大仔大女媽媽會 今日: 0 | 主題: 177860

積分: 22842

1^#

發表於 06-2-18 13:52 |只看該作者

做咗幾個月媽咪, 係時候自我評估一下~

我之前成日話想quit咗份工, 自己湊番個女, 但我做咗幾個月媽咪, 先發覺原來自己自視過高, 因為.....我eq真係好差.

我會因為個女喊極都唔收聲, 飲奶好曳而變得忟憎, 無耐性.....但我會盡力去改呢一個缺點!

你哋呢? 你哋又覺得自己點呀? 不如大家傾吓, 分享吓... :-P

私人傳訊

henhen

男爵府

積分: 5942

2^#

發表於 06-2-18 14:39 |只看該作者

Re: 做咗幾個月媽咪, 係時候自我評估一下~

同你有d唔同, 生完想快d返工返左工之後好想quit, 因為我好掛住佢, 好想自己揍返, 我就覺得自己有耐性左. 但係如果我唔做野, 我地就要訓天橋底, 唯有停止所有活動, 全情投入揍仔.

我覺得比以前辛苦左, 但係個人開心左, 生活充實左(連訓都冇得訓).

minimon,

慢慢黎啦! 你見到佢笑, 又或者識多一樣野的時候就咩都唔記得哂. bb又唔識講野, 哭係表達方式, 我bb哭我就認為佢同我講野, 不過大多係投訴之嗎

, 如果哭得太耐, 就要找下原因, 我哥哥成日話我做咩要等bb哭先喂奶(佢好鍚bb), 我話bb肚餓會同我講架啦, 佢哭咪就係同我講佢宜家好肚餓lor.

, 做左媽咪咪就係學左依d野.

私人傳訊

universe

複式洋房

積分: 250

3^#

發表於 06-2-18 15:39 |只看該作者

Re: 做咗幾個月媽咪, 係時候自我評估一下~

我從未有這樣感覺 - 非常安定和滿足.
& 學會有耐心;我以前從未有足夠的耐心對任何事,
現在改變了! 以前非常急,無耐性但對BB急是不可能的!
我認為我是成熟左同開心左. :-P

私人傳訊

莎莎莉莉

伯爵府

積分: 17389

好媽媽勳章

4^#

發表於 06-2-18 16:49 |只看該作者

Re: 做咗幾個月媽咪, 係時候自我評估一下~

我自問一向eq都幾高. 做媽咪頭幾日, 真係幾手忙腳亂, 但係慢慢習慣左, 就開始覺得自己得心應手.

學到既, 首先係要爭取時間. 之前放產假要湊bb, 又要做家務, 所以一定要分秒必爭, 否則餵得奶來就煮唔到飯, 沖得澡來就洗唔到衫.

其次係自己做野小心左. 以前我做野好唔小心, 成日撞親手撞親腳, 但係湊左bb, 自己行步路都會小心d, 我跌倒就無事啫, bb跌親就大件事了! 另外, 亦會小心d, 唔好令自己病, 因為我知bb需要我照顧佢, 我病左, bb就會無得俾媽咪抱抱.

第三. 就係凡事唔好咁神經緊張. 因為我知道身邊人成日都會好驚bb咁係咪唔妥, 咁又係咪唔妥, 我就一定要扮演專家, 令大家安心, 有問題, 我會搞得掂.

第四, 我比以前堅強了, 這多得我老公....因為佢乜都唔理, BB既一切, 只有我最清楚. 想唔堅強都唔得....

總括而言, bb的出世, 令我進一步成長了.

私人傳訊

janjet

積分: 4268

5^#

發表於 06-2-19 00:31 |只看該作者

Re: 做咗幾個月媽咪, 係時候自我評估一下~

在此,我很感謝,甚至係感激上天俾個好乖既女我.
由出院至現在,基本上自己介夜奶..從無大喊到收唔到聲.又陪住我見客.一點麻煩也沒有帶俾我.
當我新工人一到.我就要正式返回工作岡位.時常離開香港.
我真的好唔舍得 :-( :-( :-( :-( :-(

但我不工作....生活質素會下降.現實 :evil:

p.s
自己的改變: 我楂車更小心及我不想死(很愛惜生命)

我只講事實

私人傳訊

tweetycheung

積分: 2103

6^#

發表於 06-2-19 00:51 |只看該作者

Re: 做咗幾個月媽咪, 係時候自我評估一下~

而家做左野成個月,好累,好掛住亞仔...

我錯過左好多野,亞仔的好多個的第一次...
第一次抬起頭做人
第一次隻手捉住個奶樽(當然係會跌個隻啦)
.
.
.

私人傳訊

yuna888

積分: 1161

7^#

發表於 06-2-19 01:27 |只看該作者

Re: 做咗幾個月媽咪, 係時候自我評估一下~

看完咁多mami嘅分享,我自己都身同感受....

以前細個成日激mami,覺得mami好煩,依家自己做咗人阿媽先知mami所有都為我好,咁依家對mami好左好多;佢凑大我都好辛苦;

依家以前行街只會買野俾自己(老公都有特別日子如生日情人節先諗過買下嘢俾佢

依家出去寧願買俾bb;

以前毫無計劃唔儲$又大洗嘅我,依家會為bb計劃將來,儲$同努力揾$等佢有舒適嘅生活環境:

以前只會一日到黑掛住去玩唔痴家;依家為多d見到bb有街唔出一放工好想即刻返屋企見佢,好掛住佢;

雖然放產假期間一直一腳踢,湊bb真你好辛苦,bb唔乖成日喊,自己好無助,激到我都喊埋一份...但bb令我成長咗好多我學識左好多嘢,學識照顧人!.............. :lol: :lol: :lol: :lol:

熙熙相簿

私人傳訊

Luyimama

複式洋房

積分: 392

8^#

發表於 06-2-19 10:02 |只看該作者

Re: 做咗幾個月媽咪, 係時候自我評估一下~

我陀BB 2個月時就遲咗工 (所以好窮). 原本 BB 出世後諗住全績湊BB. 但由於無做工一定要好慳, 街都唔多出, 覺得自己好自閉. 由朝到晚等餵BB, 覺得很悶, 好唔開心. 又內疚 (因對住BB 唔開心).

而家我做返嘢, 個人開心咗, 又"色"掛住BB, 睇到鍾意既嘢又可買比BB......但有時都會內疚點解自己做唔到全績媽媽...

:cry:

CLICK HERE 睇恩恩女D 相相 : )

私人傳訊

touimiya

積分: 3451

9^#

發表於 06-2-19 10:33 |只看該作者

Re: 做咗幾個月媽咪, 係時候自我評估一下~

睇完你地既感受整到我都好想喊呀~

yuna888我以前都係成日激媽咪的，有一段時間仲好唔聽話，激到媽咪成日喊，到而家我自己做人阿媽，先知道做阿媽真係好偉大，為左個仔真係咩都得。媽咪有日同我講，佢話如果bb第日大個好似我個時咁激佢，到時我就知道媽咪個時有幾傷心，我個心個時真係好酸好酸~
而家去街我都係只會諗買咩比bb好，完全無理過老公，以前我同老公都超勁大洗完全無計劃無儲錢，似住自己供樓平無咩負擔，咩都買一餐，而家都會諗過先買，仲會為bb儲錢tim。我大肚個時都仲個個星期玩通頂，家下唔得喇~一來為左bb二來真係無精神，所有心機時間都比晒bb。

我返左工成個月喇，而家日日一早起身泵奶，返工又泵奶，放工邊樹都唔去得要攞奶返家同餵bb~雖然好累但我都唔會覺得辛苦，不過返工真係好掛住阿b，一得閒就打電話問bb點，bb飲左幾安奶呀，有無乖，有無食手指，有無咩得意好笑野，唔想錯過bb每一件事，好想咩時候都可以陪住bb，因為bb大個左想佢痴我都幾難喇~所以有時真係好唔想返工的，不過無$$就咩都無。
剛剛返工時未習慣晚上都唔會帶bb返家，而家習慣左晚晚都帶bb返家~雖然辛苦左，但真係好開心日日一起身都見到bb對住我笑，真係開心到想喊呀~我以前係一個嚴重無耐性既人，而家都唔係好好，但起碼改善左，對住阿b唔會發比四，反而而家我會同老公講，bb係你要生的，生左唔可以話佢煩....
我哥哥同我講，生左bb，唔只bb在成長的，我地都會同bb一齊成長，我而家完全白明，我同老公都係大細路咁，而家我地日日都同bb一齊成長.....

私人傳訊

jove

伯爵府

積分: 16855

10^#

發表於 06-2-19 12:09 |只看該作者

Re: 做咗幾個月媽咪, 係時候自我評估一下~

嘩，睇完好touching :-( :-( :-(
我就做左年半、2個b(細細、細妹)既阿媽。
由於我要返工，細細2個月就去左我家姐度住，起初好miss佢，於是寧願請個工人返黎湊佢，掂知佢3個月時，我阿媽中左風，咁我地個工人就照顧左佢，細細就繼續係我家姐度。
雖然每個星期見2日(星期六、日)不過我家姐佢地教得細細好好，但過左一排家姐個女呷醋，唯有帶細細返黎，不過從此細細就變得好曳、好百厭。(maybe學左我阿哥個仔)

而家細妹出左世，我工人根本湊唔到兩個，於是細妹又去左我家姐度，雖然好miss，不過我要返工，加上我想佢有個好d既環境長大，我寧願放佢係家姐度。
為左可以成日見佢，我就出左3g電話，咁我就可以日日見到佢。

同大家一樣，我eq好差。
細妹出世好扭計，半夜成日cry，掂tum都唔係，我就好大聲咁鬧佢。
其實我知佢咩都唔識，cry只係佢一種表達，但係個一刻好憫。

不過佢去左家姐度就變得好好，連d喊聲都柔和左。

我好似唔多識做佢地阿媽，或者係唁適合先arm。
生左細妹頭個個月，覺得對細細唔住，因為要湊細妹，所以好少time同細細玩。
不過而家好好多啦，我會繼續努力，學做阿媽架啦。

大家都係呀。

私人傳訊

準媽媽

積分: 3140

11^#

發表於 06-2-19 12:29 |只看該作者

Re: 做咗幾個月媽咪, 係時候自我評估一下~

其實响阿仔未出世之前, 我都覺得自己湊仔冇問題, handle 埋家頭細務都仲得 ( 因為做慣咗 ), 果然阿仔出世真係勁好湊, 食飽瞓, 瞓飽食, 所以頭頭果個月都算好 relex ....... 但當個仔响2個月內第一次, 第二次, 第三次入院時, 我真係覺得自己好失敗, 好自責, 覺得自己好冇用, 點解人湊仔, 我湊仔, 搞到個仔成日要入醫院........ :-( :-( :-(
我以前成日同啲 fd 講, 我可以放低個仔去玩都唔掛住架, 個仔對一世, 唔見一陣間冇問題既, 但發覺原來行開吓真係會好掛住個仔架 ..... 玩都玩得唔暢快

我細細個已經冇咗阿媽, 唔知咩叫母愛, 但而家做咗阿媽之後, 我發覺阿媽真係好偉大, 做阿媽亦都好唔簡單 ...
嚟緊一年, 我會做 full time 媽咪, 希望我可以稱職啦

私人傳訊

~焯瀅and梓軒的生活點滴~(23/11 update)

積分: 22842

12^#

發表於 06-2-19 16:22 |只看該作者

Re: 做咗幾個月媽咪, 係時候自我評估一下~

同意有d媽咪所講, 做咗媽咪就會體會到做阿媽嘅辛苦同偉大. 以前我媽咪成日同我講:你第日做咗人阿媽你就知~ 果陣聽完真係無感覺, 而家?! 真係感受至深...

私人傳訊

crystal618

子爵府

積分: 14844

13^#

發表於 06-2-19 17:18 |只看該作者

Re: 做咗幾個月媽咪, 係時候自我評估一下~

peg,
冇人會想自己個仔成日入e院0既,唔好咁啦~~~~
我未生之前都覺得自己可以放低個女去玩,但係依家成都心掛掛個女~~~~~
得閒就打返去比呀媽,聽下呀女把聲就開心哂~~~~
不過依家都覺得自己算係一個ok 0既媽咪~~~~
希望呀女快高長大啦~~~~~

私人傳訊

jenjen123

別墅

積分: 724

14^#

發表於 06-2-19 23:16 |只看該作者

Re: 做

因為我身體唔好，所以想有BB的時候就遲了份工，由有BB開始已經覺得心景開始轉變，不過都好輕鬆。

未生之前完全唔覺得自己會湊唔掂阿B的，不過阿B番來屋企第一日，個人簡直發晒顛咁，2個鐘頭喊一次，又要餵人奶，週圍的人又比壓力我，我好辛苦，加上自己又唔夠奶。
用晒所有方法都無奶，可能同壓力有關。最後餵了20幾日就迫住放棄。

阿B滿月係我的最低潮，阿B開始出濕疹，個個BB都皮光肉滑，我阿B就花面

http://www.smartclub.hk/photos/albums/userpics/10094/head-1.jpg_Thumbnail2.jpg

私人傳訊

yuna888

積分: 1161

15^#

發表於 06-2-20 01:09 |只看該作者

Re: 做咗幾個月媽咪, 係時候自我評估一下~

touimiya,我覺得我同你幾似

睇你寫嘅嘢就好似講緊自己...不過你就好la,可以日日帶bb返屋企,我同99屋企距離太遠,冇可能日日接佢,而且我日頭返工屋企冇哂人(工人又未黎到hk)唯有俾99湊住先1 week先見得佢1 time.....日日夜夜就望住手機佢之前影落嘅相發呆,百看不厭

我都係大肚7,8個月時都仲個個星期玩通頂,9個幾月仲行街由朝行到天黑都未返屋企(因我之前好怕悶),但我mami擔心到不得了,我有時衰到電話都唔記得打個俾mami,到bb出世先真正明白mami點解咁緊張我!我以前成日激到佢喊真係覺得好對佢唔住,所以依家好鍚佢.. :mrgreen: mami話我成熟咗好多....越講又越掛住bb喇∼∼∼ :-( :-( :-(

熙熙相簿

私人傳訊

jove

伯爵府

積分: 16855

16^#

發表於 06-2-20 09:04 |只看該作者

Re: 做

唔知大家有冇發覺，陀住bb個時咩都唔知，咩都唔會諗。
到佢一出左黎，自己就開始好神經質，事無大小都驚一餐。
不過就學識左"凡事小心"、對所以事都觀察入微、同埋係有耐性。

但就對老公差左，因為有時佢唔helpful，所以就好惡咁同佢講野。
我好多時都想同佢say sorry，但又諗下佢唔幫手湊bb，就無講lu，或者有一日我會同佢講。

私人傳訊

積分: 22842

17^#

發表於 06-2-20 10:15 |只看該作者

Re: 做

我大肚果陣又未至於咩都唔諗, 不過果陣始終都仲係自己同老公2個人嘅生活, but bb一出世, 就改變哂所有, 變成3個人嘅世界, 仲要係, 呢個人仔會跟你一世, 佢唔係一件玩具...不過會學你話齋, 事無大小都驚一餐/諗一輪...

jove 寫道:
唔知大家有冇發覺，陀住bb個時咩都唔知，咩都唔會諗。
到佢一出左黎，自己就開始好神經質，事無大小都驚一餐。
不過就學識左"凡事小心"、對所以事都觀察入微、同埋係有耐性。

私人傳訊

pamila

積分: 2347

18^#

發表於 06-2-20 10:31 |只看該作者

Re: 做

見到你地都有很好的改變,睇番我自己,我就有好有唔好.
我睇黎好似有耐性左,但自己心知只限於對個女,但對我老公,我耐性比我生之前完全係兩回事,我老公都話我成個人變哂,變到好似生完貓仔o既貓乸咁,對於阿女o既一齊都起哂摃.尤其是對住奶奶喎.
我係同奶奶一齊住,以前未生,我係個冇乜所謂o既人,因為我覺得你地做d咩都唔會影響到我.但自從生完個女,我開始接受唔到奶奶o既生活方式,因為我相信身教對小朋友o既重要性,但我奶奶偏偏係一個唔好o既榜樣,其它野唔講,佢成日講粗口,我已經講過無數次唔可以,bb係會完全吸收我地講d乜野.但始終都改唔到,仲要話比我聽,我個女唔知佢講粗口.最慘就我老公都唔幫我.
:-(
我而家惟有繼續令自己eq高些.仲有而家已經要諗定第時阿女對住兩套完全唔同o既教佢方式而作好準備.只希望自己可以handle一切.

歡迎進入小洛瑤甜蜜城堡

私人傳訊

積分: 22842

19^#

發表於 06-2-20 11:48 |只看該作者

Re: 做

pamila 寫道:
我奶奶偏偏係一個唔好o既榜樣,其它野唔講,佢成日講粗口,我已經講過無數次唔可以,bb係會完全吸收我地講d乜野.但始終都改唔到,仲要話比我聽,我個女唔知佢講粗口.最慘就我老公都唔幫我.
:-(

私人傳訊

yuna888