話說兩星期前既星期日, 我地一家去太古城睇戲. 散場行出黎冇耐, 呀仔發現自己唔見左手機, 於是話比戲院工作人員知, 一齊返入戲院搵, 結果搵唔到. 我地懷疑已經比人執左, 打返呀仔電話號碼, 已經比人關機. 最後只好留個contact比戲院希望有人執到.
我地諗, 既然已經比人關機, 即係對方有心將佢據為己有. 我地教訓左呀仔, 之前講左手機唔好就咁袋褲袋, 佢唔聽, 已經試過跌左一次搵唔返手機 (嗰個係cheap cheap 2G機), 以為佢受左教訓. 上年X’mas見有特價, 買返一個smartphone比佢 (大約$1,100), 等佢可以同我whatsapp同埋我可以check 到佢去左邊.
好喇. 唔見左smartphone已成實, 佢不知幾痛心, 我亦要比佢教訓佢, 叫佢用返2G機.
頭先, 佢行過屋企附近一間二手手機店, 入去睇下手機價錢 (因為佢想買返一個smartphone). 呀仔話, 一入去, 見店舖整緊部手機, 佢一睇就認到個手機殼係自己既 (一來係鮮黃色, 二來佢用黑筆自己畫左副畫喺個殼度). 再睇下, 店員整緊嗰部同呀仔本身嗰部既型號/顏色都係一樣.
於是呀仔問個店員想睇下部機入面既相confirm下係咪自己部機.
個店員死都唔肯, 話入面D野係私隱. 呀仔於是打比我問我點, 我叫佢要求店員自己check下部機入面D相同佢個樣係咪match. 呀仔照問, 個衰店員死都唔肯. 呢個時候佢已經收起左剛才整緊嗰部擬似係呀仔既手機, 仲話佢頭先整既唔係呀仔講嗰部機! 可惡.
呀仔好失落. 我同佢講自己唔見電話當買個教訓, 而家死無對證, 店員實恰佢係個細路. 我叫呀仔去附近police station問下, 睇下police會唔會幫佢.
結果, police同佢講, 話死無對證, 唔見電話當破財消災.
我都幾肯定部電話係“賊贓”, 因為呀仔set 左password銷機, 個賊開唔到機咪要拎去二手手機店度破解囉. 不過又會咁岩比呀仔喺天時地利之下見得返! 我其實戥個仔唔抵, 好明白佢有幾激氣. 不過又係佢唔聽我地講好好袋好部手機, 而家… 當係買個大教訓啦!
發表於 
連差佬都咁衰
返回列表
