論盡家傭今日: 2|主題: 134041

收藏本版

發帖

返回列表

跳至頁

查看: 8672 | 回覆: 78

請工人前必睇,一個深刻嘅教訓

[複製鏈接]

12 3 4

banks

複式洋房

積分: 192

1^#

發表於 12-8-10 16:40 |只看該作者 |倒序瀏覽 |打印

我和我太太通過一間中介公司,請左一個印傭,7月31號(禮拜二)中午1點左右到我屋企.
呢個印傭好勤力,把行李放下就主動做洗手間和廚房清潔.唔怕髒,唔怕累.

我地暗自慶幸,搵嘅人好啱. 但事情唔係咁簡單!

到了第2日早晨,佢講岺日做衛生嘅時候有異物入到左眼,眼睛好唔舒服,於是我太太俾佢買左眼藥水.

可是周日早上,佢講左眼仲有問題,cannot see properly. 此時我地有小小擔心,於是即刻把當日嘅活動取消,帶佢到私家診所睇醫生.

私家醫生經過初步檢查后,建議我地即刻帶佢去威爾士醫院睇急診,講情況"可以好嚴重".此時我地都好緊張.

來到威爾士后,經過初診和複診,醫生得出結論,佢左眼嘅問題係高血壓導致嘅左眼血管堵塞,左眼視力淨係0.1,半年內要經常來醫院複診,回複到0.5嘅機會好細.
醫生仲講,呢次堵左眼睛血管,下次可能堵左大腦,分分鍾可能中風.

點算好啊?我地即刻打電話俾Agent,講俾佢听呢種情況. Agent叫我地帶工人一起來佢公司傾下.

我地一起來到佢公司,但個Agent,要我地留工人係屋企,觀察一個月先講.我地唔肯.佢就以種種理由不肯換人.

佢仲拿法律來壓我地,張口法律,閉口法律,好似佢係大律師或者大法官咁.
佢連醫生嘅話仲要反駁,講我地太過緊張,工人嘅病唔係好嚴重.

後來我地听取朋友嘅建議,先禮后兵. 如果個Agent始終不肯換人.我地把工人帶過去Agent個度,把該俾她嘅錢俾她,留呆工人,我地閃人.

後來個Agent知道始終拗唔過,先同意換掉佢.

雖然成功炒左工人,但我地損失都好大.賠多個月人工,番印尼機票2800,睇醫生嘅錢,加埋一起8000+了. 幸好工人有香港身份證, 公立醫院睇醫生唔塞俾好多錢,但政府幫我埋單嘅錢始終都係我地納稅人嘅錢哦.
但個工人來到我屋企9日嗻,1日係周日,3日俾佢睇醫生. 我地仲要請左假陪佢睇醫生(因為唔知道佢身體究竟出左乜問題,一定要親自問問醫生).
而且下一個工人都係唔知幾時候可以到(我們從4月就開始通過呢間Agent搵工人)
真係好蝕底!

我地想,工人來之前身體就已經有咁大問題,Agent有好大責任.
Agent俾我地體檢報告,就連血壓/身高/體重咁基本嘅也都冇. 如果我地先前知道佢血壓咁高,我地都唔會要佢了.

可是個Agent始終未講過sorry,一直堅持沒有任何事情做錯左. 甚至仲不如呢個工人,工人都知道講聲sorry.

始終唔明,香港呢個無論從小朋友到大人競爭咁激烈嘅地方,點解咁冇責任心,同埋蠻橫唔通人情事故嘅中介服務公司可以生存下來.

呢間公司之前係沙田第一城,大概6,7月搬到旺角. 据講係因為加租.但我都好懷疑,旺角的租平過沙田么?係唔係有其他原因呢?

為左留有餘地,呢度我就唔講出Agent個名. 但得出以下2點教訓,仲未有請工人經驗嘅Daddy,Mummy一定要睇:
1.唔好過分相信Agent,唔好抱太大希望佢會幫你地把關,全靠自己! 工人進你地屋企前,一定要詳細驗身,哪怕係自費都得
2.如果係個工人炒左上一個僱主,一定要小心!! 佢會炒上個僱主,難道唔會炒你么?而且你可能永遠唔會知佢當時炒僱主係乜原因.
當時個Agent力薦呢個工人,講係佢炒僱主,唔係僱主炒佢,就相信了Agent嘅鬼話.依伽想來,當初真係好傻好天真!

個印傭姐姐都唔好再番香港當家傭啦,於人於己都未有好處. 下個僱主在唔知情下,分分鍾慘過我地.