撐到.
你BB出世幾重?我個仔出世7.5lb,都算大隻,大隻嘅B係會夠力D!
我個仔而家4歲幾了,中等身型,但力大無窮,佢2歲時我比佢一頭撞向我下巴,結果我比佢撞崩幾隻大牙,牙神經也傷了,半年才叫好返!我同我老公都試過比佢整親!
你都要小心佢大D會整傷你!

私人傳訊

積分: 15667

8^#

發表於 12-8-13 00:56 |只看該作者

引用：回覆+kyobi+的帖子你有無試過比佢"I"住嘢

原帖由 wan_sosin 於 12-08-12 發表
回覆 kyobi 的帖子

你有無試過比佢"I"住嘢坐直?如果你想佢條頸夠力,可以試下,我囝囝2個月可以"I"住咕臣坐 ...

我之前會扶佢坐我大脾，等我又試下你既方法先~
我個仔出世得6.8磅咋~但係喺個肚度日日都好似開party咁踢到飛起，後來諗返可能因為我肚細，阿仔唔夠位所以成日大力踢想踢多啲位出嚟，所以練到咁大力

2011/10/31 6W2D 閃閃
2012/06/20 39W4D 出世
全人奶媽努力中！

私人傳訊

積分: 49228

9^#

發表於 12-8-13 14:23 |只看該作者

回覆 kyobi 的帖子

你bb都應該係天生比較活躍架啦!活躍嘅小朋友都可以好乖架!從少教佢就得架啦!
其實我都覺得我個仔乖架!只係佢個人停唔到落黎,要好大活動量佢先覺得滿足!

私人傳訊

積分: 15667

10^#

發表於 12-8-13 15:03 |只看該作者

引用：回覆+kyobi+的帖子你bb都應該係天生比較

原帖由 wan_sosin 於 12-08-13 發表
回覆 kyobi 的帖子

你bb都應該係天生比較活躍架啦!活躍嘅小朋友都可以好乖架!從少教佢就得架啦!

其實我個仔除咗冇時停之外，佢唔會點扭計同喊，都算係乖，我諗佢大少少我要俾多啲機會佢消耗下多餘既體力先得

2011/10/31 6W2D 閃閃
2012/06/20 39W4D 出世
全人奶媽努力中！

私人傳訊

積分: 49228

11^#

發表於 12-8-13 22:43 |只看該作者

回覆 kyobi 的帖子

你個bb一定係開心bb!
到佢大d,識行識走,就要辛苦你了!

私人傳訊

pyjess

侯爵府

積分: 24040

12^#

發表於 12-8-13 23:10 |只看該作者

我有親人係ADHD, 想問, 佢地係唔係細個時, 唔洗瞓?

我親人, 佢BB時, 一日只瞓2個鐘, 辛苦晒媽媽

如果天空總是黑暗的，那就摸黑生存；如果發出聲音是危險的，那就保持沉默；如果自覺無力發光的，那就蜷伏於牆角。但不要習慣了黑暗就為黑暗辯護；不要為自己的苟且而得意；不要嘲諷那些比自己更勇敢熱情的人們。我們可以卑微如塵土，不可扭曲如蛆蟲 - 曼德拉

私人傳訊

積分: 49228

13^#

發表於 12-8-13 23:32 |只看該作者

ADHD嘅小朋友係就係會瞓小D,但一日只瞓2hrs.我就之前未聽過!最少都會瞓幾個鐘!
不過,我個仔就有一個特點!好多bb會扭眼瞓,或瞓唔醒會扭計,我個仔一直都唔會,好似有開關制咁,一瞓醒打開眼就即刻鬼打都無咁精神!我可以隨時叫醒佢,佢都無事唔會扭計!

私人傳訊

pyjess

侯爵府

積分: 24040

14^#

發表於 12-8-13 23:36 |只看該作者

回覆 wan_sosin 的帖子

咁你個仔又唔錯喎

我咁大個人都唔可以按制就醒兼精神晒....今朝, 我都唔想起身返工

不過親人而家已經十幾歲, 而且控制得唔錯,可以減藥, 展望將來, 好快定藥喇

私人傳訊

積分: 15667

15^#

發表於 12-8-14 00:31 |只看該作者

引用：回覆+kyobi+的帖子你個bb一定係開心bb!到

原帖由 wan_sosin 於 12-08-13 發表
回覆 kyobi 的帖子

你個bb一定係開心bb!

我大肚嗰陣冇喊過連少少depress都冇，有咗個人反而唔知點解樂觀咗開心咗，可能咁樣所以BB都開心啲。

我BB算瞓得少，但係都會瞓下醒下咁，即係瞓個零鍾，起身食奶，玩個零鐘，食奶，又再瞓個零鐘咁，一日都有十零個鐘，係一覺瞓得唔長啫（夜晚熄晒燈就每一次瞓到3個鐘）

2011/10/31 6W2D 閃閃
2012/06/20 39W4D 出世
全人奶媽努力中！

私人傳訊

積分: 15667

16^#

發表於 12-8-14 00:36 |只看該作者

引用：ADHD嘅小朋友係就係會瞓小D,但一日只瞓2hrs

原帖由 wan_sosin 於 12-08-13 發表
ADHD嘅小朋友係就係會瞓小D,但一日只瞓2hrs.我就之前未聽過!最少都會瞓幾個鐘!
不過,我個仔就有一個特點!好 ...

我朋友個仔都有可能係ADHD，一歲前一日食廿餐奶，夜晚每個鐘都食奶唔瞓，而家16個月大，朝早七點起身後non-stop玩到十一點幾先肯瞓，但係半夜三四點會起身夢遊一陣先再瞓返。
不過佢已經識睇鐘、認到好多字，識數數字，佢阿媽打算全力谷佢，仲認定佢係資優兒童

2011/10/31 6W2D 閃閃
2012/06/20 39W4D 出世
全人奶媽努力中！

私人傳訊

積分: 49228

17^#

發表於 12-8-14 13:11 |只看該作者

回覆 pyjess 的帖子

我個仔瞓醒就即刻想去玩,所以即刻可以精神!

有很多小朋友大了會好返,希望你講嗰個小朋友,快d可以如常生活,可以更加開心過將來嘅日子.

私人傳訊