吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 究竟佢想點?

夫婦情感今日: 6|主題: 42780

收藏本版

發帖

返回列表

跳至頁

查看: 2270 | 回覆: 18

究竟佢想點? [複製鏈接]

LEFTorRIGHT

民房

積分: 4

1^#

發表於 06-2-26 01:10 |只看該作者

究竟佢想點?

由嘈交到宜家已經3個月喇, 事源係佢晚晚都話同D朋友去睇波, 電話又唔聽, 朝早先返黎, 瞓到晏晝先返工, 維持咗個幾星期, 我已經心知不妙, 點知有次我叫佢幫我去拎藥, 佢拎完之後唔知去咗邊, 唔係第一時間拎返屋企比我, 我嗰晚痛得好辛苦, 打極電話都冇開, 到第二朝早佢先返黎, 我問佢佢就話同D朋友去左打機, 收唔到, 之後嘈嘈嘈... 嘈到我帶埋個女返外家, 佢都冇留我地, 之後我就搬咗返黎住, 之後幾日佢都有話我同個女有咩事就打比佢啦, 過左幾日我就發現咗佢出面追緊一個女仔, 之前晚晚就係同佢AND佢D朋友車黎車去, 周圍走, 之後我就同奶奶講喇, 奶奶好幫我, 仲趕佢走, 因為我地同奶奶同住, 佢屋企人就問佢係咪有D咁嘅事, 佢都死口話冇, 到過咗十幾日, 佢又話佢宜家冇咗呢個女仔, 其實仲一齊緊, 日日返一陣工就接佢放學一齊去玩, 仲帶佢地返屋企打牌添, 之後奶奶都嬲到打電話去叫個女仔以後唔好再上去, 係咁話佢知人有老婆有女都痴埋去, 佢個FD仲衰到拎我D衫黎著出街影相, 事後比我睇到佢D相, 奶奶又打去話個女仔係賊婆呀, 係咁鬧佢, 之後隻死佬就話我好講比佢屋企人知, 搞到佢呀媽打去鬧個女仔添, 之前我同佢傾過點解要搞成咁, 知道佢同個女仔上過床我都算喇, 為咗個家, 佢就只係話唔會一齊嫁喇, 大家性格不合呀, 又話唔當呀媽係呀媽, 唔當我係老婆, 要離婚咁, 之後3個月都冇見過個女, 電話都唔打黎, 到我真係死心同佢傾離婚喇, 佢又話佢搞, 佢搵律師, 拖咗我成2個月, 諗住佢唔搞我去搞啦, 想同佢傾好個女,贍養費日後D安排, 佢又唔聽我電話, SEND SMS比佢佢又唔覆, 完全唔比反應, 扮失蹤咁... 最近我就發覺佢日日都有去睇我網上面個日記, 之前叫佢去睇佢死都唔會去, 我就妄想咁諗, 佢有個新女朋友, 又話唔當我係老婆, 但係咁想知我過得點做咩呢? 又係佢話要離婚, 宜家同佢傾事宜, 佢又唔瞅唔睬, 佢D屋企人呀, 奶奶佢地就同我講左好多野, 我當然知道佢地唔想我地離婚先咁講啦, 究竟佢想點呢? 唔通我真係要等佢鳥倦了還?
PS: 我同佢都係18歲奉子成婚, 宜家個女2歲幾...

為何傷了別人才說什麼後悔??

私人傳訊

onon1022

子爵府

積分: 12600

好媽媽勳章

2^#

發表於 06-2-26 02:16 |只看該作者

Re: 究竟佢想點?

其實你試下由你奶奶問你老公想點呢...其實你老公未必想離婚...只係你將佢同個女仔既事話比佢屋企人聽...佢嬲先開口話離婚...

[url=http://lilypie.com][img]

私人傳訊

cokikaki

侯爵府

積分: 23679

3^#

發表於 06-2-26 02:36 |只看該作者

Re: 究竟佢想點?

妳老公好過份呀,一d都唔尊重妳,仲帶埋條女返屋企,上過床妳知道後都算,妳應該仲好愛妳老公,

佢可能睇左妳既日記後,覺得自己對妳所做既一齊,好唔岩,但又唔知點同妳講,所以扮失蹤

妳知啦,男人其實好要面,但知錯時,開唔到口講句sorry!!

onon講得岩,不如妳叫奶奶問下佢想點,由阿媽開口,可能佢會肯講出黎!!

私人傳訊

寶寶儀

大宅

積分: 4234

好媽媽勳章

4^#

發表於 06-2-26 02:52 |只看該作者

Re: 究竟佢想點?

嘩..你老公咁都做得出...

偷食偷到返屋企,仲要上埋床....我真係接受唔到

有咩理由你仲要忍佢...你地奉于成婚,咁而家都仲好後生...
我真係唔會俾機會佢...

睇你咁講你已經俾過機會佢,係佢唔識得珍惜...

放棄吧!!!!我唔覺得佢會改囉!!可能我係一d"一次不忠,百次不容"既人...我唔會原諒身邊有人背叛自己...講野比較偏激d!!!唔好意思!!

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

happykklam

子爵府

積分: 12365

5^#

發表於 06-2-26 03:19 |只看該作者

Re: 究竟佢想點?

男人偷食已經夠衰，仲要賤到帶埋返屋企，俾個女人著埋妳d衫，呢d咁嘅男人真係超級賤精

佢完全無尊重過妳

我覺得呢個男人根本未玩夠，就算今次妳肯原諒佢，相信佢都會再有下一次！

私人傳訊

李吳知道

男爵府

積分: 5206

6^#

發表於 06-2-26 07:39 |只看該作者

Re: 究竟佢想點?

將佢扔落垃圾桶吧

私人傳訊

琳

大宅

積分: 4456

7^#

發表於 06-2-26 13:18 |只看該作者

Re: 究竟佢想點?

呢d咁既男人唔要都罷啦, 佢都未玩夠, 一定會有第二次, 早走早著啦

私人傳訊

twinky628

男爵府

積分: 6042

醒目開學勳章

8^#

發表於 06-2-26 14:30 |只看該作者

Re: 究竟佢想點?

佢真係好過份,兼一o的悔意都無,都唔係人,個女都唔理

私人傳訊

mameme

伯爵府

積分: 19230

9^#

發表於 06-2-26 15:05 |只看該作者

Re: 究竟佢想點?

點解要等佢回覆呢? 點解要將自己既命運等佢去發落呢? 係唔係要離婚...由自己去決定, 佢睇你日記...可以清楚你知道幾多, 可以盤算點樣應付, 我唔主張見意離或合, 但係決定係點...都應該由自己去掌握啊! 放唔低...耐心d去忍...好好打算後路, 想離開..切實去安排準備, 要sms..唔係問佢想點呀....係話俾佢知你將會點做! 要堅強既時候....無任何人可以依賴!

私人傳訊

455

別墅

積分: 840

10^#

發表於 06-2-26 17:11 |只看該作者

Re: 究竟佢想點?

唔怪得咁唔定性啦, 你兩個都咁細, 真難為了你地個女!
你老公根本就未定性, 只掛住自己, 無將你同個女放喺第一位, 你真接同佢講啦, 唔好再透過你99 喇, 兩個人的事兩個人解決! 佢唔肯睬你, 就叫你99約佢, 或者佢一喺屋企就叫你99打比你, 然後你去揾佢三口六面講清楚!

因為愛...所以等待...

私人傳訊

LEFTorRIGHT

民房

積分: 4

11^#

發表於 06-2-27 15:47 |只看該作者

Re: 究竟佢想點?

佢好似好怕見到我地咁, 唔肯蒲頭,
電話都係一時聽一時唔聽,
同佢提起離婚呢2個字就借D意話要收線,
佢又搬咗出去住, 根本搵佢唔到...
奶奶企喺我呢邊, 叫佢搬走, 佢地兩母子都搞到好薑,
奶奶根本唔想我地離婚,
佢仲叫我唔好再喺隻死佬面前提離婚, 話做女人係要忍吓,
其實最近都開始習慣冇佢喺身邊嘅生活,
只不過係因為佢遲遲都未過錢比我,
上2個月分開咗都有比, 宜家又好唔願咁,
我覺得就算我地分開佢都應該負呢個責任囉,
所以, 暫時糾纏咗喺個錢字度 :-(