時政擂台今日: 3|主題: 60272

收藏本版

發帖

返回列表

跳至頁

查看: 138 | 回覆: 1

國民教育:一個媽媽的心聲 [複製鏈接]

lovehklovekids

民房

積分: 22

1^#

發表於 12-9-8 17:07 |只看該作者 |倒序瀏覽 |打印

作為三個仲讀緊小一小三初中小朋友嘅媽媽，我只係想講幾句忍左好耐嘅心底話......

收手啦，政府!保皇黨!!!

我同各位媽咪一樣，只係想自己啲仔女健健康康，快快樂樂咁成長

我地從來都比任何滿口人權民主愛國愛港嘅政客都愛我地嘅家園，我地啲仔女，我地嘅未來，

亦只因為咁，我地過去一齊聲討過嗰班爭取外傭居港權，損害香港利益嘅狀棍公民袋:;pppp:，

鬧過阻住基建發展嘅犯民，都曾一齊對內地李旺陽被自殺事件表達過憂心同憤慨

——————

只係因為怕今日嘅大陸，會成為聽日嘅香港！

到左今日，我呢種恐懼更加迫到我唔講唔得......本來我都支持國教，反正了解國情，

對班細路有益無害，以至後來見到有班細路絕食，我原本都不以為然，

到呢幾日越黎越多人加入反國教，連好多過去不吃人間煙火嘅教授明星都群起反對，

我就真係去睇下課程綱要，報紙相關嘅專家分析，再同過我仔女學校啲老師同家長傾過......

根本有好多魔鬼細節，啲老師都話就算係校本推行，但係個課程標準空間太大，

都唔知由邊度教起，反而肯定嘅係多數老師兼教呢科，無論時間精神心力都要分散，

肯定加重佢地負擔，最後不可避免咁影響教學質量。我最初只係覺得我好無用好無助......

嗰班絕食者義無反顧嘅為我啲仔女嘅將來損害身子，佢地本來大可以乜都唔理，

反正點洗腦都洗唔到佢地，日日嘻嘻哈哈佢有佢玩，都願意放棄學業健康擔起重責，

啲將被洗腦嘅仔女係我架，做人媽咪連仔女思維發展都唔顧唔理，差啲仲要怪錯好人......

跟住就係好嬲好嬲

！我睇報紙講班高官仔女嘅升學狀況，居然依家除左高局長位大公子

回流入港大讀醫之外，其他(包括cy!)啲仔女都喺哂英美澳讀大中小學——————

你地走去外國接受國民教育學愛外國呀？！仲有我已經問過幾位喺外國讀過書嘅家長同老師，

人地係無一科同無一個學習範疇係叫國民教育架！！！！加拿大教國家歷史文化，

講到國歌國旗就叫學生反思下有乜同點解會有嘅情緒，唔係好似依家教局資料咁要以

我仔女对呢啲國家象徵嘅感激程度去評核佢地！英美偏重講公民社會同個人權責，

反思人際和人跟國家嘅關係，唔會一開始就似依家特區政府同民建聯保皇派班友咁先入為主講愛國，

因此一味支持呢個國民教育！呢班友仲衰過犯民，人地好多草根議員大把仔女喺香港，就算搞衰香港都有個譜，

免得整衰埋自己啲仔女，班保皇派個個有水有權就係咁送仔女出國，之後就點樣搞臭搞死香港都

唔关佢後代事！！尤其係民建聯，唔睇多幾份報紙都唔知原來係佢地早幾年經已提出呢個國民教育，

仲開宗明義[要培育愛國菁英]，仲有近日差啲係咁俾班大陸人黎炒樓炒奶粉炒鋪炒金乜都炒嘅乜野

一簽多行計劃又係佢地度先同政府講，新界個雙非蝗國直情仲係佢份零九年份新界發展建議書

裏面嘅最大重點

！！公文袋放賓賓黎都夠衰，班保皇派直頭割埋地請人黎放火打劫，

仲要佢請客我埋單——————分分鐘我呢一代埋唔哂，啲貴租貴地貴樓筆壞帳要我地啲留响香港嘅

仔仔女女啃！！

mg:" />mg:" />

有人話絕食反國教好激進唔理性，我唔反對呢個睇法，

但千祈唔好忘記當連一班原本可以置身事外嘅後生仔都咁唔理性爭取公義，

我呢個三個仔女嘅媽咪為左保護仔女嘅利益同未來，

拼左條命都肯定同班洗腦者賣港者保皇派死過——————係無班高官同保皇党咁和平理性架勒，

鬼叫我出生草根，無錢送哂班仔女出國升學，避開香港呢套失敗教育咩——————

但請記住係邊啲人迫到我地咁激進咁無理性!

九月九號，就係我地家長代表仔女表現自尊，力爭公義嘅時候!
我地要堅守香港自己同仔女嘅利益,一齊投走班真誠賣香港好似公文袋保皇党呢啲咁嘅牛鬼蛇神！！！！