自由講場今日: 2055|主題: 1351836

收藏本版

發帖

返回列表

跳至頁

查看: 604 | 回覆: 4

生完BB,身體真係大不如前 [複製鏈接]

cabobo

男爵府

積分: 6344

叻叻勳章畀面勳章

1^#

發表於 12-7-27 15:25 |只看該作者 |倒序瀏覽 |打印

本帖最後由 cabobo 於 12-7-27 15:26 編輯

近呢1年唔知係咪大女返左學病多左既原因...我都成日病

C6突然間好認真咁同我講"都係我唔好啦,無好好俾你坐月令到你身體咁差"
回想返..我生左2個..真係2個都冇好好坐月...
不如媽媽們都講下你地有幾多個小朋友,生完點坐月同埋而家既身體同生小朋友之前有咩唔同

我自己講先啦,我係21歲生第一個小朋友的(08年),無人陪我坐月呀..C6放左一個星期假陪我,而娘家太遠只係我媽放假時會入黎陪我(多數是覆診/去健康院),99就唔駛講

,我月都未坐月成日想我帶BB返去佢度食飯(我地住得比較近)..所以我冇話特別食D咩補身/注意D咩...一個人..洗衫煮飯同BB沖涼一樣自己做

果陣因為岩岩撞岩搬屋...變左仲忙

第2個小朋友係10年出世,吸收上一次坐月既經驗,而且今次仲湊住家姐..於是以住得較近的方法,叫左我99陪我坐月,所以我生完就叫佢黎住,幫手湊住我個大女同埋煮野食、家務等。細仔我自己一手湊包括沖涼、手洗BB衫咁。點知我99可以話去落街買送買到去左打牌,仲晚上12點幾先返

。為左我仔既滿月酒佢細妹落左黎香港飲,就早左個幾星期黎...果陣我未坐完月架..佢就話要陪佢細妹就帶左我女返佢自己屋企冇理我了(初初仲話唔帶我女)..所以今次仲衰過上次..仲俾佢激餐死..日日唔係嬲到死就喊..可能果陣有產後抑鬱都未定

而家既身體真係好差...我而家都仲係廿幾歲咋..成日病唔在講...條腰又成日痛同冇力..勁易頭暈...坐骨又痛。有時坐巴士D云..坐骨痛到起唔到身。眼見自己差唔多年紀既朋友精力旺盛,自己就..

返工明明好辛苦都頂硬上..因為同事明明同自己既年紀差唔多,但人地都做得較輕鬆..我唔想俾人覺得我後生細女做野腰痛又頭暈咁,又成日病。真係有苦自己知