單親天地 今日: 0 | 主題: 18397

積分: 500

1^#

發表於 12-9-11 03:26 |只看該作者 |倒序瀏覽 |打印

本帖最後由 btgirl001 於 15-8-5 13:14 編輯

0 0 0

私人傳訊

yauchuiki

積分: 2950

2^#

發表於 12-9-11 06:15 |只看該作者

回覆：我覺得好辛苦呀~

既然个男人要变心，再想下去也沒用，就算留得住个人都留不住个心，免强一齊都有條刺，为左仔囡，你要堅強，心平氣和找个衰人好好傾下仔囡將來生活安排，一定要負責，你都不要放棄自己，增值自己，多D同家人朋友傾下，放鬆D，要對自己好D！

私人傳訊

ttsghome

積分: 1301

3^#

發表於 12-9-11 06:51 |只看該作者

回覆：btgirl001 的帖子

加油呀！你還有愛你的兩個小寶貝

私人傳訊

LOKLOK1407

積分: 2233

4^#

發表於 12-9-11 08:41 |只看該作者

回覆：我覺得好辛苦呀~

樓主。你嘅情況同我一模一樣。
分別在於我得一個仔同我跟左佢十八年。

有啲野要變就係要變。你再憎佢都無用。再諗佢都無用。痛嘅傷嘅只有你自己。佢係唔會知。就算知都唔會理。
為左自己。為左小朋友。為左愛你嘅家人。努力加油。上天一定會安排條好嘅路比你行架。

開頭係辛苦。一定有一段適應期。但多啲搵人傾訴。多啲睇書。參與多啲活動。人就好好多。

加油

私人傳訊

dordor1207

侯爵府

積分: 24148

畀面勳章 BK Milk勳章

5^#

發表於 12-9-11 10:35 |只看該作者

呢段苦日子, 呢到好多姊妹都經歷過, 你並不孤單既... 首先你自己要冷靜下先, 離唔離婚唔係最重要.... 你首先重新諗下自己既生活, 仔女既生活, 你有無返工, 有無地方住??

至於個男人, 佢要離婚重心急過你.. 所以你呢一刻冷靜下, 唔急於攪手續... 待你心情慢慢靜下來既時候再想想到底呢個男人係一時貪玩定係好認真.....

要喊就喊, 但係響仔女面前要扮堅強... 我o個陣成日都喊, 唔食野,瘦番好多... 我仔重好記得當時既情況..o個陣只係 5 歲人仔... 所以你死忍都要響仔女面前堅強.. 暫時講下爸爸去旅行呀, 出 business trip...

時間真係會幫到你... 唔接受都慢慢令你接受的...唔甘心一定有.. o個陣我重衰.. 內疚感超重.. 一直都罰自己..

所以你慢慢來啦...

今天種下何種因, 它日必收何種果!! 每天努力為亞仔同我的生活打拼!!

私人傳訊

積分: 500

6^#

發表於 12-9-11 10:43 |只看該作者

我有同佢傾過..佢話生活費佢會照俾我..佢放假或者得閒會同對仔女見面..大約一至兩個星期見一次..
但而家最大問題係我個囡..佢今年5歲..佢知道我地要分離..佢好唔開心..佢同佢爸爸ge感情好好..佢接受唔到爸爸離開佢..佢而家好似無晒安全感咁成日好怕我會掉低佢..日日都唔肯返學..返到學校就不停咁喊要搵媽咪..我同我屋企人試過開解佢..但係都無用..我而家都唔知點解好..究竟俾佢見到多啲佢爸爸好定係唔好俾佢見住好呢..我怕佢會以為只要扭計就可以見到爸爸之後會越嚟越扭計..但係唔俾佢見佢又好唔開心日日係到喊..我都唔知邊樣先係啱..同埋佢爸爸同佢地出街我一唔一齊跟出去好呢..有無人可以敎下我應該點做呀...

私人傳訊

bibimay

伯爵府

積分: 18474

7^#

發表於 12-9-11 10:55 |只看該作者

回覆：我覺得好辛苦呀~

如果屋企人都開解唔到，我建議你搵專業人士幫手，試下去搵社工轉介睇心理治療師，5歲小朋友已經有思想，要好好教導。離婚嚟難，但要同小朋友講係最難。加油呀，呢度個個都係咁過。

私人傳訊

積分: 500

8^#

發表於 12-9-11 11:17 |只看該作者

多謝你地ge支持呀..
其實理智上我知我應該ga..我知呢個男人要嚟都無用..佢自己都話過佢就算唔為呢個女人離走..遲啲都會為第二個女人而走..佢講得出呢句說話我知對佢已經唔可以再有留戀.......但係情感上我控制唔到我自己..我成日都會諗起佢..諗佢同個女人而家做緊咩..諗佢會唔會係一時迷失而咁做..我不停咁幫佢諗藉口諗佢唔會係咁ge人..我真係好無用呀....我好想自己可以決絶啲唔洗好似而家咁痛苦...

點評

dordor1207 你只能控制下盡量都唔好諗囉發表於 12-9-11 11:34

私人傳訊

dordor1207

侯爵府

積分: 24148

畀面勳章 BK Milk勳章

9^#

發表於 12-9-11 11:33 |只看該作者

btgirl001 發表於 12-9-11 10:43
我有同佢傾過..佢話生活費佢會照俾我..佢放假或者得閒會同對仔女見面..大約一至兩個星期見一次..
但而家最 ...

呢個情況真係幾慘..本來感情好好, 一下子要咁細既小朋友去接受係好難.. 我仔當時 5 歲, 佢當爸爸係偶像, 但感情就麻麻, 佢又見到爸爸咁樣對媽媽, 令到成個家都唔開心.. 所以佢反而爸爸走左重開心.. 但係佢收埋自己內心感受, 好掛住爸爸唔出聲罷了...

但係你仔仔幾多歲?? 小朋友呢段時間都係缺乏安全感係正常, 我個仔都係咁.. 出街一定要拖實我, 好怕唔見左我.. 但你現在既心情未能處理到屋企咁多問題.. 你自己都好緊張, 你既性格係點, 你自己最清楚, 有人好硬有人好軟.. 我怕你一時之間變成咁, 接受唔到會做傻事.. 所以你現在可以既先放假休息下, 盡量陪住小朋友, 同平時一樣, 管接管送.... 你自己屋企人既支持都好緊要, 至於你 62 & 99 如果係可以幫你既就睇下佢地出唔出面同你老公傾下... 不過唔好迫囉...

個人認為你有幾點需要冷靜之下決定:

1) 到底你想挽救婚姻定係離婚
2) 決定離婚係先分居大家冷靜下, 定係即刻入紙呢
3) 子女, 財產, 住屋, 開支, 你又有無好急切既問題要解決呢
4) 如果挽救婚姻, 你屋企人支持你嗎? 62 & 99 又支持嗎
5) 小三問題, 暫時唔使解決, 一對熱戀中畜性係唔會理身邊所有既事, 所以你唔急於對付個小三
6) 小朋友情緒問題, 你可以搵專責社工幫下你, 你自己已經谷得好辛苦, 無咩精神再處理更多既事

今天種下何種因, 它日必收何種果!! 每天努力為亞仔同我的生活打拼!!

私人傳訊

marcha

男爵府

積分: 8666

10^#

發表於 12-9-11 12:04 |只看該作者

加油努力, 我當時細仔4, 大仔7, 跟他12年, 他要走就走, 請不要傷心+身, 我當時也跟這裡的媽咪求助, 因實在太痛苦, 這樣冇良心的人,一定要他跟他的家人有報應..............., 但過了幾年後, 心態不同了, 現在的我希望他能earn more, 那我們的生活費也可不比推遲或減, 時間一定幫到你!!!!

私人傳訊

catfitfit

公爵府

積分: 26782

畀面勳章環保接龍勳章大廚勳章

11^#

發表於 12-9-11 12:18 |只看該作者

親愛的...

別難過, 既然他答應付你生活費, 那只好信, 勿論他是真是假, 比到幾時, 最起碼現時生活那一瓣暫時可以唔理著...

致於個囡, 叫佢自已同個女解釋吧, 為何你要為佢在事件上作解釋??? 叫佢自已講, 順便聽吓佢點講都好...哼...如果你代佢同個女解釋, 防他日後會怪你, 話你好同個女亂講野...

致於自已...找一張紙, 一支筆, 把中間劃開, 左面詳細寫出他的好, 右面寫他的不好, 愈是詳細愈是好, 寫完之後, 你就會知道佢有幾值得你去愛, 希望你對自已更了解...

親愛的, 別怕, 以上提議是小fit從地獄趴出來為你回的, 好老套的一句, 時間是良藥, 希望唔洗等好耐, 你來分享你往地獄走一轉的心路歷程.

加油, 請勿淆底!!!!!!

悲歡離合總無情
一任階前點滴到天明

私人傳訊

dayday1

積分: 1563

12^#

發表於 12-9-11 12:37 |只看該作者

dordor1207講得啱,熱戀中畜性係唔會理身邊所有既事, 所以你唔急於對付個小三,反而你要處理好自己的情緒,傷心難過一定有的,時間會幫你沖淡所有傷痛,為左小朋友好好振作起來。加油!

私人傳訊

田心

積分: 1891

13^#

發表於 12-9-11 12:43 |只看該作者

回覆：我覺得好辛苦呀~

樓主，時間係良藥，比時間自己同小朋友。我哋呢度，好多人都被男人拋妻棄子，帶著小朋友一步步走過難關。我，當日想喊就喊，到現在已8個月；唔會再為不負責任ge人流一滴眼淚，因為唔直；佢亦唔配有兒女在傍！

私人傳訊

積分: 500

14^#

發表於 12-9-11 13:43 |只看該作者

真係好多謝你地呀...

dordor1207 : 我大囡5歲..細仔3歲..我99 62個個都支持我..不過個衰人好似中咗毒咁..完全唔聽其他人講..話佢為咗個女人..連佢家人(佢父母)朋友都可以唔要..

至於我自己係全職媽咪..住緊公屋..佢暫時仲有俾生活費..所以生活上都暫時仲可以住..

感情上我當然仲愛佢..但係我知佢唔會返轉頭..所以都只能接受分開..

小朋友情緒問題我今日同學校老師傾過...佢地幫我轉介俾社工..希望可以幫到我處理到女女ge情況..

其實我而家都仲好傷心..但係又唔想屋企人擔心..只可以係佢地面前扮堅強.扮振作..但咁扮真係好累呢..不過好彩我發現在呢一個討論區..睇到有咁多同我相同經歷ge過來人..睇到你地點樣重新振作開展新生活..令我學到好多嘢..係呢到好似有一種互相扶持ge感覺..你地大家對我ge鼓勵同支持令我好感動..

私人傳訊

siutsunboy

伯爵府

積分: 15357

15^#

發表於 12-9-11 14:18 |只看該作者

回覆：我覺得好辛苦呀~

雖然我不懂說甚麼，但請你加油，時間會沖淡一切的那賤人只要有生活費給你就不要管他了，反正他和小三會有報應

私人傳訊

dordor1207

侯爵府

積分: 24148

畀面勳章 BK Milk勳章

16^#

發表於 12-9-11 14:39 |只看該作者

樓主, 其實初初發生呢o的事, 人會迷失, 幾多人既說話都唔係幾聽到入耳既.. 重會話 "唓, 講咋麻, 梗係易啦, 叫你做又睇下點?"

我頭先都講啦... 一對熱戀中畜性邊到知道自己做緊乜... 但係你如果係全職媽咪.. 我諗你要好好為自己打算啦... 你唔好十足十信個男人真係會比錢養呢頭家, 由佢決定同小三發展放棄頭家, 佢既誠信係負數... 你唔知件小三乜料 & 小三梗係講錢唔講心架啦... 萬一好似我前夫咁破產, 你到時分到既錢真係少到唔知夠食乜呀

既然你住公屋咁起碼唔使擔心瘋狂加租或者被趕走.. 如果你屋企人湊到小朋友, 你可以試下出來打份工, 起碼男人唔比錢你, 你都叫做有飯開丫....

你暫時唔好諗離唔離婚呢個問題, 拖下先啦... 你一o的都唔趕時間架!!! 鬥氣又好, 白痴望回頭都好.. 千其咪衝動到你所有野 settle down, 下定決心重新出發你先再諗呢個問題...

扮野當然係辛苦架啦, 但係做人就係辛苦不過在乎自己心態點睇點面對..呢一刻你喊, 你唔奮氣真正常到不得了, 你唔係怪獸, 唔係超人.. 你用心為頭家, 結果係點?? 你有無睇愛回家既幸福背後?? 你會從中得到一o的啟示既..

總之, 你要應承大家, 千萬唔好做傻事, 萬一有咁既念頭, 搵屋企, 搵朋友, 幫你過左個念頭... 因為你重有對仔女, 佢無左爸爸重好需要你架...

今天種下何種因, 它日必收何種果!! 每天努力為亞仔同我的生活打拼!!

私人傳訊

積分: 500

17^#

發表於 12-9-11 16:41 |只看該作者

放心啦..我一定唔會做傻事..我對仔女仲需要我去照顧..佢地比我條命更重要..我一定會湊大佢地....
至於俾錢方面..我都知唔好對佢有太大期望..我而家都係諗住收得一個月得一個月咋..小朋友方面我屋企人都幫唔到我湊..所以呢2~3年都唔可以出到嚟工作..若果個衰人唔俾ge我諗住會申請綜援先..等對小朋友大少少就再出嚟工作..

私人傳訊

積分: 500

18^#

發表於 12-9-11 16:51 |只看該作者

catfitfit : 我今日照你講ge咁做..囡囡扭計喊得勁..我攞個電話打俾個衰人去開解個囡..我囡問佢係唔係鍾意咗個女人..要搬出去同個女人住..點知個衰人竟然講大話同個囡講話係我亂講..佢只係返工好忙..佢唔係搬走咗..只係好夜先返到嚟好早就出咗去...佢真係咁ge大話都講得出..佢今晚仲話要同對仔女出去食飯..我女聽完佢電話之後好開心.....我而家都唔知應該點同個女講好..應唔應該折空個衰人ge大話..我好怕俾個假希望個女..到佢再知道真相個事佢更加接受唔到...

點評

caca11 sooner or later you daughter will know the truth. she will suffer even more later. 發表於 12-9-11 17:19

caca11 your daughter has the right to know the truth instead of being decieived by a 賤爸! 發表於 12-9-11 17:18

私人傳訊

caca11