以下呢個就係我整乞兒雞o既食譜啦!
材料:
雞一隻
乾荷葉2塊 (有新鮮更好)
麵粉 (我用咗一盒)
免治豬肉 (因為我家少爺唔食肉絲)
蝦米
冬菇
醃料:
雞 – 生抽、老抽、紹酒、薑汁、蔴油
免治豬肉 – 生抽、胡椒粉、水、生粉水、蔴油加埋浸好切粒蝦米和切粒冬菇
做法:
洗乾淨隻雞，用以上醃料過夜。
第二朝，浸洗乾荷葉。將隻雞用風筒吹乾雞皮，再將原有醃料搽上雞皮，又再用風筒吹乾雞皮，重複呢兩個步驟直至用完醃料為止。
將醃好豬肉鑲入雞內，用牙簽聯起。
將雞用荷葉包起，因為乾荷葉會有好多洞，所以用兩張可以包好全隻雞，唔會走光啦! :p 接著，放在室温起碼三個鐘，今天天氣頗熱，我將佢放入開完冷氣o既睡房中。
麵粉用水、酒、鹽，慢慢搓成麵團，碌平。將荷葉雞用錫紙包著，再用麵團包好。
最後光波爐(我用咗12L不銹鋼鍋)，235度30分鐘，轉205度40分鐘，就完成。
發表於 
返回列表
