論盡家傭今日: 0|主題: 134089

收藏本版

發帖

返回列表

跳至頁

查看: 1768 | 回覆: 7

我都係請個工人6日就賠5千幾蚊.. [複製鏈接]

Vinell

別墅

積分: 845

1^#

發表於 06-2-8 10:03 |只看該作者

我都係請個工人6日就賠5千幾蚊..

我好唔滿意政府的外傭政策, 唔好以為請得外傭就好富貴, 要找外傭幫手,有些真係無人手先要請, local又唔便宜.請本地人仲有試用期, 但請外傭就無....賠機票我都明,但要賠一個月比有心走的外傭...卻甚有漏洞..以前有間agent同我講唔會幫人請賓賓,因為她們現在好醒,返工後發覺唔滿意份工,就做些嚇人行為或亂來令僱主送走她們,咁她們就可以趁住那14天拿住份一個月的賠償金shopping同搵過份新工,之後返祖家再回來...那時覺得咁都得,原來她們想如此做真係好容易.

我賓賓上班6日, 可能要照顧初生BB辛苦,第三日晚因period開始moody唔食飯, 第4-5天,成日同我講我唔滿意佢可以同agent話換人.我話我體諒佢辛苦,所以話佢ok,仲叫她覺得累便休息.我地甚至同佢講夜晚太累,可以唔起身,我地會自己起身.但到黃昏,她就好怪,心情唔靚..好似變成另一個人,古古怪怪,講電話, 心情唔好最'好'抱b,第6日下午開始仲瘋瘋癲癲, 自己係廚房好勞氣講我唔明的話, 開始做野亂來,好似神志不清, 我叫都唔彩.又步伐不穩咁去抱b, 仲要成日鬼樣(披頭散髮)咁"own"自己塊面去亞b塊面同鍚落去.到了晚飯,我家人問佢是否太累, 佢同我家人說辛苦,做埋今日唔做, 佢auntie有工介紹佢.我hb返家再問佢是否唔做, 佢話"係",咁我hb就話咁算啦,比佢走, 跟住賓賓就走了去睡覺.. 點知第7日早上(星期日),問佢是否已執好行李,賓賓竟然裝傻,話什麼行李,我話你做到昨天唔做...佢話佢無咁講,只係話我唔滿意佢可以換人...我心想唔係呀,全屋人聽到佢話唔做.

現在話無講過, 我叫佢去完church之後,上agent講.去到agent,當然呻辛苦,但話願意留下,agent叫我們試多幾日, 我心想點留呀, 我有bb係處, 半夜或者轉身,佢對我bb做什麼我點知...咁情緒化的行為無論是真瘋定假癲點敢留???最終agent話我唔留佢要賠一個月糧同一張機票比佢...都係五千幾元...

賓賓返我家執行李走時說sorry, 我當時真係想指住佢來咒,但都只識得好嬲咁流眼淚. :-( :-(我覺得佢根本就玩野..

佢走之後,仲懷疑佢將bb衫同佢period的內衣一起洗,因為之後發現佢洗好的bb衫有一達達好似血漬的啡色.雖然我仍在坐月,但寧願自己湊好過成日擔心佢同驚佢對bb唔好.

agent話4個月內再請番人,就可以不用重新比政府再培訓費..但我怕再請都係比人咁玩就好慘, 試問有幾多個五千幾才可以請到人.....

仲想請問如有類似個案,可否出有短期期限的機票比佢,費用會否便宜點.. 同埋我要唔要自己再打去immigration查佢有沒有離開? 有什麼我要做的呢,因為第一次請,什麼也不懂.請大家提點下..謝謝.