吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有左兩個月才被他趕走......

夫婦情感今日: 2|主題: 42695

收藏本版

發帖

返回列表

跳至頁

查看: 10041 | 回覆: 85

有左兩個月才被他趕走...... [複製鏈接]

12 3 4 5

LunNANA

民房

積分: 13

1^#

發表於 06-2-24 05:14 |只看該作者

有左兩個月才被他趕走......

我覺得呢度好多媽咪都好坦白和熱心分享各種生活問題,才令我有勇氣寫下我的第一次文章,希望藉著分享認讖一班同聲同氣志可道合的朋友.....
我今年二十歲,他大我四年,我十五歲識他也是我的初戀故之然什麼最老土寶貴的第一次都俾哂佢吧,跟男友不经不覺巳拍拖五年,我們的生活環境不同,他父母做生意的,屋已供斷,他畢業後幫手家族生意不致好有$$,但總算生活無憂,我係大女,媽媽早死,爸爸和嫲嫲巳退休,對下有個剛上中學的妹妹,我負責交租和屋企所有開支,雖然有點吃力,但總算係靠自己從沒洗過估佢一分一毛(因為他是個對$看得好重的人,對自己可以全身名牌,碌爆咭都要買到心頭好,但對外不論朋友或已稱呼老婆的我都係用AA制的,他會送禮物給我但每次佢都會暗示我要回報..就係陪佢過夜上床...我不想他以為我係重物質嘅人所以拍拖半年後再無受佢任何恩惠,我係真心愛佢的話不用厚禮都會做啦但惜他是個性慾好强的人,他除了喜歡打機其餘時間都喜歡玩chat room,拍拖以來我一直緊守罔位,除了番工其餘時間一定陪佢等佢,但無論我點做他總係好定時每隔半年就會偷食一次,慢慢再因揾到多Ｄ$$而由半年轉變到四處蒲吧落D high 嘢爆房.....我知佢偷食係因為幫佢執屋倒拉圾時發現避孕套,第二次係個女仔留口信叫佢老公,第三次係有時鐘酒店的信用咭收據,第四次第五次又重覆番開頭的...我跟他說分手已有幾次但最後很犯賤地忘不了他又復合,那些陋習我巳看得麻木,淚也哭得乾無可乾...但我騙不了自己,他無賴又如何?!我就是偏偏還很愛他...碰上再好的男人也拒絕了...也許我已習慣為他哭被他刻薄的感覺,亦也許是我不甘心罷了....
直至前個月我告訢他我有左,他還鬧番我轉頭係自己無食避孕藥,...又屈我喺出面玩俾人搞大來揾佢食死貓....我話可以驗DNA唔使嗌,點知佢同佢阿媽都一口咬定我想用個bb威脅佢D$$.....我真係愛佢視佢為將來另一半先處處包容佢,接受佢一切...也放心俾佢唔用套....我一直都好喜歡小朋友亦唔讚成落bb....但卻換來這結果我真的死心了....個肚拖拖下已踏入第八週,拍拖以來為左佢放棄左好多社交活動所以無乜傾到心事的朋友....而家心情實在很絕望...我打算要個BB但第一次大肚實在既緊張又沒經驗..... :-( 點算....

私人傳訊

寶寶儀

大宅

積分: 4234

好媽媽勳章

2^#

發表於 06-2-24 05:36 |只看該作者

Re: 有左兩個月才被他趕走......

點解你要咁蠢去接受呢d咁既男人???
愛真係可以咩都唔介意..一次又一次既背叛...

你視佢為終身伴侶..但佢唔係咁諗..你咁樣都係冇用..呢d男人根本唔值得去愛...

我同你同年...我一生人都經歷過好多野,亦都試過俾人扔棄既痛苦,但我識得搵自己既幸福....你而家先廿歲...你真係覺得自己可以忍到佢一世嗎??佢遲早都會扔棄你...我覺得今次可以令到你死左條心仲好...

我以前都好愛一條仔,亦都有bb,果刻我都好想生佢出黎,但發覺2個人相處唔到,一定唔會幸福,所以放棄左bb...

如果你覺得自己有能力養到佢,咪生佢,但唔可以後悔....

但俾我,我會落左去,咁講好似好衰,但明知冇可能既野點解仲要繼續落去...加上個bb仲細...咩都可以重頭黎過...我本身唔鐘意bb係單親家庭..咁好對佢唔住
廿歲咋...仲有幸福可以搵架,唔好為d咁既人攪到自己咁先得...

:-( :-( :-( :-(

唔好指望個賤男會養你同bb,呢d男人唔要都擺啦!!

無論世界點變都好~媽媽永遠都愛熹熹同楓楓
熹熹豬2006年4月10日出世.楓楓豬2008年2月4日.
健康才是財富~希望2隻豬身體健康^-^

私人傳訊

onon1022

子爵府

積分: 12563

好媽媽勳章

3^#

發表於 06-2-24 05:58 |只看該作者

Re: 有左兩個月才被他趕走......

其實感情呢樣野真係又愛又恨...其實呢個男人真係唔要都把...如果你諗住打算要bb...而可以自己一個...咁你首先要學會堅強...講真...個個男人...佢都未玩夠...就算有幾多個女朋友佢都唔會夠...貪新鮮...佢可能未必愛你...只係覺得自己身邊有你係到...習慣左一齊...無左你幫佢執屋打理一齊...你想佢為左你同bb結婚...好難囉...其實bb可以為你帶黎一齊...而家既你...快d去健康完登記做產前檢查...有咩唔明可以上黎問...唔開心可以上黎講...如果你決定要bb...就要開開心心...因為心情都會影響bb...放心...呢d有好多人會幫你同支持你...個男人你就唔好再諗佢啦...搵個第二個啦...大把真心男人等住你呀...

[url=http://lilypie.com][img]

私人傳訊

LOVEtsangchiwai

大宅

積分: 4664

4^#

發表於 06-2-24 06:20 |只看該作者

Re: 有左兩個月才被他趕走......

但係生左bb就好難搵第2個喇~~~係不如唔好要呢個啦,搵一個love你o既人,同佢生一個仲好~~你諗清楚啦,你先20歲........

一係就生出黎,但就唔好諗搵第2個,一生一世同bb一齊,但都可能會遇到好男人o既~~

總之你e+個男人就唔洗諗啦,咁濺,仲有,佢係咪冇搵你喇,咁你仲搵唔搵到佢??點都叫佢俾返d錢你,同佢講話落左個bb,以後冇拖冇欠....當然你落唔落係你決定啦~~

你係咪85年,我84架,我都係20歲有bb,我老公應該同你隻衰男人同年81年~??但我老公比你個男人成熟好多囉.....

無你點決定我都支持你~~

卓卓天地 網上訂購新款時裝,BK媽咪75折,5月１４號新貨上架完畢,有興趣可PM ME~

私人傳訊

WINNIEYIP

公爵府

積分: 29725

5^#

發表於 06-2-24 07:59 |只看該作者

Re: 有左兩個月才被他趕走......

睇到你的經歷我心真的好難過,首先你依家一定要冷靜地想清楚,雖然你有這份決定自己揍大bb,但首先你要想想你始終只得20歲,如果你咁做你將來條路會好難行,你將來點同bb解釋呢???而且你自己亦有家庭負擔你有無咁既能力照顧bb,其實我亦不贊成墮胎,但你實在年紀太輕了,將來你假若結婚咁你又點呢???其實生一個bb唔係太難,但教育他才是最艱難的,講真我唔否定你會是位好媽媽,但作為人母一定會給自己子女最好的,(我所指的並不是物質)但你應為自己能做到嗎????所以你要盡快考慮清楚,如果你真有這樣的決心你便勇敢去生這個屬於你自己的bb,而你個位不知所謂的男友,你不要寄望他了...你亦真的要斷絕再重滔覆轍,希望你有個正確的決定,到時再話比我們知,我們bk的朋友會支持你,加油~~加油~~
記住,如果你有了決定的話你一定要勇往直前,唔好後悔,但我明你要考慮的因素太多,但你所剩的時間亦無太多,祝福你

私人傳訊

crystaltochan

男爵府

積分: 6296

6^#

發表於 06-2-24 08:48 |只看該作者

Re: 有左兩個月才被他趕走......

睇左你經歷,我好難過,但唔識講乜好,要保重. :-( :-( :-(

http://tn5.cn3.yahoo.com/image/3f7/b41fbbff9e4a8ee75e.jpeg

私人傳訊

哈哈笑

大宅

積分: 3773

7^#

發表於 06-2-24 09:10 |只看該作者

Re: 有左兩個月才被他趕走......

你依家重好後生, 如果比我都唔會要個bb, 因為係呢一刻真係比唔到好既生活佢, 點解要生出黎同你一齊捱苦?? :cry: :cry: 但係自己一定要清醒, 唔可以再同呢個男仔一齊, 一齊只有唔開心......

私人傳訊

心妍媽

大宅

積分: 1480

8^#

發表於 06-2-24 09:31 |只看該作者

Re: 有左兩個月才被他趕走......

d咁既男人有咩用呀...就算比你留左個人又有咩用呀...
好彩你家陣仲後生...講真一句女人都係想將來既人...
哩個男人都比唔到你...佢阿媽仲衰咁講野都得...自己都係女人...如果~果個係佢個囡佢又會點呀...你家陣得2個月而你又得20歲...換轉係我就一定唔要...人命都係咁話呀....
相信你自己都講唔出愛哩個男人d咩...唔好咁傻啦...
醒醒吧....現實係好殘酷既...但都要面對...

私人傳訊

你好嗎

侯爵府

積分: 20329

9^#

發表於 06-2-24 09:35 |只看該作者

Re: 有左兩個月才被他趕走......

好担白講,俾我會自私d,唔要個bb,重頭再開始新生活!唔好俾佢睇死!同佢講你會唔要,以後都唔好再見佢啦!你廿歲咋,大把時間!加油,俾d勇氣自己

唔好點評我

私人傳訊

kathychoi

子爵府

積分: 11559

10^#

發表於 06-2-24 09:37 |只看該作者

Re: 有左兩個月才被他趕走......

果個賤男人你真係唔好理佢啦..就算佢肯接受你同bb ..將來你只會唔開心架咋!! 拍拖佢已經咁對你..結左婚之後咪仲衰..而你個c 人未來99 咁講野..好明顯係一個非常自私既人!! 如果要你一個獨自生養bb 會好辛苦..因為你依家已經撐起成頭家已經辛苦..bb 既開支真係唔細架..我都明墮胎好難受..所以你真係要考慮清楚!!!
無論點都好..我地都會支持你做既任何決定!!!

世家才俊凌宵揚，然諾有禮人敬仰。 多謝Joycelyn 贈予的詩

私人傳訊

I-Love-U-Boyz

別墅

積分: 693

11^#

發表於 06-2-24 09:47 |只看該作者

Re: 有左兩個月才被他趕走......

記住, 愛一個人唔等於要放下尊嚴. 佢一次又一次咁將你尊嚴打破, 你想想這個人還值得你留低, 還值跟他生孩子嗎? 他根本不值有子送終.

你真的很傻啊, 明知他在外跟其他女人發生關係, 你就說因為愛他所以不用套也沒相干. 這不是會不會有孩子的問題了, 而是你在take risk, 一個可能被他傳染性病的risk. 記住這一點, 就算你以後認識過新的男朋友, 記住要保護自己呀.

至於這個BB, 我不認為你現在能夠負擔得下, 生下來大家 (你及BB)都可能會很痛苦, 所以我也認為(狠心地)最好打掉他.

暫時我想不到還有什麼可回應, 希望你能重新過新生活吧.

私人傳訊

ringoivy

翡翠宮

積分: 76971

12^#

發表於 06-2-24 10:06 |只看該作者

Re: 有左兩個月才被他趕走......

雖然我絶對唔鼓吹d人落仔, 但你個case真係不得不落, 你點鍾意小朋友都好, 你比唔到一個美滿既生活環境佢, 同無一個完整的家點解要佢出黎同你一齊受苦何必呢? 我都好鍾意小朋友...但我覺得你唔可以咁自私....

唔好為左自己喜歡小朋友同愛呢個唔值得你去愛既男人而留種

你仲有大把美好既前途等住你, 我深信你同呢個不知所謂既男友分手後, 將來一定會有美好既將來的, 無謂為左一棵殘樹而放棄整個森林, 再者家陣唔單止個男仔唔接受你, 連佢家人都咁認同你, 咁又何苦呢

若然是但一方係接受你的話, 我都會叫你唔好放棄, 但可惜男方及男方家長都接受唔到你, 咁為何要遭塌自己攞苦黎辛呢

醒下啦, 快快做個開心快活人吧

呢個男仔唔值得你再留佢做任何事同浪費自己既時間同青春, 因為佢一d都無珍惜過你

若然你係我個女, 我會好心痛...好心痛點解你要咁作賤自己 ?-( :-( :-( 你家陣在佢地面前就係失去左尊嚴, 快d鼓起勇氣重捨自己既尊嚴吧

人地唔珍惜你, 你就要更加好好咁珍惜自己 :-x

私人傳訊

PINKAVA

男爵府

積分: 7534

13^#

發表於 06-2-24 10:06 |只看該作者

Re: 有左兩個月才被他趕走......

LOVEtsangchiwai 寫道:
但係生左bb就好難搵第2個喇~~~係不如唔好要呢個啦,搵一個love你o既人,同佢生一個仲好~~你諗清楚啦,你先20歲........

[size=large]絕對認同。

私人傳訊

MrsMars

複式洋房

積分: 369

14^#

發表於 06-2-24 10:10 |只看該作者

Re: 有左兩個月才被他趕走......

d賤人會有報應架，最好宜家同佢劃清界線，唔好再同佢有接觸，就算佢tum番你都唔好採佢，佢跟本就信唔過，同埋唔值得博，唔好俾佢再有機會hurt 你，你要愛你自己!
至於個bb，俾我係唔會同個賤人生佢出黎，係殘忍d，但我覺得生佢出黎俾佢知道有個賤人老豆種殘忍，對佢成長都唔係咁好。你宜家先20歲，大把機會啦!記住下次要戴眼識人，祝福你可以搵到個好男人啦!

:-D :-P :-o

私人傳訊