吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 我會係一個怎樣的媽媽？

大仔大女媽媽會今日: 0|主題: 177860

收藏本版

發帖

返回列表

跳至頁

查看: 963 | 回覆: 5

[2005年] 我會係一個怎樣的媽媽？ [複製鏈接]

nganga

大宅

積分: 4747

1^#

發表於 06-4-19 09:48 |只看該作者

我會係一個怎樣的媽媽？

琴日睇完7:00星期二檔案，有感而發。我係度諗究竟我會係一個怎樣ge媽媽呢?眼見而家d小朋友，日讀夜讀，究竟係為咗甚麼呢?以我一個朋友為例，佢有個囝囝讀緊一年級，但佢已經需要每日補習、一個星期一日讀珠心算、學書法、鋼琴，仲有……..但我個朋友話，佢囝囝已經學得少la!每當考試前，我都可以唔需要搵佢，因為佢同佢囝囝已經係度作戰緊。每當見到我朋友一家，我hubby就會同我講，第日我唔會逼晴晴學東學西，咁樣佢會好慘、唔開心!係……..hubby講得啱，我地都只係希望晴晴可以開開心心成長jar!但做人就係咁矛盾，當你發覺身邊ge朋友、同事，個個為咗小朋友讀書而憂心、為咗學乜野樂器而煩惱，你就會知道，如果晴晴同我都再唔努力，囡囡就會落後於人前，自己就會不其然就會施加壓力俾晴晴。唉! 真係唔知現在教育係乜野制度，而家就係為讀書而讀書，為取一張証書將唔係興趣變為你小朋友ge興趣，越多証書越好。朋友話，你好好享受這幾年la!到時你就會知道，我地為乜咁辛苦la!

晴晴先得嗰1歲，咁快為佢讀書而煩惱，我真傻。係!我地一家要好好享受這幾年，到咗晴晴讀書，我真係唔知道我會係一個點樣ge媽媽？

私人傳訊

szeszes

水晶宮

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

2^#

發表於 06-4-19 12:15 |只看該作者

Re: 我會係一個怎樣的媽媽？

唔知點解?? 我覺得大部份爸爸都係唔主張 bb 學太多野, 同埋讀一些名校或所謂填鴨式既學校.

哈哈!!! 其實, 我一向都想第時比 Karl仔學珠心算、繒畫、拳道及鋼琴既........不過, 當然要睇下佢既學業成績才考慮.

因為 Karl仔個樣, 皮膚及性格都似足我, 如果佢連頭腦都像我的話, 佢應該唔需要花太多時間來應付讀書, 咁就可以有多些空餘時間學野.

其實, 學野呢方面, 就真係環境迫成, 因為一些所謂名校 (即係有好多人爭入去讀書果 D), 佢地就真係要睇個小朋友識多少野才考慮收錄與否既. 因為我有一個親戚小朋友, 拔萃唔取錄佢既原因, 係話佢既小朋友只有一種技能 (彈琴), 佢地 at least 要收識二種技能既小朋友.

私人傳訊

joeyma

男爵府

積分: 8773

3^#

發表於 06-4-20 18:13 |只看該作者

Re: 我會係一個怎樣的媽媽？

睇完果個節目，我都為宜家既小朋友辛苦，但唔谷小朋友，佢地入佐d banding低既學校，一生又真係.........

我都明白讀書辛苦，但唔努力又會仲辛苦.........今時今日冇得再話咩唔讀書都可以出人頭地...君不見宜家d band3學校既學生.......

香港變成咁......不過至緊要係劇中個媽媽好似唔洗返工，但我地要返工既，有冇咁既時間呢？睇完之後，我開始諗緊，阿女讀小學時，我可唔可以唔返工呢？

私人傳訊

smallping

大宅

積分: 2399

4^#

發表於 06-4-26 08:18 |只看該作者

Re: 我會係一個怎樣的媽媽？

我就一定唔會好似節目裡面d家長咁囉,因為個小朋友實在太辛苦啦,我同老公都一致決定等bb大個之後,自己決定點就點.

因為自己都唔係一好勁嘅人,只係英文講得兩咀咁囉. :mrgreen: 所以個d什麼興趣班等到佢自己話要玩邊樣咪邊樣啦.

私人傳訊

BeancurdJelly

複式洋房

積分: 407

5^#

發表於 06-4-29 05:42 |只看該作者

Re: 我會係一個怎樣的媽媽？

真係唔知現在教育係乜野制度

其實係現家d家長太過緊張,擔心自己既仔女前途. 我唔會迫自己個女咁樣咯..如果佢又興趣去學, 我就俾佢學..咁佢先至過得開開心心...唔好去擔心名唔名校, 咁樣其實俾左好多壓力小朋友...一個小朋友只去掛住讀書, 學d自己冇興趣既野...咁佢都未必用心去讀, 用心去學... 有時新聞都有啦....小朋友驚家長知道d成績唔好要去找死......唉!可必呢....
希望大家都唔好咁緊張啦.....