吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 如果唔知道自己有無出過水豆，炸腮咁點算？ ...

懷孕前後今日: 3|主題: 330525

收藏本版

發帖

返回列表

跳至頁

查看: 317 | 回覆: 4

如果唔知道自己有無出過水豆，炸腮咁點算？ [複製鏈接]

水怪

子爵府

積分: 10535

1^#

發表於 06-4-12 23:46 |只看該作者

如果唔知道自己有無出過水豆，炸腮咁點算？

各位媽咪，請問你地去政府醫院做第一次檢查時d姑娘係咪會問你有無生過水豆，炸腮既問題，如果我唔知咁會點架？咁佢地會當我有無生過架？有同無佢地既做法又會係點架？因為我問過我屋企人，但佢地都唔記得呀，所以我唔知點算呀﹗

私人傳訊

hinhei

男爵府

積分: 9835

2^#

發表於 06-4-13 15:49 |只看該作者

Re: 如果唔知道自己有無出過水豆，炸腮咁點算？

炸腮我就唔知! 水痘係因為孕婦係唔可以感染水痘的! 後果可大可小! 係會對BB 有影響的! 我早個排先嚇餐飽!
因水痘若果你出過係唔會再出, 若未出過就要小心比傳染! 就係咁!!

私人傳訊

水怪

子爵府

積分: 10535

3^#

發表於 06-4-13 16:02 |只看該作者

Re: 如果唔知道自己有無出過水豆，炸腮咁點算？

hinhei

咁大鍋？咁點算呀？我阿媽話唔記得呀，咁我可以點可？但係我地唔係應該都打左預防針架咩？小學成日都打咁多針，無一枝係咩？重有麻疹又會唔會傳到比BB架？比你講一講，攪到我好驚添架﹗

私人傳訊

hinhei

男爵府

積分: 9835

4^#

發表於 06-4-13 22:49 |只看該作者

Re: 如果唔知道自己有無出過水豆，炸腮咁點算？

麻疹若你係香港出世........應該打了頂防針! 因我都有張針咭, 不過唔見咗同好似梅菜咁! 其實都唔知打過乜針!!hehheeeeee

水痘針一直以來都無免費打的! 只是近幾年先開始流行另外比錢去私家打! 若你未出過, 唯一做法就係小心D! 唔好被傳染到!! 不過你咁多年都染唔到, 無理由咁啱.........唔好咁擔心! 就算真係好唔好彩野到, 個B都唔係一定有事架！呢度都有case係孕婦出水痘!

我早個排因正正我個仔同學出水痘, 我仲要係佢病發個日近距離接觸過!我個仔又成日同佢玩埋一齊..........咁我問我媽又係答到一舊暈咁, 一時又話唔記得, 一時又話無出過!
我擔心到CC吓! 我打咗返健康院, 佢哋要我返威爾斯急症抽血check有無水痘抗體. 有當然安安樂樂啦! 無就麻煩啦!有排驚! 又驚自己直接由個位小朋友野到, 又驚個仔巳經野到.因為有D成三個禮拜先發出來架!咁出之前兩日都係會傳染比人! 但無法, 我一定要照顧我個仔, 唉!! 當時真係好驚! 個報告仲話要成個星期先有, 我發老脾.......個醫生先話最快要星期一早上先可以打電話話我知(個日星期六).
結果就係我有抗體, 唔洗再驚! 我個仔最後都無野到! 我亞媽最搞野就係我出咗報告後同我講我有出過水痘! 我前前後後係呢七年裏問過幾十次.................佢都係無答案!! 係唔係玩嘢!!

若你真係好驚你可以去私家個D化驗所抽血check有無抗體! 不過其實都唔洗咁擔心, 好似我仔咁同個同學仔個日真係玩到好埋, 乜接觸都整都無事啦!! 何況你好地地唔會無端端野到架!!