有關自組小跳豆話劇班..一點感想﹐一點分享
首先 我唔係呻唔係鬧任何人/站長
以下只是一點分享
最初想搞一個自組的小朋友話劇班
係因為我囡囡去年參加過一個遊戲小組
佢好開心 好enjoy
但因為我同老公收入唔多 家庭開銷唔少
真係唔係好多budget可以比囡囡參加課外活動
最近係街撞返個導師 傾計時稔到可以自組一班
於是就著手籌辦了 而我只係為左係一個近近地的地方
可以比囡囡玩下 識下朋友仔學下野
唔洗等佢比d同學仔差d0甘 咩都無得學
其實$20堂X10人﹐扣左$40場租後﹐導師人工$160
佢以經收得平左 試問我邊有從中取利的空間?
呢條數 唔洗我講大家都識計 場租資料亦可以於網上找到
要比BK當係商業活動刪左留言 我真係覺得唔多開心
刪左就刪左啦 其實都差唔多已經搞得7788
A/B班都搞惦 只欠C班未夠人但都差唔多
不過 我就真係估唔到從最初的一班變兩班(或可能三班)
其實甘樣搞一個班真係唔小野做
排山倒海的e-mail﹐要覆問題﹐要同導師keep contact
加上最近我店長放假 我返工時間長左好多
但我覺得無問題 唔緊要
我唔想報名的媽媽失望同失信於小朋友
於是同導師傾左搞多班
本來想係B班找個媽媽代表做搞手 不過稔深一層
算啦 做開後做埋
當然 唔好以為我做得好唔開心
其實都有驚喜的
例如 有媽媽主動話可以幫手
同d媽媽傾開計又知道好多都唔係住呢區但都黎上堂
多謝你地唔介意坐車過黎上堂
等我唔洗擔心要返工的話無人帶囡囡去
而且媽媽們非常好 好合作
即使唔方便入數都有打比我 e-mail比我話返我知
及時安排另一種付款方式 你地真係好好 好交帶 真的﹗
(有d同我傾過計的媽媽都知我比人甩過底失晒預算)
無論如何多謝你地﹗
最後﹐既然BK又一個集體訂購版
何不開設一個自組興趣班的版?
各位媽媽都知道自組興趣班是直接支付工資給導師
不用給教育中心抽佣 學費便宜好多 而且較flexible
希望BK可以考慮 行我們一個方便
:-) :-) 自組話劇興趣小組﹐適合p1-p3 小朋友 :-) :-)
有興趣/查詢歡迎PM我
發表於 
返回列表
