少年成長

跳至

首頁
1

尾頁
   0


男爵府

積分: 7830


1#
發表於 06-4-9 17:08 |只看該作者

點解仔仔續漸長大而我既耐性卻........

我仔仔就快3歲啦...但我既耐性漸漸減少.我記得當佢細個既時間..無論係餵佢食糊仔..教佢學坐,教佢學行..教佢學講野..自問真係好好耐性....本應仔仔漸漸長大.我既耐性應該會係相對增加..可惜.......我都唔知點解...當佢同一問題同一時間問幾次....當佢每樣野都"打爛沙盤問到篤"...當佢成日點解咁既..點解咁既..既時間..我會覺得........."煩"...我知有呢種感覺係好唔岩.....但係我.....有時真係好累..係個心呀..唔係唔想答佢...我都唔知點講好...我老公成日話我搵籍口..個個媽咪都係咁架啦......因為我成日講呢3年我從未放低過仔仔休息下..真係好累..或者真係我既籍口啦
各位媽咪可唔可以教我點樣可以令自己舒服些呀..
子峻媽咪


禁止訪問

積分: 5142


2#
發表於 06-4-9 17:13 |只看該作者

Re: 點解仔仔續漸長大而我既耐性卻........

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


男爵府

積分: 7830


3#
發表於 06-4-9 17:49 |只看該作者

Re: 點解仔仔續漸長大而我既耐性卻........

真係架....個心同個心都好累...好吃力...仲有排我地捱呀..點算
子峻媽咪


珊瑚宮

積分: 119841

2024年龍年勳章 好媽媽勳章 畀面勳章


4#
發表於 06-4-9 21:58 |只看該作者

Re: 點解仔仔續漸長大而我既耐性卻........

我都有依個感覺呢...我成日都覺得我仔仔好'煩'..真係要人鬧先收聲...
佢同一個問題...可以不停咁問..答完佢唔夠1分鐘..佢又會問...初初第一次問,我會詳細答,第二次已經有d求其..到第三,四,五次呢..問到我頂唔順鬧佢"咪答左你囉..係咁咁咁,咁咁咁丫嘛"做乜人地答完你,你都重要不停咁問?
佢每次咁..我就好嬲架啦
:-(


珊瑚宮

積分: 104756


5#
發表於 06-4-9 22:35 |只看該作者

Re: 點解仔仔續漸長大而我既耐性卻........

咁我比你地可能要煩多3倍,因為我有3個女女,
佢地ge問題我係一日都答唔曬(如果任佢地問)
所以多數我都同佢地set咗呢次可以問幾多條問題,
如果多過我會唔答,but佢地都會問落去,
但我個一刻會唔理佢地一陣,
過咗一陣佢再問,我又係用呢個方法,
咁我就唔洗比佢地問到我煩都未問完啦
不過,湊bb係一樣比返工or做其他野都辛苦好多啲野,
各位,慢慢啦,到佢地大大下,你地就會舒服好多啦


男爵府

積分: 7830


6#
發表於 06-4-10 01:26 |只看該作者

Re: 點解仔仔續漸長大而我既耐性卻........

月希
你都好啦..起碼鬧都會收聲..我個仔呀..鬧佢..佢仲大聲過我呀...哇..佢d喊聲簡直係直插我心呀....攞命呀...如果我唔理佢..佢仲煩呀..不停講,不停問....不停喊.......直到我理佢為止....哈哈..你果句"咪答左你囉..係咁咁咁"我一日都唔知講幾也次呀....
子峻媽咪


大宅

積分: 2359


7#
發表於 06-4-10 11:56 |只看該作者

Re: 點解仔仔續漸長大而我既耐性卻........

我都係對呀仔d耐性越黎越少,特別係當佢每事問o既時候,有d佢明明知道答案o既都係咁問,有時我會反問番佢,「咁你話呢?」,問到佢都覺得我煩為止,亦比佢思考o下


男爵府

積分: 5774


8#
發表於 06-4-10 13:07 |只看該作者

Re: 點解仔仔續漸長大而我既耐性卻........

我亞囡亦是成日問問題, 在地鐡, 會問廣告內容, 問那個是誰, 問那個在做甚麼。

我不覺得好煩, 如果問那個是誰, 若是明人, 我會教她認, 若問那個人在做甚麼, 有時我會返問她, 你認為呢? 她便會認真想。我覺得返問小朋友, 讓小朋友思考, 發揮想像, 好過你第一時間給他們答案。所以我亞囡遇到問題時, 她不一定會問得好詳細, 只需要我給她一點啟發, 給她空間去想出她的答案。


男爵府

積分: 7830


9#
發表於 06-4-10 14:53 |只看該作者

Re: 點解仔仔續漸長大而我既耐性卻........

yuenwa
你是否住將軍澳架...因為我覺得好似見過你囡囡呀..
子峻媽咪


男爵府

積分: 5774


10#
發表於 06-4-10 17:10 |只看該作者

Re: 點解仔仔續漸長大而我既耐性卻........

峻峻媽,

我唔係住將軍澳, 不過係一年之前, 我亞囡的確每星期去將軍澳上playgroup。


大宅

積分: 4605


11#
發表於 06-4-10 19:14 |只看該作者

Re: 點解仔仔續漸長大而我既耐性卻........

我仔仔都係咁,好多野講,唔彩佢,或者鬧佢,佢會喊同不停咁用雙手搖你,總之一定要你應番佢為止,而家如果佢講埋d無謂野,我會set定只可講三樣,仲想講落去,聽日至有quota,佢講完嗰三樣野我會即刻攬番佢,讚佢乖三樣就三樣,唔再糾纏落去.咁佢就會開心又滿足喇.
[img align=left]http://www.dchome.net/emote/icon/548.gif[/img]


男爵府

積分: 7830


12#
發表於 06-4-10 22:22 |只看該作者

Re: 點解仔仔續漸長大而我既耐性卻........

yuenwa..
sorry..我可能認錯左呀....唔好意思呀..
你之前係邊上playgroup呀...
子峻媽咪


男爵府

積分: 8633


13#
發表於 06-4-11 18:14 |只看該作者

Re: 點解仔仔續漸長大而我既耐性卻........

我囝剛剛4歲, 佢都係一樣, 係咁問我嘢, 我識就答佢囉, 唔識就叫佢問爸爸 or 其他人 or 我地一齊去搵答案,
佢都會係咁問架, 我答左一次, 2次, 第3次我就扮失憶, 問番佢(其他佢知道, 但又想問) 佢又會答到我, 有時我就故意答錯, 佢就會話番我錯左, 講正確答案俾我知,
俾少少耐性自己, 同個小朋友, 諗下到左佢10幾歲後, 有左自己朋友生活, 真係對住佢同佢講嘢玩嘅時間又有幾多, 一諗到呢度, 我就會收歛下自己脾氣, 咁樣佢開心我又開心
小肥肥一族 我家有個 肥 爸爸, 又 有個 肥 媽媽,一定有個 肥 囝囝


男爵府

積分: 5929

畀面勳章


14#
發表於 06-4-12 10:03 |只看該作者

Re: 點解仔仔續漸長大而我既耐性卻........

我個小朋友咪一樣,起初能住快除打發佢便隨便答佢,點知佢問問下問番轉頭,咁我咪要由頭再答一次,咁樣重浪費時間.有D書籍提及過唔可以閙佢和喝止小朋友的求知欲,這樣對佢地唔好,所以我每次答佢都想清楚才答.又OK喎. :-P


複式洋房

積分: 139


15#
發表於 06-4-12 14:48 |只看該作者

Re: 點解仔仔續漸長大而我既耐性卻........

其實你們這年紀的小孩就好像海綿一樣,是最快吸收知識的年紀。父母應珍識這个階段,因為遲些你想灌輸他們知識,他們也懶得聽。况且保持求知慾,可維持學習動机,往後的学習階段省回不少父母的心血呢。

有時用問題來答問題也是不錯的方法。又可引導小朋友自己找答案,使他們對答案印象深刻(下次不重覆問題),更可乘机偷懶一会,讓咀巴竭一会。


大宅

積分: 4949


16#
發表於 06-4-13 10:44 |只看該作者

Re: 點解仔仔續漸長大而我既耐性卻........

峻峻媽,
Relex 下自己啦!
你仔仔只得3歲,我地做媽咪真係有排捱!
當佢踏入求學時期,你嘅煩勞仲多!仲無奈!
其實小朋友在每個歲數都會有唔同發展及表現。你仔仔3歲前只係bb仔,而家長大咗自然多嘢問、、、、、唔好咁serious, take it easy.... 你同小朋友都要共同學習、適應對方!
千祈唔好有煩、唔耐煩的feeling, 真係覺得倦就自己揾方法relex 下!唔好發洩和將錯放落仔仔身上!


複式洋房

積分: 295


17#
發表於 06-4-13 11:58 |只看該作者

Re: 點解仔仔續漸長大而我既耐性卻........

完全同意Happydaughter的說法,
我仔仔先得4歲多,真係依家開始有排勞氣。

峻峻媽:
妳試下將佢轉化成優點睇,
妳仔仔觀察力好強, 好主動,
求知慾強, 佢學o野一定比人快。
妳要想想有些小朋友3歲先肯講說話,
又或者佢問妳問題的時候,
俾佢發現妳個樣好唔耐煩、好得意咁,
專登問多D有心整蠱妳的。
依家D細路好聰明, 好醒目的。
好媽媽係要慢慢來, 妳一定做得到的。


男爵府

積分: 7830


18#
發表於 06-4-13 15:48 |只看該作者

Re: 點解仔仔續漸長大而我既耐性卻........

好多謝你地安慰同支持..我會努力...
我都承認仔仔的確好聰明..就係佢太聰明我真係唔夠佢玩啦..
我都知佢有時係有心整蠱我架..所以真係好嬲架..
不過我都唔知點樣先可以平恢那刻憤怒既情緒,,,
你地有乜好提意呀
子峻媽咪


複式洋房

積分: 295


19#
發表於 06-4-13 16:50 |只看該作者

Re: 點解仔仔續漸長大而我既耐性卻........

{...當佢同一問題同一時間問幾次....當佢每樣野都"打爛沙盤問到篤"...當佢成日點解咁既..點解咁既..既時間..}

峻峻媽:
請看看我的意見:-
做法1) SET好每日最多可以問幾多條問題(妳的容忍量而定),
每條問題最多問1次, 超過的話堅持唔好答, 叫佢明天才問。
做法2) 找妳老公幫幫忙應付仔仔, 讓妳透透氣,
因為女人每月總有D心情唔好的時候吧!
做法3) 坦白跟仔仔講媽媽的感受, 佢會明白妳講的說話

試試看可否改善, 唔好俾太大壓力自己,
好媽媽唔易做慢慢來吧! 努力! 加油!


珊瑚宮

積分: 119841

2024年龍年勳章 好媽媽勳章 畀面勳章


20#
發表於 06-4-14 17:42 |只看該作者

Re: 點解仔仔續漸長大而我既耐性卻........

峻峻媽 寫道:
月希
你都好啦..起碼鬧都會收聲..我個仔呀..鬧佢..佢仲大聲過我呀...哇..佢d喊聲簡直係直插我心呀....攞命呀...如果我唔理佢..佢仲煩呀..不停講,不停問....不停喊.......直到我理佢為止....哈哈..你果句"咪答左你囉..係咁咁咁"我一日都唔知講幾也次呀....


峻峻媽...我都想佢真係收聲..佢只係唔出聲..走去玩一陣就再返黎問我..佢同一個問題係會問幾日架=_=;所以我先會成日同佢講"咪答左你囉...係咁咁咁"由頭講多次佢知...耐左佢開始feel到..到我好煩咁答佢"咪答左你囉...係咁咁咁"佢就會走開..等下次再問

不過我最頂唔順係..人地講緊電話或同人傾緊計..我仔仔就最鍾意係我身邊問依樣問果樣..都唔比人傾計咁..好煩

首頁
1

尾頁

跳至
Presslogic Logo
Baby Kingdom Logo