anniekwok 寫道:
我30週開始煲，因為o個時d薑靚，我買左20斤薑+八珍甜醋5斤裝4樽。
因為我識人響菜檔拎薑可以去埋皮，去皮後略沖水，之後開風扇吹一晚，太大舊可以切開，略拍鬆，開鑊細火烘乾，然後放入瓦煲，之後加入甜醋，滾後中細火煲最少3至4個鐘，之後一星期煲滾一次，唔夠甜醋就加，甜醋要蓋過薑。
派前兩日
預備黑糯米醋一支，豬手或豬腳，熟雞蛋
豬手或豬腳放入滾水中飛水去油約20至30分鐘，水喉下沖凍及洗乾淨，用廚紙抹乾水或開鑊烘乾，放入薑醋煲內加入黑糯米醋半支，滾後中細火煲4個鐘，雞蛋去殼抹乾水放入薑醋煲內同煲。
因薑醋放左豬腳及熟雞蛋之後唔可以放咁耐，建議一個煲只煲薑醋，另一個煲放細半煲薑醋加豬腳及熟雞蛋，咁樣就算變壞左都只係一煲，唔使重頭煲過嘛。
發表於 
返回列表
