懷孕前後 今日: 0 | 主題: 330331

積分: 219

1^#

發表於 06-3-16 22:46 |只看該作者

有無人可以詳細d講下剖腹生的經驗

由於我過多幾日(20號)九點會開刀生bb出黎,但係做左咁耐人第一次入手術室做大手術,所以有d怕,有無媽咪講下心理上及實際上感受俾我知呀!!??

唔該晒丫!!

私人傳訊

muihsu

積分: 13926

2^#

發表於 06-3-16 23:50 |只看該作者

Re: 有無人可以詳細d講下剖腹生的經驗

開刀的時間同節奏都好快,E生會先同你MA醉,then會用d消毒藥水洗下個肚,大約10-20分鐘你就會聽到BB喊聲,而且氣氛好輕鬆,呢種手術好安全,根本就無需要太擔心,到你聽到bb喊聲,你就咩緊張都忘記晒,不過係手術後個幾日因為傷口痛所以行路會辛苦d law,take it easy!祝你生個肥肥白白的BB

]

私人傳訊

klso

積分: 219

3^#

發表於 06-3-17 00:03 |只看該作者

Re: 有無人可以詳細d講下剖腹生的經驗

多謝你詳細講解...因為我個醫生知我係咪都驚定先...所以佢已經同我講:嗱...你唔好望住個手術燈,因會有反射,你成日咁驚,使唔使全身麻醉,但我上babykingdom網見d開刀媽咪講到係之後傷口痛,入手術室好似無咁提到咁...所以好想知道,係咪好似醫生講:會聽到d佢取刀d聲音及醫生講野...我想知道嗰種感受係咪好得人驚呢?
我老公會陪我入去生,我o向養和生,雖然貴d,但似乎養和d姑娘真係好好耐性,我去聽講座,個個都好細心咁解釋俾d媽咪知所有問題,仲話出院後可以打電話問難題,亦希望痛口痛的話,d姑娘唔好俾面色我,所以先揀養和生,20分鐘..好似都好耐咁...咁你係撐大眼定眯埋眼等bb出世架?
你老公有無陪你呀??咁你係咪不停同佢講野分心架?

對唔住...實太多憂慮了!! :cry:

私人傳訊

klso

積分: 219

4^#

發表於 06-3-17 00:03 |只看該作者

Re: 有無人可以詳細d講下剖腹生的經驗

私人傳訊

renren

積分: 12024

好媽媽勳章

5^#

發表於 06-3-17 03:01 |只看該作者

Re: 有無人可以詳細d講下剖腹生的經驗

我都係朝九點開刀,前一晚入定院準備.先登記填表,好多野填架.跟住就量血壓,驗尿,聽bb心跳,剃毛毛.安頓好晒我老公就走,咁我聽音樂relax,第二朝八點左右,老公到.咁就係等時間.姑娘會入黎量向壓,探熱,跟住插尿喉(我c蠢呀,可以要求打麻醉葯后先插,咁樣無咁唔舒服)插完尿喉等左陣,姑娘同嬸嬸一齊來,自己過床,然后佢地推去手術室.一路推個feel就好似睇電視妙手仁心咁老公陪住行,d姑娘就好輕鬆話好快見到bb,個個都好開心,所以心情唔會太緊張.落到手術果層,推推下換人..我醫生同麻醉師突然殺出,左右一齊嗌早晨,佢地推我入手術室,一路行一路講下野,話手術好簡單,好快見到bb.跟住入到去打麻醉葯,一d都唔覺落針打左葯.我都唔知幾時開始手術,淨係聞到少少'

春有百花秋有月夏有涼風冬有雪若無閒事掛心頭便是人間好時節

私人傳訊

別墅

積分: 541

6^#

發表於 06-3-17 10:52 |只看該作者

Re: 有無人可以詳細d講下剖腹生的經驗

我既經驗同你地講既差唔多, 但係我係完全唔知幾時落刀, 又聽唔到刀聲, 可能因為我對麻醉藥有反應, 我做手術時嘔, 所以聽唔到聲啦! :-( :-( 不過, 嘔唔係太辛苦, 只係訓响度嘔就唔多舒服, 但姑娘幫我, 所以無乜點驚, 反而係我老公在身邊好擔心咁, 佢話佢見我做手術佢仲驚過我!

其實手術好快做完咋, 我同老公傾偈, 傾傾下無端端聽到bb喊聲, 先至知bb出左世, 好搞笑!

私人傳訊

yeewaibb

積分: 1687

7^#

發表於 06-3-17 11:47 |只看該作者

Re: 有無人可以詳細d講下剖腹生的經驗

你是全麻醉定半醉?我是全麻醉,BOOK六點鐘生,麻醉師幫我打完針及聞了GAS,便己經沒有知覺.生個過程都不知道.到姑娘拍醒我,我都生了BB.
生完我都覺得不是很痛,行路去看BB都沒有問題,D朋友來探我/打電話給我,話我都好龍精虎猛.我覺得痛不痛,真的好在乎個醫生個手藝GA

祝你生個又肥又健康的BB.

私人傳訊

Hildatong

男爵府

積分: 6790

8^#

發表於 06-3-17 12:49 |只看該作者

Re: 有無人可以詳細d講下剖腹生的經驗

我聽日9:00開刀啊, 明天早上6:00前入仁安, mug原來可以落左麻醉藥先插尿喉架, 其實我好驚個下唔知係唔係好痛

, 同埋我係半身麻醉架, 聽完你地講之後, 我都無甘驚啦~

私人傳訊

winghw

積分: 1704

9^#

發表於 06-3-17 14:18 |只看該作者

Re: 有無人可以詳細d講下剖腹生的經驗

插尿喉其實唔係痛既，盡量放鬆就得喇。不過插佐尿喉的感覺真係好唔舒服。我覺得果種感覺仲辛苦過痛。

私人傳訊

殷

積分: 4786

畀面勳章

10^#

發表於 06-3-17 14:33 |只看該作者

Re: 有無人可以詳細d講下剖腹生的經驗

我生大仔都是剖腹生的~麻醉師幫我打完針及聞了GAS,便己經沒有知覺.生個過程都不知道.到姑娘拍醒我,我都生了BB.生完我都覺得不是很痛,行路去看BB都沒有問題~我覺得痛不痛,真的好在乎個醫生個手藝GA(Me 2)

小魔怪係2004年11月28日出世la~~~9個月先識坐定定~12個月先識爬爬 ~14個月先識放手企~16個月先學扶o野行~17個月識行la

私人傳訊

yyvenus

積分: 479

11^#

發表於 06-3-17 14:43 |只看該作者

Re: 有無人可以詳細d講下剖腹生的經驗

我上星期至係養和開刀生, renren已講得非常詳細. 可能我係第二胎, 所以完全唔担心. 晚上9時10分入手術室, bb9時27分出世, 最耐係聯針, 要成20分鐘.
我第二朝已可下床去餵bb.

私人傳訊

貓姐

禁止訪問

積分: 33575

12^#

發表於 06-3-17 15:01 |只看該作者

Re: 有無人可以詳細d講下剖腹生的經驗

提示: 作者被禁止或刪除內容自動屏蔽

私人傳訊

ahjoechan

積分: 11671

13^#

發表於 06-3-17 15:25 |只看該作者

Re: 有無人可以詳細d講下剖腹生的經驗

我揀咗27号朝全麻醉生, 呢个星期開始每晚3点就眼光光,亂諗嘢, 好驚傷ロ痛,又驚無奶, 我37 週一滴奶分泌都無,
希望到時可以好似你咁龍精虎猛.

私人傳訊

muihsu

積分: 13926

14^#

發表於 06-3-17 23:13 |只看該作者

Re: 有無人可以詳細d講下剖腹生的經驗

klso,
哦,係呀,到差不多聯好針後,就聽到d姑娘係度數1 2 3...
個e生咪同我講d姑娘係度數下d刀,較剪呀d用具law,咁又唔會好得人驚,我反而全程望住手術燈,因為我都想知道究竟點開刀呢,不過,...個過程...梗係睇唔到啦,有塊布遮掩ga ma,你咪咁驚青啦.我無叫老公陪wor,因要比錢,不想side錢.

]

私人傳訊

CC_chan

Very Nice Japanese Fashion

積分: 4081

15^#

發表於 06-3-17 23:51 |只看該作者

Re: 有無人可以詳細d講下剖腹生的經驗

klso, 不用怕呀! 我最初都好怕呀! 我上年開刀生我個仔，當我被推入去手術室，一步一步甘，我個心係度諗不用怕，點都要面對，門口有個老公係度支持我，仲有奶奶，媽媽，入到手術室，心情保持relax就得呀! 過程好快呀! 不用怕，我支持你，嘻嘻! 我生完都想生多個呢! :lol: :lol: 我第二日都可以落床喂奶比我個仔呀!

祝你順利啦。

私人傳訊

lam322

積分: 2302

16^#

發表於 06-3-18 00:33 |只看該作者

Re: 有無人可以詳細d講下剖腹生的經驗

請問你搵邊一位醫生及邊間醫院?

yeewaibb 寫道:
你是全麻醉定半醉?我是全麻醉,BOOK六點鐘生,麻醉師幫我打完針及聞了GAS,便己經沒有知覺.生個過程都不知道.到姑娘拍醒我,我都生了BB.
生完我都覺得不是很痛,行路去看BB都沒有問題,D朋友來探我/打電話給我,話我都好龍精虎猛.我覺得痛不痛,真的好在乎個醫生個手藝GA

祝你生個又肥又健康的BB.

私人傳訊

klso

積分: 219

17^#

發表於 06-3-27 21:47 |只看該作者

Re: 有無人可以詳細d講下剖腹生的經驗

多謝大家的回應,但之後由於bb有作動的跡象,所以改左3月18日開刀,原來個過程除左被推入手術室時緊張到流左一陣眼淚之外,入到手術室的情況,如同renren講的一樣,真係好easy,只係過程中有d想嘔的感覺(但嘔唔出),都幾辛苦,我老公陪我入手術室(因佢想參予剪臍帶),即使我想望佢幾眼安慰自己緊張心情,但望兩眼後,我有想嘔的感覺,之後連我老公我都唔想擰轉頭望佢,因為真係想嘔,手術室裡面的醫護人員不斷講笑,好輕鬆,雖然我知佢地想緩和我緊張心情,但係雙手被縛住左,個人緊張到出汗,所以有累的感覺,其餘開刀又真係無乜刀聲,同埋我個醫生幾好,佢講乜野我都唔係好聽到,可能佢知我驚(因這個醫生我已幫襯左六年的婦科檢查).

所以,我已成功地生了個b女了,有八磅七呀!!好重磅...

私人傳訊

klso

積分: 219

18^#

發表於 06-3-27 21:51 |只看該作者

Re: 有無人可以詳細d講下剖腹生的經驗

醫生我係搵中環德成大廈黃天生,o向養和生呀...不過養和的育嬰房人手不夠,搞到我第一次入去餵人奶時,餵完一邊,唔識得轉手餵另一邊,個傷口起身又有少許痛(因第二日),叫極姑娘又入晒bb房(bb房同哺乳房係兩間獨立房間),姑娘將bb抱好講左d餵的姿勢後,便要急忙入bb房做餵奶,或其他工作,而哺乳房一個姑娘幫產婦都無...我後來自己試下轉手去另一邊乳房餵(好彩都無失手),但之後餵完每邊10分鐘後,又叫極都無姑娘,等左三四分鐘左右,決定自己死頂忍痛起身,放番bb上bb車仔床上,又唔敢向姑娘投訴,因bb在她們的看管下,激死! :-(

私人傳訊

renren